قابل تجدید توانائی کے فروغ کی انڈین ایجنسی لمیٹیڈ (آئی آر ای ڈی اے) نے، جو کہ نئی اور قابل تجدید توانائی کی وزارت کے تحت ایک ادارہ ہے، اپنی سالانہ جنرل میٹنگ ( اے جی ایم) آج انڈین ہیبیٹیٹ سنٹر، نئی دلی میں منعقد کی۔ اپنے شہئر ہولڈرز کے ساتھ کی گئی اس میٹنگ میں مالی سال 22-2021 کے سالانہ حساب کتاب منظور کئے گئے۔

 

شیئر ہولڈرز سے خطاب کرتے ہوئے چیئرمین اور ڈائرکٹر (سی ایم ڈی)، آئی آر ای ڈی اے، جناب ہردیپ کمار داس نے کہا کہ کووڈ اُنیس کی دوسری اور تیسری لہر کے باوجود آئی آر ای ڈی اے نے مالی سال 22-2021 میں اب تک کا سب سے زیادہ قبل از ٹیکس منافع ( پی بی ٹی) 833.84 کروڑ روپے اور ٹیکس کے بعد کا منافع (پی اے ٹی) 633.53 کروڑ روپے حاصل کیا۔

 

آئی آر ای ڈی اے کی لون بک جو کہ مالی سال 21-2020 کے آخر میں 27853.92 کروڑ روپے تھی وہ مالی سال 22-2021 کے آخر تک بڑھ کر 33930.61 کروڑ روپے ہوگئی۔ اس کے علاوہ نیٹ این پی اے 22-2021 کے مالی سال کے آخر تک گھٹ کر  3.12 فیصدی  ہو گیا۔

 

مستقبل کی حکمت عملی پر روشنی ڈالتے ہوئے سی ایم ڈی ، آئی آر ای ڈی اے نے کہا کہ آئی آر ای ڈی اے بڑے ادارہ جاتی سرمایہ کاروں کو بروئے کار لانے کے لئے ایک متبادل سرمایہ کاری فنڈ   کا ارادہ رکھتا ہے۔ یہ بڑے سرمایہ کار ہیں۔ پنشن فنڈز ، انشورنس فنڈز، ماحولیاتی ، سماجی اور گورننس فنڈ وغیرہ۔ اے آئی ایف بھی آئی آر ای ڈی اے کو ان قرض خواہوں کے لئے نئے پروجیکٹوں میں سرمایہ کاری میں مدد دے گا، جو مقررہ حد سے قریب ہیں۔ اس کے علاوہ کمپنی پاس تھرو سرٹیفکیشن کے ذریعے اثاثوں پر مبنی سکیورٹیز کرنے کا بھی ارادہ رکھتی ہے۔

***

ش ح۔ ع س۔ ک ا

 

(Release ID: 1850796) Visitor Counter : 95