آزادی کا امرت مہوتسو کے جذبے کے تحت، سماجی انصاف اور تفویض اختیارات کی وزارت، حکومت ہند نے 75 میونسپل کارپوریشنوں کی نشاندہی کی ہے کہ وہ بھیک مانگنے کے عمل میں مصروف افراد کی جامع بحالی کو نافذ کرنے کے لیے "اسمائیل: معاش اور کاروبار کے لیے پسماندہ افراد کی مدد"  اسمائیل- 75 پہل" کے نام سے ایک اسکیم چلائیں۔

"اسمائیل۔ 75 انیشی ایٹو" کا آغاز مرکزی وزیر برائے سماجی انصاف اور تفویض اختیارات ڈاکٹر وریندر کمار، عزت مآب وزیر مملکت (ایس جے اینڈ ای) جناب اے نارائن سوامی  کی موجودگی میں 12 اگست 2022 کو دوپہر 02:00 بجے نئی دہلی میں نظام الدین میٹرو اسٹیشن کے قریب ایک شیلٹر ہوم (رین بسیرا) میں کریں گے۔ شناخت شدہ 75 میونسپل کارپوریشنز، بھکاری کے میدان سے تعلق رکھنے والے ماہرین اور نامور این جی اوز آن لائن اور آف لائن موڈ کے ذریعے اس ملک گیر لانچ میں حصہ لیں گے۔

اسمائیل۔75 اقدام کے تحت، پچھتر (75) میونسپل کارپوریشنز این جی اوز اور دیگر اسٹیک ہولڈرز کے ساتھ مل کر ان افراد کے لیے کئی جامع فلاحی اقدامات کا احاطہ کریں گی جو بھیک مانگنے کے عمل میں مصروف ہیں اور بحالی، طبی سہولیات کی فراہمی، مشاورت، آگاہی، تعلیم، ہنرمندی کی ترقی، اقتصادی روابط اور دیگر سرکاری فلاحی پروگراموں کے ساتھ ہم آہنگی وغیرہ پر وسیع پیمانے پر توجہ مرکوز کریں گے۔

سماجی انصاف اور تفویض اختیارات کی وزارت نے 2025-26 تک آنے والے سالوں کے لیے اسمائیل پروجیکٹ کے لیے 100 کروڑ روپے کا کل بجٹ مختص کیا ہے اور اس پروجیکٹ کے ذریعے، وزارت مذکورہ عمل میں مصروف افراد کی مکمل بحالی کے لیے ایک معاون طریقہ کار تیار کرنے کا تصور کرتی ہے۔ بھیک مانگنے کے کام میں مصروف افراد کے لئے ایک ایسا ہندوستان بنانا جہاں کوئی بھی شخص زندہ رہنے اور اپنی بنیادی ضروریات پوری کرنے کے لیے بھیک مانگنے پر مجبور نہ ہو۔

اسمائیل۔ 75 اسکیم کا مقصد ہمارے شہروں/قصبوں اور میونسپل علاقوں کو بھیک سے پاک بنانا اور مختلف اسٹیک ہولڈرز کی مربوط کارروائی کے ذریعے بھیک مانگنے کے عمل میں مصروف افراد کی جامع بحالی کے لیے ایک حکمت عملی بنانا ہے۔ سماجی انصاف اور تفویض اختیارات کی وزارت مقامی شہری اداروں، سول سوسائٹی کی تنظیموں/غیر سرکاری تنظیموں کے اہم کردار کو سمجھتی ہے تاکہ اس مسلسل سماجی مسئلے کو ٹھوس کوششوں سے حل کیا جا سکے۔

حکومت ہند نے بدحالی اور بھیک مانگنے کے مستقل مسئلے کو تسلیم کیا ہے اور سمائل کی ایک جامع اسکیم تیار کی ہے (معاشرتی زندگی اور کاروبار کے اعتبار سے پسماندہ افراد کے لیے مدد) جس میں بھیک مانگنے میں مصروف افراد کے لیے جامع بحالی کی ذیلی اسکیم شامل ہے جس میں شناخت، طبی سہولیات کی بحالی سہولیات، مشاورت، اور تعلیم، مہذب ملازمت اور خود روزگار/انٹرپرینیورشپ کے لیے مہارت کی ترقی کا احاطہ کیا گیا ہے۔

ش ح۔   ش ت۔ج

Uno-8986