مکان اور شہری امور کے وزیر مملکت  جناب  کوشل کشور نے  آج راجیہ سبھا میں  ایک سوال کے تحریری جواب میں درج ذیل معلومات  فراہم کیں:

مرکزی حکومت نے   پردھان منتری آواس یوجنا –شہری ( پی ایم اے وائی – یو) سمیت سستے مکانوں  کی تعمیر میں  لگنے والے مواد  کی بڑھتی ہوئی قیمتوں کو کنٹرول کرنے کے لئے  کئی قدم اٹھائے ہیں۔ مرکزی بجٹ  22-2021 اور 23-2022  میں     نان –الائے ، الائے اور اسٹین لیس  اسٹیل  کی سیمیز  ،فلیٹ  اور لانگ پروڈکٹس   کی کسٹم ڈیوٹی  میں یکساں طورپر 7.5فیصدکی کمی کی گئی ہے۔لوہے کی کچ دھات  / کنکریٹ   اور لوہےکی کچ دھات کے پیلٹس   کی ایکسپورٹ  ڈیوٹی میں  بالترتیب  50فیصد  اور 45فیصد  کا اضافہ کیا گیا ہے۔اس کے علاوہ   پگ آئرن  اور اسٹیل کی کئی مصنوعات پر 15 فیصد ایکسپورٹ ڈیوٹی لگائی گئی ہے۔ مزید برآں  ہاؤسنگ / تعمیراتی سیکٹر  میں مصروف ثانوی اور  ایم ایس ایم ای  سیکٹر  کی اسٹیل صنعت  کو راحت دینے کے لئے  8 ایم ایل کی ٹی ایم ٹی شرط کو کوالٹی کنٹرول آر ڈر  کے دائرہ اختیار سے ہٹادیا گیا ہےکیونکہ ان کااستعمال  ضروری چیزوںمیں ہوتا ہے ۔ حکومت نے  لوہا اور اسٹیل کی  دستیابی میں  اضافہ کرنے کے لئے بھی کئی قدم  اٹھائے ہیں۔ اس کے لئے خام لوہے کی پیداوار اور دستیابی کو یقینی بنانے کے لئے   کانکنی  اور معدنیاتی  پالیسی  میں اصلاحات  کی گئی ہیں۔

اس کے علاوہ مرکزی حکومت   پردھان منتری آواس یوجنا –شہری  سمیت  سستے مکانوں کے پروجیکٹوں    کی تعمیراتی لاگت کو  کنٹرول کرنے کے لئے  کئی قدم اٹھارہی ہے جیسے کہ   زیرتعمیر سستے مکانو ں   کے  پروجیکٹوں پر گڈس اینڈ سروسز  ٹیکس   ( جی ایس ٹی ) کو  ان پٹ   ٹیکس کریڈٹ  ( آئی ٹی سی  ) کے بغیر موجودہ   8فیصد سے گھٹاکر  ایک فیصد  اور دیگر  مکانوں کے پروجیکٹوں  میں   آئی ٹی سی کے بغیر   بارہ فیصد سے گھٹاکر پانچ فیصد   کردیا گیا ہے۔اس کے علاوہ   میٹرو شہروں میں  سستے مکانوں کے پروجیکٹ   کے ترجیحی سیکٹر کو  قرضے کی فراہمی   28 لاکھ روپے سے بڑھاکر  35 لاکھ روپے اور غیر میٹرووالے شہروں  میں  20  لاکھ سے  بڑھاکر  25 لاکھ روپے کردی گئی ہے۔ اس کے علاوہ  نیشنل ہاؤسنگ بینک    میں  سستے مکانوں سے متعلق ایک فنڈ بھی قائم کیا گیا ہے ۔

*************

ش ح۔ق ت۔رم

U-8963

 

(ریلیز آئی ڈی: 1850454) وزیٹر کاؤنٹر : 100