पुणे, 9 ऑगस्ट 2022

 

स्वातंत्र्याच्या अमृतमहोत्सवी सोहोळ्याचा भाग म्हणून, भारतीय नौदलाच्या “आयएनएस शिवाजी’ या लोणावळा येथील प्रशिक्षण केंद्रात भारतीय स्टेट बँकेच्या सहकार्याने 6 ऑगस्ट 2022 रोजी “रन फॉर फ्रीडम” या  मिनी मॅरेथॉनचे आयोजन करण्यात आले होते.

एकूण 7 विभागांमध्ये झालेल्या या कार्यक्रमात महिला आणि 5 ते 18 या वयोगटातील मुलांसह 500 हून अधिक धावपटूंनी मोठ्या उत्साहाने भाग घेतला. भारतीय लष्कर विभागातील नागरिक, लोणावळा महानगरपालिका, खंडाळा येथील पोलीस प्रशिक्षण केंद्र आणि भारतीय स्टेट बँकेच्या कर्मचारी वर्गाने देखील या मिनी मॅरेथॉनमध्ये भाग घेतला.

देशभक्तीचा जोश आणि लोणावळ्यातील उत्साहवर्धक हवामानामुळे या मिनी मॅरेथॉनमधील धावपटूंमध्ये मोठा उत्साह आणि आनंद दिसून आला, याच जोशात त्यांनी शर्यत पूर्ण केली. या कार्यक्रमाने परस्परांतील सौहार्द आणि एकजुटीची भावना वाढविण्याची संधी प्राप्त करून दिली.

 

N.Chitale/S.Chitnis/P.Malandkar

 

 

 

 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(रिलीज़ आईडी: 1850286) आगंतुक पटल : 146