নোর্থ-ইস্তকী খুত্থাংদা ভারত অমসুং বংগ্লাদেশকী মরক্তা মপুং ফানা কনেক্তিবিতী ফগৎহনবা অসি লৈবাক অনি অসিগী মরক্তা তেংবাং পীনবগী মাইকৈদা য়াম্না মরু ওইবা ৱাফম অমনি অমসুং হন্দক্কী চহি খরা অসিদা য়াম্না মরু ওইবা অহোংবা কয়া অমা খুমাং চাউশিল্লকখি। লাইচৎ অসিগী মতুংদা লৈবাক অনি অসিগী মরক্তা রেল অমসুং বসকী সর্বিসশিং অমুক হন্না মখাতানা চত্থবা হৌখ্রে। হন্দক্তা হল্দিবারি-চিলাহতি ফাউদুনা ন্যু জলপাইগুরিদগী ধাকা ফাওবা চেনবা মিতালী এক্সপ্রেস অসি ২০২২গী জুন ১দগী মথৌ তৌবা হৌখ্রে। মসি ভারত অমসুং বংগ্লাদেশকী মরক্তা চেনবা অহুমশুবা পেসেঞ্জর রেল সর্বিসনি। হৌজিক-হৌজিক পাইখৎলিবা আগর্তলা (ত্রিপুরা)গা অখোরা (বংগ্লাদেশ)কা শম্নহল্লিবা “আগর্তলা-অখোরা-রেল লিঙ্ক”কী রেলৱে প্রোজেক্তশিং অমসুং “মহিসান (ইন্দিয়া)- জিরো পোইন্ত (বংগ্লাদেশ) ন্যু লাইনগী কন্সত্রক্সন” অসিনসু লৈবাক অনি অসিগী মরক্তা কনেক্তিবিতী ফগৎহল্লগনি। সাব্রুমদা ফেনি তুরেলদা মৈত্রি সেতুগী কন্সত্রক্সন লোইশিনখ্রে অমসুং ত্রিপুরা রোদ ত্রান্সপোর্ত কোর্পোরেশন (তি.আর.তি.সি.)না বংগ্লাদেশ ফাওদুনা ত্রিপুরাদগী কোলকাতা চৎপা রোয়ল মৈত্রি ইন্তর্নেস্নেল বস সর্বিসশিং হৌখ্রে।

মখাতানা বংগ্লাদেশ ফাওদুনা ভারতকী নোর্থ ইস্তর্ন রিজনদা পেত্রোলিয়ম, ওইল অমসুং ল্যুব্রিকেন্তশিং (পি.ও.এল.) অমসুং লিক্বিফাইদ পেত্রোলিয়ম গ্যাস (এল.পি.জি.)গী তেমপোররী ত্রান্সিত ওইহন্নবগীদমক্তা এম.ও.য়ু. অমা ২০২২গী ওগস্ত ০২দা বংগ্লাদেশ সরকারগী রোদ অমসুং হাইৱেজ মন্ত্রালয় অমসুং ইন্দিয়ন ওইল কোর্পোরেশন লিমিতেদকা খুৎয়েক পীনখ্রে।

বংগ্লাদেশ ফাওদুনা মেঘালয়গী মহেন্দ্রগঞ্জদগী ৱেস্ত বেঙ্গলগী হিলি ফাওবা রোদ লিঙ্ক অমা শেমগৎনবগী প্রোপোজল অমা ২০২০গী দিসেম্বরদা পাংথোকখিবা ভর্চুৱল সমিত্তা হৌদোকখ্রে, মসিগা লোইন-লোইননা ২০২১গী মার্চতা প্রধান মন্ত্রীনা বংগ্লাদেশকী খোংচৎ অদুদসু হায়রিবা ৱাফম অসি হৌদোকখ্রে।

মসিগী ই-পাউ অসি দোনরগী মন্ত্রী, শ্রী জি. কিশন রেদ্দীনা ঙসি লোক সভাদা অইবা পাউখুম ওইনা পীখিবনি।

********

(রিলিজ আই.দি.: 1849858) ভিজিতর কাউন্তর : 148