কোবিদ মতুংদা, লৈবাক অসিদা অমসুং অৱাং নোংপোক লমদম (এন.ই.আর.) য়াওনা লৈরিবা তুরিজমগী ইদস্ত্রী হিংগৎহন্নবা অমসুং মপাঙ্গল কনখৎনবগীদমক অমসুং মীয়াম্না লৈবাক অসিগী মনুংদা লৈবা লমশিং কোইবা মখা তানা চৎপা হৌনবগীদমক, তুরিজম মন্ত্রালয়না মখাগী খোঙথাংশিং অসি লৌখৎলেঃ-

১. তুরিজম মন্ত্রালয়না "দেখো অপ্না দেশ" কেম্পেনগী মখাদা লমকোইবগী লমথুংফম অমসুং তেঞ্জিবল অমসুং নোন তেঞ্জিবল ওইবা এন.ই.আর.দগী য়াওনা ভারতকী তুরিজমগী পোত্থোকশিং শৌগৎনবগীদমক ৱেবিনার, ক্বিজ, প্লেজ, খন্ন-নৈনবা, লম্বী লিলা অমসুং থৌরম কয়া পাঙথোকখ্রে। থৌরাংশিং অসি তুরিজম মন্ত্রালয়গী সোসিএল মীদিয়া একাউন্তশিং অমসুং ৱেবসাইৎশিংদনা হেন্না শন্দোকখি।

২. সাথি (সিস্তেম ফোর এসেস্মেন্ত, অৱেয়রনেস অমসুং ত্রেনিং ফোর হোস্পিতালিতী ইন্দস্ত্রী) হায়বা থৌরাং অমসু কোবিদ-১৯গী পীরিবা চৎন-পথাপ/স্তেন্দার্দ ওব ওপরেতিং প্রোসিজ্যুর (এস.ও.পি.) ঙাক্নবা অমসুং হোতেল, রেস্তোরেন্ত অসিনচিংবশিং অশোই অঙাম য়াওদনা চল্লাইনবা হৌদোকখি।

৩. তুরিজম ইন্দস্ত্রীদা লৈরিবা স্তেকহোল্দরশিংবু খুদোংচাবা পীনবগীদমক, দোমেস্তিক তুরিজম চাউখৎনবা শেলগী তেংবাং পীবগী মওং মার্কেৎ দিবেলপমেন্ত এসিস্তেন্স (এম.দি.এ.)কী চৎন-পথাপশিংসু স্কোপ হেন্না চাউথোক্নবা অমসুং থৌশিল অসিবু পাক শন্না য়ৌনবগীদমক অমসুং স্তেকহোল্দরশিংদা খ্বাইদগী য়াম্না কান্নবা ফংনবগীদমক হোংদোক হোংজিন তৌখি।

৪. ওভর্সিজ প্রমোসন অমসুং পব্লিসিতী স্কিমগী মখাদা লৈরিবা এম.দি.এ.গী চৎন-পথাপশিং অসি স্কোপ হেন্না চাউথোক্নবা অমসুং থৌশিল অসিবু পাক শন্না য়ৌনবগীদমক অমসুং স্তেকহোল্দরশিংদা খ্বাইদগী য়াম্না কান্নবা ফংনবগীদমক হোংদোক হোংজিন তৌখি।

৫. প্রোজেক্ত এপ্রুবেল/রি-এপ্রুবেল অমসুং ক্লাসিফিকেসন/রি-ক্লাসিফিকেসন লোইরবা নৎত্রগনা লোইগদবা খজিক্তা ঙাইরবা হোতেলশিংগী ভেলিদিতী এপ্রুবেল নৎত্রগা সর্তিফিকেসনগী মতম অদু মার্চ ৩১, ২০২২ ফাওবা শাংদোকখি।

৬. রিজনেলগী থাক্তা লৈরিবা রাজ্য সরকার/য়ুনিয়ন তেরিতোরী এদমিনিস্ত্রেসনশিংনা শকখঙলবা তুরিস্ত গাইদশিং অমসুং তুরিজম মন্ত্রালয়না শকখঙলবা তুরিজম স্তেকহোল্দরশিংদা লোন গরেন্তী স্কিম ফোর দোবিদ এফেক্তেদ তুরিজম সর্ভিস সেক্তর (এল.জি.এস.সি.এ.তি.এস.এস.)কী মখাদা শেলগী তেংবাং পীখি। তি.তি.এস.শিংনা লুপা লাখ ১০ ফাওবগী লোন লৌবগী অয়াবা পীখি অমসুং তুরিস্ত গাইদশিংনা লুপা লাখ ১ ফাওবা লৌবগী অয়াবা পীখি। প্রোসেসিং চার্জ, ফোর্ক্লোজর/প্রিপেমেন্ত চার্জ অমসুং অহেনবা কোলেতরেলগী তঙাইফদবা অমত্তা লৈতে।

৭. তুরিজম মন্ত্রালয়নসু এন.ই.আর. য়াওনা লৈবাক পুম্বদা লৈরিবা মহৈরোইশিংগী ওইবা তোঙান-তোঙানবা স্তদী তুর কয়া শীন্দুনা নহাশিংগী মরক্তা তুরিজম চাউখৎনবা হোৎনখি। এন.ই.আর.দা কোবিদ মতুংদা তুরিজম হিংগৎনবগীদমক মরুওইবা তুরিজম চাউখৎনবা থৌরমশিংগী মনুংদা তুরিজম অমসুং কলচর মন্ত্রীশিংগী ওইবা এন.ই.আর.গী মীফম ইকাইখুম্নজরিবা তুরিজম, কলচর অমসুং দোনর মন্ত্রীনা ময়াই তাংবল গুৱাহাতিদা  লৌদুনা পাঙথোকখি (সেপ্তেম্বর ১৩ - ১৪, ২০২১) অমসুং; ইন্তর্নেসনেল তুরিজম মার্ত নাগালেন্দ, কোহিমাদা (নবেম্বর ২৭-২৯, ২০২১) পাঙথোকখি।

মথক্কীশিং অসিগী মথক্তা, তুরিজম অমসুং হোস্পিতালিতী ইন্দস্ত্রীগী শেন্মিৎলোন  চাউখৎনবগীদমক অতোপ্পা এজেন্সী/ভারত সরকারগী মন্ত্রালয়শিংনা লোন মোরাতোরিয়মগুম্বা অহেনবা পেকেজ পীবা, প্রোভিদেন্ত ফন্দ কন্ত্রিব্যুসন কোকপা, তেক্স কল্লেক্তেদ এত সোর্স দিফর তৌবা, আত্মনির্ভর ভারত পেকেজকী মখাদা ওতোমেসন লোনগী কোলেতরেল ফ্রী পীবা অসিনচিংবা য়াওরি।

শেনবা চহি ২০২০-২১ দগীনা ২০২১-২২ ফাওবগী মনুংদা অৱাং নোংপোক লমদম চাউখৎ থৌরাং মন্ত্রালয়না লুপা করোর ১০২৩.২৮কী ওইগদবা প্রোজেক্ত ২৮ নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (নেসিদস) অমসুং লুপা করোর ৯৭.০৯ ওইগদবা প্রোজেক্ত ২৩ নোর্থ ইস্তর্ন কাউন্সিল (এন.ই.সি.)গী মখাদা এন.ই.আর.দা তুরিজম সেক্তর চাউখৎনবা কাইথখি।

পাউদম অসি অৱাং নোংপোক লমদম  চাউখৎ থৌরাং মন্ত্রী শ্রী জি. কিশন রেদ্দীনা লোক সভাদা ঙসি অইবা পাউখুম ওইনা পীখি।

***************

(রিলিজ আই.দি.: 1849779) ভিজিতর কাউন্তর : 141