దేశంలో ఆరోగ్య సంరక్షణ వ్యవస్థ ప్రాథమిక ఆరోగ్య సంరక్షణ వ్యవస్థకు చెందిన మూడు స్తంభాలుగా సబ్ హెల్త్ సెంటర్ (అర్బన్ మరియు రూరల్), ప్రాథమిక ఆరోగ్య కేంద్రం (అర్బన్ మరియు రూరల్) మరియు కమ్యూనిటీ హెల్త్ సెంటర్ (అర్బన్ మరియు రూరల్)తో మూడు స్థాయి వ్యవస్థను కలిగి ఉంటుంది. గ్రామీణ ఆరోగ్య గణాంకాలు (ఆర్‌హెచ్‌ఎస్‌) అనేది రాష్ట్రాలు/యూటీలు నివేదించిన హెల్త్ కేర్ అడ్మినిస్ట్రేటివ్ డేటా ఆధారంగా వార్షిక ప్రచురణ.

అదేవిధంగా డిస్ట్రిక్ట్ హాస్పిటల్ (డిహెచ్‌), సబ్-డిస్ట్రిక్ట్ హాస్పిటల్ (ఎస్‌డిహెచ్‌) మరియు మొదటి రెఫరల్ యూనిట్ - కమ్యూనిటీ హెల్త్ సెంటర్లు సెకండరీ కేర్ సేవలను అందిస్తాయి. మెడికల్ కాలేజీలు మరియు రాష్ట్ర-స్థాయి సంస్థలు తృతీయ సంరక్షణ సేవలను అందిస్తాయి.

భారత ప్రభుత్వ ఆరోగ్య మరియు కుటుంబ సంక్షేమ మంత్రిత్వ శాఖ రాష్ట్రాలు/యుటిలకు ప్రభుత్వ ఆరోగ్య సంరక్షణ సౌకర్యాలను బలోపేతం చేయడానికి సాంకేతిక మరియు ఆర్థిక సహాయాన్ని అందిస్తుంది. ఆరోగ్య సంరక్షణ సవాళ్లను పరిష్కరించడానికి ముఖ్యంగా గ్రామీణ ప్రాంతాల్లో ప్రజారోగ్య సౌకర్యాలను పొందే వారందరికీ అందుబాటులో ఉండే సరసమైన మరియు నాణ్యమైన ఆరోగ్య సంరక్షణను అందించడానికి రాష్ట్ర/యూటీ ప్రభుత్వాల ప్రయత్నాలకు అనుబంధంగా జాతీయ గ్రామీణ ఆరోగ్య మిషన్ (ఎన్‌ఆర్‌హెచ్‌ఎం) 2005లో ప్రారంభించబడింది. ప్రస్తుతం ఎన్‌ఆర్‌హెచ్‌ఎం అనేది జాతీయ ఆరోగ్య మిషన్ (ఎన్‌హెచ్‌ఎం) ఉప-మిషన్.

జాతీయ ఆరోగ్య మిషన్ (ఎన్‌హెచ్‌ఎం) కింద రాష్ట్రాలు/యూటీలకు వారి ప్రోగ్రామ్ ఇంప్లిమెంటేషన్ ప్లాన్‌లలో (పిఐపిలు) మరియు వారి మొత్తం వనరుల ఎన్వలప్‌లోని అవసరాల ఆధారంగా నిబంధనల ప్రకారం ఆరోగ్య సంరక్షణ సౌకర్యాలను బలోపేతం చేయడానికి మద్దతు అందించబడుతుంది.ఎన్‌హెచ్‌ఎం కింద దేశంలో ప్రాథమిక ఆరోగ్య సంరక్షణ సేవలను బలోపేతం చేయడానికి రాష్ట్రాలు అనేక జోక్యాలకు మద్దతు ఇస్తున్నాయి.

ప్రాథమిక ఆరోగ్య సంరక్షణ స్థాయిలో ఆరోగ్య సంరక్షణ వ్యవస్థను బలోపేతం చేసేందుకు కేంద్ర బడ్జెట్ 2021-22లో భాగంగా ప్రకటించిన స్థానిక ప్రభుత్వం ద్వారా 15వ ఫైనాన్స్ కమిషన్ హెల్త్ గ్రాంట్లు, మొత్తంగా రాష్ట్రాల్లో ఆరోగ్య సంరక్షణ వ్యవస్థను బలోపేతం చేసేందుకు స్థానిక ప్రభుత్వం ద్వారా ఐదు సంవత్సరాల కాలంలో (2021-2026) రూ. 70,051 కోట్లు కేటాయించబడ్డాయి.

ప్రధాన మంత్రి ఆయుష్మాన్ భారత్ హెల్త్ ఇన్‌ఫ్రాస్ట్రక్చర్ మిషన్ (పిఎం-ఏబిహెచ్‌ఐఎం) రూ. 64,180 కోట్లు పబ్లిక్ హెల్త్ ఇన్‌ఫ్రాస్ట్రక్చర్‌లో ముఖ్యంగా క్రిటికల్ కేర్ సౌకర్యాలు మరియు పట్టణ మరియు గ్రామీణ ప్రాంతాలలో ప్రాథమిక సంరక్షణలో క్లిష్టమైన ఖాళీలను పూరించడానికి లక్ష్యంగా పెట్టుకుంది. ఇది కొన్ని సెంట్రల్ సెక్టార్ భాగాలతో కూడిన కేంద్ర ప్రాయోజిత పథకం. కేంద్ర ప్రాయోజిత పథకం (సిఎస్‌ఎస్‌) భాగాలు సబ్-హెల్త్ సెంటర్‌లు, అర్బన్ హెల్త్ అండ్ వెల్‌నెస్ సెంటర్‌లు, బ్లాక్ పబ్లిక్ హెల్త్ యూనిట్‌లు, ఇంటిగ్రేటెడ్ డిస్ట్రిక్ట్ పబ్లిక్ హెల్త్ లాబొరేటరీలు మరియు క్రిటికల్ కేర్ హాస్పిటల్ బ్లాక్‌ల కోసం మౌలిక సదుపాయాల అభివృద్ధికి మద్దతునిస్తాయి.

కేంద్ర ఆరోగ్య, కుటుంబ సంక్షేమ శాఖ సహాయ మంత్రి డాక్టర్ భారతి ప్రవీణ్ పవార్ ఈరోజు లోక్‌సభలో లిఖితపూర్వక సమాధానంలో ఈ సమాచారం తెలిపారు.


 

****

(Release ID: 1848951) Visitor Counter : 181