সরকারনা লৈবাক অসিদা সেক্স রেসিও হেনগৎহন্নবা অমসুং নুপীশিংদা অফবা পুন্সি মহিং অমা হিংহন্নবা হোৎনবদা খ্বাইদগী মরু ওইবা মীৎয়েং চংলি। হীরম অসিদা সরকারনা পাইখৎখিবা মরু ওইবা থৌশিল খরা মখাদা পীরি।

• বেতি বচাও বেতি পরাও (বি.বি.বি.পি.)না অঙাং নুপীমচাবু ঙাক-শেনবা, হিংহনবা অমসুং মহৈ-মশিং তম্বা ঙমহল্লি।

• মিসন সক্ষম অঙ্গনৱাদী অমসুং পোসান ২.০না ন্যুত্রিসন কন্তেন্ত অমসুং দেলিবরিদা স্ত্রেতেজিক ওইবা অহোংবা অমা পুরক্তুনা অমসুং হকশেল, ৱেলনেস অমসুং ইম্ম্যুনিতী ঙাকশেল্লিবা প্রেক্তিসশিং দিবেলপ অমসুং প্রমোৎ তৌদুনা কনভর্জেন্ত ইকো-সিস্তেম অমা শেম্বগী খুত্থাংদা অঙাংশিং, ইনখৎলক্লিবী নুপীমচাশিং, মীরোল্লিবী নুপীশিং অমসুং খোমজিংলিবী মমাশিংদা মচি ওইবা চিঞ্জাক ফংদবগী শীংনবশিং কোকহন্নবা পান্দম থম্লি।

• প্রধান মন্ত্রী মত্রু বন্দনা য়োজনা (পি.এম.এম.ভি.ৱাই.)না খুৎশুমল মাংখিবগীদমক পার্সিএল কম্পেন্সেসন পীরি অমসুং মীরোল্লিবী নুপীশিং অমসুং খোমজিংলিবী মমাশিংগী মরক্তা হেল্থ সীকিং বিহেবিয়র  ফগত্হন্নবা হোৎনরি। মিসন শক্তিগী মখাদা শেমদোক্লবা পি.এম.এম.ভি.ৱাই.না অকরিগুম্বা অঙাং নুপীমচা ওইবা তারবদি অনিশুবা অঙাং অদুগীদমক অহেনবা শেলগী ইনসেন্তিবশিং পীদুনা অঙাং নুপীমচা মরমদা খনবা ৱাখল্লোন্দা পোজিতিব ওইবা অহোংবা লাকহন্নবা পান্দম থম্লি।
• আয়ুশ্মান ভারত-হেল্থ এন্দ ৱেলনেস সেন্তরশিং (এ.বি.-ঐচ.দবল্যু.সি.)গী খুত্থাংদা হেল্থ প্রমোসন য়াওনা কমপ্রিহেন্সিব প্রাইমরী হেল্থ কিয়র রোল আউত তৌরি।
• জননী সিসু সুরক্ষা কারক্রম (জে.এস.এস.কে.)না পব্লিক হেল্থ ইন্সতিত্যুসনশিংদা অঙাং উনবদা মীরোল্লিবী নুপীশিংনা আউত-ওফ-পোক্কেৎ এক্সপেন্স হন্থহল্লি অমসুং অনাবা পোকপদা ঙাইরিবা অঙাংশিং লায়েংনবা পব্লিক হেল্থ ইন্সতিত্যুসনশিংগী এক্সেস তৌহল্লি।
• জননী সুরক্ষা কারক্রম (জে. এস.কে.)না লোইশঙদা অঙাং উন্নবা থৌগৎনবগীদমক মীরোল্লিবী নুপীশিংদা শেলগী তেংবাং পীরি।
• প্রধান মন্ত্রী উজ্জ্বলা য়োজনানা লেম্না এল.পি.জি. সিলিন্দর পীদুনা নুপীশিংদা শক্তি পীরি অমসুং মখোয়গী হকশেল ঙাকশেল্লি।

 

মথক্তা পীরিবা খোঙথাংশিং অসিনা মরম ওইরগা পোকপদা ওইবা সেক্স রেসিও অসি ৯১৮ (২০১৪-১৫) ওইরম্বদগী ৯৩৭ (২০২০-২১)দা হেনগৎলকখি অমসুং পোকপদা ওইবা লাইফ এক্সপেক্তেন্সী অসি চহি ৬৯.৪ (২০১৪-১৮) ওইরম্বদগী চহি ৬৯.৭ (২০১৫-১৯)দা হেনগৎখি।

সরকারনা লেবর ফোর্সতা নুপীশিংনা শরুক য়াবা হেনগৎনবগীদমক থৌশিল কয়ামরুম পাইখৎখি। লেবর লোশিংগী মখাদা য়াওবা অতোপ্পা হকশিংগী মথক্তা লেবর লোশিংদা নুপী শিন্মীশিংগা মরী লৈনবা অকক্নবা প্রোবিজনশিং য়াওখি, মখোয়শিং অদুদি:

 

• ইক্যুএল রিম্যুনরেসন এক্ত, ১৯৭৬না কর্মচারী অমা হেক্তনা তৌবা চপ মান্নবা থবক নত্ত্রগা মান্নবা মখলগী থবক অদুগী মতাংদা, ইস্তাব্লিসমেন্ত অমদা নত্ত্রগা মসিগী য়ুনিত অমা হেক্তদা কর্মচারীশিংগী মরক্তা জেন্দরগী মতাংদা খেন্নবা থমদনা, হায়রিবা ইমপ্লোয়রনা পীবা খুৎশুমলদা খেন্নবা থমলোইদবনি।

• দি মেতরনিতী বেনিফিৎ এক্ত, ২০১৭তা অমেন্দ তৌখিবা অসিনা হিংদুনা লৈরিবা অঙাং অনিগী চয়োল ১২দগী চয়োল ২৬ ফাওবা পেদ মেতরনিতী লিভ পীরি। মসিনা নুপী অদুনা মেতরনিতী বেনিফিৎ অদু লৌরবা মতুংদা করিগুম্বা শুরিবা থবক্কী মখল অদুনা য়াবা তরাবদি “ৱার্ক ফ্রোম হোম’গী প্রোবিজনসু ফংহল্লি অসিগুম্বা মতম অসিগী ওইনা অমসুং মসিগী ফীভম অসিদা এমপ্লোয়র অমসুং নুপী কর্মচারী অদুগী মরক্তা য়ান্নবা পুরকপা তাই।
• ২০১৯গী জনুৱারী ২৯দা থোকখিবা ভাইদ নোতিফিকেসন অদুনা মাইন্স এক্ত ১৯৫২গী মখাদা সরকারনা নুমিদাং পুং ৭তগী অয়ুক পুং ৬ ফাওবা ওপনকাস্তকী থবক শুবা য়াওনা গ্রাউন্দ মাইনশিংগী মথক্তা নুপীনা থবক শুবা য়াহনখি অমসুং গ্রাউন্দ মাইনশিংগী মখাদা তেক্নিকেল সুপরভাইজরী অমসুং লাকপগী মথৌ তাদবা মেনেজরিএলগী থবক্তা অয়ুক পুং ৬তগী নুমিদাং পুং ৭ ফাওবা থবক তৌবা য়াহনখি।
• সরকারনা লেবর কোদ মরী চৎনহনখি, মখোয় অদুদি কোদ ওন ৱেজেস, ২০১৯; দি ইন্দস্ত্রিএল রিলেসন্স কোদ, ২০২০; দি কোদ ওন সোসিএল সেক্যুরিতী, ২০২০ অমসুং দি ওক্যুপেস্নেল সেফতী, হেল্থ এন্দ ৱার্কিং কন্দিসন্স কোদ, ২০২০ অসিনি, ইন্তর এলিয়া ওইনা মখাদা পীরিবা অসিনা প্রোবিজন কয়াগী খুত্থাংদা ইকাই খুম্ননীংঙাই ওইবা মওংদা ৱার্কফোর্সতা নুপীনা শরুক য়াবা থৌগৎলি:

 

• খুৎশুমলশিং, থবক লৌবা অমসুং এমপ্লোইমেন্তগী কন্দিসনশিংগা মরী লৈনবা ৱাফমশিংদা জেন্দরদা য়ুম্ফম ওইরগা খেন্নবা থমলোইদবনি।
• মখোয়গী অয়াবা অমসুং অতোপ্পা ঙাকশেলগী খুদোংচাবশিং পীরবদি এস্তাব্লিসমেন্ত পুম্নমক্কী থবক মখল পুম্নমক্তা নুপীশিংনা অয়ুক পুং ৬কী মমাং অমসুং নুমিদাং পুং ৭কী মতুং থবক তৌবা য়াই।

 

নুপীশিংগী শেন্মীৎলোনগী ফীভম ফগৎহন্নবগীদমক সরকারনা পাইখৎখিবা মরু ওইবা থৌশিল খরা মখাদা পীরি:

 

• সখী সদন (ৱার্কিং ৱুমেন্স হোস্তেল) স্কিমনা ৱার্কিং ৱুমেনশিংদা শাফবা অমসুং অহোংবা মমলদা লৈফম পীরি অমসুং অসুম তৌদুনা নুপীশিংনা হেন্না থবক তৌনীংনবা পুক্নিং থৌগৎলি।
• পালনা, নেস্নেল ক্রেস স্কিম, অসিনা অঙাংশিংদা শাফবা, সেক্যুর ওইবা অমসুং স্তিম্যুলেতিং এনভাইর্নমেন্ত অমা পীবগী খুত্থাংদা নুপীশিংবু থবক তৌনবা থৌগৎলি।
• হবস ফোর এম্পাৱরমেন্ত ওফ ৱুমেন (ঐচ.ই.দবল্যু.) অসি অনৌবা ‘মিসন শক্তিগী মখাদা নেস্নেল, স্তেৎ, দিস্ত্রিক্ত লেবেলদা অয়াবা পীখি। লৈবাক শিনবা থুংবদা তোঙান-তোঙানবা লেবেলশিংদা চপ মান্নবা হেল্থকিয়র, ক্বালিতী এজুকেসন, কেরিয়র অমসুং ভোকেস্নেল কাউন্সেলিং/ত্রেনিংগী এক্সেস ফংহনবা, ফাইনান্সিএল ইনক্লুজন, ওন্তপ্রিনোরশিপ, বেকৱার্দ এন্দ ফোরৱার্দ লিঙ্কেসশিং, শিন্মীশিংগী হেল্থ অমসুং সেফতী, সোসিএল সেক্যুরিতী অমসুং দিজিতেল লিতরেসী য়াওনা মখোয়দা শক্তি পীনবা অমসুং চাউখৎহন্নবগীদমক তোঙান-তোঙানবা ইন্সতিত্যুস্নেল অমসুং স্কিমেতিক সেৎ-অপশিংদা লমজিংনবা, লিঙ্ক তৌনবা, অমসুং হেন্দ হোল্দিংগীদমক ঐচ.ই.দবল্যু.গী মখাদা সপ্পোর্ত ফংহল্লি।
• প্রধান মন্ত্রী মুদ্রা য়োজনা (পি.এম.এম.ৱাই.) অসি সরকারনা ইন্তর এলিয়া ওইনা মশানা মশাবু থবক পীজনবগীদমক হৌদোকখি। পি.এম.এম. ৱাই.গী মখাদা লুপা লাখ ১০ ফাওবগী কোল্লাতরেল ফ্রী লোনশিং মাইক্রো/স্মোল বিজিনেস এন্তরপ্রাইসশিংদা অমসুং মীওইশিংদা মখোয়গী সেৎঅপ নত্ত্রগা মখোয়গী বিজিনেসকী থবক-থৌরমশিং চাউথোকচনবা পীরি। য়োজনা অসিগী মখাদা লৈরিবা অয়াম্বা বেনিফিসরীশিং নুপীশিংনা ওইরি।
• স্তেন্দ অপ ইন্দিয়া স্কিমনা নুপীশিং, এস,সি. অমসুং এস.তি. কাংলুপশিং হায়বদি পাউতাক পীবিনবা/লমজিংবিনবা লৈতবা লোয়ননা ক্রেদিৎ মরাং কাইনা লৈতবা অমসুং পীবদা থিন্থবনা মরম ওইদুনা চাউনা খুদোংচাদবশিং মায়োক্নরি হায়না খঙনবা মীওই কাংলুপশিং অসিগী মরক্তা ওন্তপ্রিনোরশিপ থৌগৎলি।
• প্রধান মন্ত্রী কৌশল বিকাস য়োজনানা নুপীশিং য়াওনা ভারতকী নহা কয়াদা হেন্না ফবা পুন্সি মহিং অমা ফংহন্নবা ইন্দস্ত্রিগা মরী লৈনবা স্কিল ত্রেনিং তৌবা ঙমহন্নবা পান্দম থম্লি।
• দীন দয়াল অন্ত্যোদয়া নেস্নেল অর্বান লাইবলিহুদস মিসন্না নুপীশিংদা স্কিল দিবেলপমেন্তগী খুদোংচাবা পীবদা মীৎয়েং থম্লি, মসিনা মার্কেৎ-বেজ এমপ্লোইমেন্ত ফংহল্লি।
• প্রধান মন্ত্রী আৱাস য়োজনানা নুপীশিংগী মমিংদা য়ুম লৈহন্নবা পান্দম থম্লি।
• সুকন্য সমৃদ্ধি য়োজনা – স্কিম অসিগী মখাদা নুপীমচাশিংনা মখোয়গী বেঙ্ক একাউন্ত হাংহন্দুনা শেল-থুমগী ওইবা শক্তি পীরি।
• স্কিল অপগ্রেদেসন এন্দ মহিলা কোয়র য়োজনা অসি কোয়র ইন্দস্ত্রিদা থবক তৌরিবা নুপী খুৎহৈবশিংবু স্কিল দিবেলপমেন্ত তৌহন্নবা পান্দম থম্লিবা এম.এস.এম.ই.গী অখন্নবা ত্রেনিং প্রোগ্রাম অমনি।
• প্রধান মন্ত্রীগী ইমপ্লোইমেন্ত জেনরেসন প্রোগ্রাম অসি নন-ফার্ম সেক্তরদা মাইক্রো-ইন্তরপ্রাইজশিং লিংখত্পগী খুত্থাংদা মশানা মশাবু থবক পীজবগী খুদোংচাবা পীনবা পান্দম থম্লিবা অচৌবা ক্রেদিৎ-লিঙ্ক সবসিদি প্রোগ্রাম অমনি।

 

ই-পাউ অসি ঙসি লোক সভাদা নুপা অমসুং অঙাংগী য়াইফ-থৌরাংগী কেন্দ্র মন্ত্রী, শ্রীমতি স্মৃতি জুবিন ইরানিনা অইবা পাউখুম ওইনা পীখিবনি।

 

****

(রিলিজ আই.দি.: 1848872) ভিজিতর কাউন্তর : 161