مرکزی وزیر برائے اقلیتی امور محترمہ اسمرتی زوبن ایرانی نے آج لوک سبھا میں ایک تحریری جواب   میں بتایا کہ وزارت اقلیتی برادریوں کی بہبود کے لیے وزیر اعظم کے نئے 15 نکاتی پروگرام کو نافذ کر رہی ہے۔ یہ ایک وسیع پروگرام ہے جس میں حصہ لینے والی وزارتوں/محکموں کی مختلف اسکیموں/پہلوں کا احاطہ کیا گیا ہے جس کا مقصد اس بات کو یقینی بنانا ہے کہ مرکزی طور پر مشتہر شدہ چھ اقلیتی برادریوں کے پسماندہ اور کمزور طبقات کو مختلف سرکاری فلاحی اسکیموں سے فائدہ اٹھانے کے مساوی مواقع میسر ہوں اور - ملک کی مجموعی  معاشی اور سماجی ترقی میں اپنا تعاون پیش کریں۔ اس پروگرام کے درج ذیل وسیع مقاصد ہیں: (i) تعلیم کے مواقع کو بڑھانا؛ (ii) موجودہ اور نئی اسکیموں کے ذریعے، اقتصادی سرگرمیوں اور روزگار میں اقلیتوں کے لیے مساوی حصہ داری کو یقینی بنانا، خود روزگار کے لیے بہتر کریڈٹ سپورٹ، اور ریاستی اور مرکزی حکومت کی ملازمتوں میں  بھرتی؛ (iii) بنیادی ڈھانچے کی ترقی کی اسکیموں میں اقلیتوں کے لیے مناسب حصہ داری کو یقینی بنا کر ان کی زندگی کے حالات کو بہتر بنانا؛ اور (iv) فرقہ وارانہ عدم ہم آہنگی  اور تشدد کی روک تھام اور کنٹرول۔

مذکورہ 15 پی پی پروگرام کے تحت، مرکزی حکومت کی مختلف وزارتوں/محکموں کے ذریعے ملک بھر میں مختلف اسکیمیں/پہل قدمیاں نافذ کی جاتی ہیں۔ 15 نکاتی پروگرام کے تحت آنے والی ان اسکیموں کے تحت، 15فیصد اخراجات اور اہداف، ممکنہ حد تک، مشتہر شدہ اقلیتوں کے لیے مختص کیے گئے ہیں۔ تاہم، 15 نکاتی پروگرام کے تحت اقلیتی امور کی وزارت کی اسکیمیں خاص طور پر مشتہر شدہ اقلیتوں کے لیے ہیں۔ اسکیموں کی تفصیلات درج ذیل ہیں:-

تعلیمی  اعتبار سے بااختیار بنانا

1. اسکالرشپ اسکیمیں- پری میٹرک اسکالرشپ، پوسٹ میٹرک اسکالرشپ اور میرٹ پلس وسائل پر مبنی اسکالرشپ۔
2. مولانا آزاد نیشنل فیلوشپ اسکیم، مشتہر شدہ اقلیتی برادریوں کے طلباء کو ایم فل اور پی ایچ ڈی جیسی اعلیٰ تعلیم کے حصول کے لیے مالی مدد فراہم کرتی ہے۔
3. اس کے علاوہ، مولانا آزاد ایجوکیشن فاؤنڈیشن اس اسکیم کو نافذ کرتی ہے،  یعنی نویں سے بارہویں جماعت میں پڑھنے والی اقلیتوں سے تعلق رکھنے والی ہونہار لڑکیوں کے لیے بیگم حضرت محل نیشنل اسکالرشپ۔
4. نیا سویرا - مفت کوچنگ اور الائیڈ اسکیم جس کا مقصد اقلیتی برادریوں کے طلباء اور امیدواروں کی مہارتوں اور علم کو بڑھانا ہے جن کے خاندان کی کل سالانہ آمدنی  چھ لاکھ روپے سے کم ہےتاکہ وہ گورنمنٹ سیکٹر/ پبلک سیکٹر انڈر ٹیکنگ، پرائیویٹ سیکٹر میں ملازمتیں حاصل کر سکیں اور انڈرگریجویٹ اور پوسٹ گریجویٹ سطح پر تکنیکی اور پیشہ ورانہ کورسز میں نامور اداروں میں داخلہ لے سکیں۔

معاشی اعتبار سے  بااختیار بنانا

1. ہنر مندی میں  ترقی:

1. سیکھو اور کماؤ (لرن اینڈ ارن): یہ اقلیتوں کے لیے ہنر کی ترقی کا ایک اقدام ہے اور اس کا مقصد اقلیتی نوجوانوں کی اہلیت، موجودہ معاشی رجحانات اور مارکیٹ کے امکانات کے لحاظ سے مختلف جدید/روایتی مہارتوں میں اپ گریڈ کرنا ہے، جو انہیں مناسب روزگار مہیا کر سکتا ہے یا انہیں خود روزگار کے لیے مناسب طور پر ہنر مند بنا سکتا ہے۔
2. اقلیتی امور کی وزارت نے ‘‘روایتی فنون/ دستکاری برائے ترقی (یو ایس ٹی ٹی اے ڈی) میں ہنر مندی اور تربیت کو اپ گریڈ کرنے’’  کی اسکیم کے تحت ایک مشن شروع کیا ہے تاکہ ملک بھر کے اقلیتی دستکاروں اور کھانا پکانے کے ماہرین کو ایک موثر پلیٹ فارم فراہم کیا جا سکےتاکہ  وہ وزارت کے زیر اہتمام ‘‘ہنر ہاٹس’’ کے ذریعے اپنے بہترین دستکاری اور شاندار طریقے سے تیار کردہ مصنوعات کی مارکیٹنگ اور  نمائش کر سکیں۔
3. نئی منزل - اقلیتی برادریوں کے نوجوانوں کو تعلیم اور ہنر کی تربیت فراہم کرنے کی ایک اسکیم۔
4. اقلیتی برادریوں سے تعلق رکھنے والے نوجوانوں کو ملازمت کے لئے  قلیل مدت پر مبنی ہنر مندی کی ترقی کے کورسز فراہم کرنے کے لیے غریب نواز روزگار کا تربیتی پروگرام۔
5. پردھان منتری کوشل وکاس یوجنا (پی ایم کے وی وائی): اسکل انڈیا مشن کے تحت، اسکل ڈیولپمنٹ اور انٹرپرینیورشپ کی وزارت ایک اہم  اسکیم کو نافذ کر رہی ہے جسے پردھان منتری کوشل وکاس یوجنا (پی ایم کے وی وائی) کے نام سے جانا جاتا ہے جس کا مقصد شارٹ ٹرم ٹریننگ (ایس ٹی ٹی) اور ریکگنیشن آف پرائیر لرننگ (آر پی ایل) کے تحت  ملک بھر سے لوگوں کو جن  میں اقلیتی کے برادری کے افراد بھی شامل ہیں، کو  ہنر فراہم کرنا ہے۔

ii نیشنل مینارٹیز ڈیولپمنٹ فنانس کارپوریشن (این ایم ڈی ایف سی) لون اسکیمیں مشتہر شدہ اقلیتوں کے درمیان ‘پسماندہ طبقات’ کی سماجی و اقتصادی ترقی کے لیے خود روزگار اور آمدنی پیدا کرنے والی سرگرمیوں کے لیے رعایتی قرضے فراہم کرتی ہیں۔

iii   بینکوں کی طرف سے ترجیحی شعبے کا قرضہ (محکمہ مالیاتی خدمات)

iv  قومی شہری ذریعہ معاش مشن (ہاؤسنگ اور شہری امور کی وزارت)

V  قومی دیہی ذریعہ معاش   مشن (دیہی ترقی کی وزارت)

  vi  دین دیال اپادھیائے – گرامین کوشل یوجنا (دیہی ترقی کی وزارت)

vii  پردھان منتری آواس یوجنا (گرامین) - (دیہی ترقی کی وزارت)

اس کے علاوہ، پردھان منتری جن وکاس کاریاکرم (پی ایم جے وی کے) نام کی ایک اور اسکیم اقلیتی امور کی وزارت کے ذریعے نافذ کی گئی ہے، جس کا مقصد اقلیتوں کے سماجی و اقتصادی حالات اور بنیادی سہولیات کو بہتر بنانا ہے تاکہ ان کے معیار زندگی کو بہتر بنایا جا سکے اور شناخت کردہ اقلیتی ارتکاز کے علاقوں میں عدم توازن کو کم کیا جا سکے۔ پی ایم جے وی کے کے تحت منظور شدہ بڑے پروجیکٹ تعلیم، صحت اور ہنر کے شعبوں میں ہیں، اور ان میں رہائشی اسکول، اسکول کی عمارتیں، ہاسٹل، ڈگری کالج، آئی ٹی آئی، پولی ٹیکنک، سدبھاؤ منڈپ، صحت مراکز، ہنر مندی کے مراکز، کھیلوں کی سہولیات، پینے کے پانی کی سہولیات، صفائی ستھرائی  کی سہولیات وغیرہ شامل ہیں۔

پردھان منتری کے نئے 15 نکاتی پروگرام کے تحت آنے والی اسکیموں کے تحت اقلیتی امور کی وزارت کے ذریعے لاگو کی جانے والی مختلف اسکیموں اور فنڈز کے استعمال کی تفصیلات ضمیمہ-1 میں ہیں۔

 

ضمیمہ-I

(روپے کروڑ میں)

 

 

 

 

*************

( ش ح ۔ ا ک۔ ر ب(

U. No. 8714

(Release ID: 1848651) Visitor Counter : 125