وزارت سیاحت نے اپنی سودیش درشن اسکیم (ایسڈ ی ایس) کے تحت ملک میں سیاحت کے بنیادی ڈھانچے کی ترقی کے لیے 5399.15 کروڑ روپے کے 76 پروجیکٹوں کو منظوری دی ہے۔ ان منظور شدہ منصوبوں میں قبائلی اور دیہی سیاحت کے منصوبے شامل ہیں۔

وزارت سیاحت نے اب اپنی سودیش درشن اسکیم کو سودیش درشن 2.0 (SD2.0) کے طور پر تبدیل کیا ہے تاکہ ملک میں پائیدار اور ذمہ دار سیاحتی مقامات کو سیاحتی اور منزل پر مبنی نقطہ نظر کے ساتھ تیار کیا جا سکے۔ سودیش درشن 2.0 اسکیم کے لیے رہنما خطوط مہاراشٹر اور تمل ناڈو سمیت تمام ریاستوں/ مرکز زیر انتظام علاقوں کی انتظامیہ کو جاری کیے گئے ہیں تاہم سودیش درشن 2.0 اسکیم کے تحت ترقی کے لیے کسی منزل کی نشاندہی نہیں کی گئی ہے۔ وزارت سیاحت پہلے ہی سودیش درشن اسکیم کے تحت مہاراشٹر میں 2 اور تمل ناڈو میں 1 پروجیکٹ کو منظوری دے چکی ہے۔

ریاستی حکومتوں/ مرکز زیر انتظام علاقوں کی انتظامیہ کی طرف سے دی گئی معلومات کے مطابق کل 76 منظور شدہ منصوبوں میں سے 50 منصوبے اب مکمل ہو چکے ہیں۔ وزارت سیاحت ہر سرکٹ میں حصہ لینے والے سیاحوں کی کل تعداد کے حوالے سے ڈیٹا کو برقرار نہیں رکھ رہی ہے۔

وزیر سیاحت جناب جی کشن ریڈی نے آج راجیہ سبھا میں ایک تحریری جواب میں یہ معلومات فراہم کی۔

                                               **************

ش ح۔ ف ش ع-م ف

U: 8699