ঙাকশেল মন্ত্রালয়

ব্রেকিং বেরিয়র্স – ইন্দিয়ন নেভীগী নুপী ঙাক্তগী এয়রক্রুনা পুৱারী শেমখ্রে

Posted On: 04 AUG 2022 4:04PM by PIB Imphal

ওগস্ত ০৩, ২০২২দা নেভেল এয়র এনক্লেব, পোর্বন্দরদা বেজ তৌবা ইন্দিয়ন নেভীগী আইনাস ৩১৪গী ওফিসর মঙানা নুপী ঙাক্তগী ওইবা অৱাং অরাবিয়ন সমুদ্রদা দোর্নিয়র ২২৮ এয়রক্রাফ্‌ত অমদা মায় পাক্না ইন্দিপেন্দেন্ত মেরিতাইম রিকনাইজন্স অমসুং সর্ভিলিএন্স মিসন অমা মপুং ফাহন্দুনা পুৱারী শেমখ্রে। এয়য়ক্রাফ্‌ত অদু মিসন কম্মান্দর, লেফতনেন্ত কেদর আঞ্চল শর্মগা লোইননা পাইলত ওইনা এলফতনেন্ত শিভাঙ্গি অমসুং লেফতনেন্ত অপুর্ব গিতে অমসুং তেক্তিকেল অমসুং সেন্সর ওফিসরশিংদা লেফতনেন্ত পুজা পান্দা অমসুং সেনিয়র লেফতনেন্ত পুজা শেখাৱতসু মহাক্কী কাংবু অদুদা য়াওরি। আইনাস ৩১৪ অসি পোর্বন্দর, গুজরাত্তা লৈবা ফ্রন্তলাইন নেভেল এয়র স্ক্বাদ্রোন অমনি অমসুং মসিনা অনৌবা দোর্নিয়র ২২৮ মেরিতাইম রিকনাইজন্স এয়রক্রাফ্‌ত ওপরেৎ তৌরি। স্ক্বাদ্রোন অসি ক্বালিফাই ওইরবা নেভিগেসন ইন্সত্রক্তর কেদর এস.কে. গোয়লনা কম্মান্দ তৌখি।

নুপী ওফিসরশিং অসিনা হায়রিবা পুৱারীদা লৈহৌরগদবা লানগী ওইবা খোঙচৎ মায় পাক্নবা হোৎনবদা গ্রাউন্দ ত্রেনিং অমসুং মপুং ফানা মিসন ব্রিফিং থা কয়া চত্থখি।

ইন্দিয়ন নেভীনা মতম চুপ্পদা আর্ম্দ ফোর্সেসতা অহোংবা পুরক্নবগীদমক মাংজিল থাদুনা হোৎনরক্লি। মসিগী শিংথানিংঙাই ওইরবা অমসুং মাংজিল থারিবা নুপীবু শক্তি পীবগী থৌরাং কয়াদা নুপী পাইলৎ হাপ্পা, নুপী এয়র ওপরেসন ওফিসরশিং হেলিকোপতর স্ত্রিমদা হাপ্পা অমসুং ২০১৮দা নুপী ঙাক্তনা হোনবা সর্কম্নেভিগেসন এক্সপিদিসন থাবা য়াওরি।

অসিগুম্বা ইহান হানবা ওইনা পাঙথোকপা মিলিতরী ফ্লাইং মিসন অসি য়াম্না অখন্নবা অমনি অমসুং নুপী ওফিসরশিংনা এভিএসন কেদরদা হেন্না চাউবা থৌদাং লৌবা ঙম্মি হায়বসি মসিনা তাক্লে। নুপী ঙাক্তগী ওইবা ক্রুনা মলতি-ক্রু মেরিতাইম সর্ভিলিএন্স এয়রক্রাফ অমদা মনীং তম্না ওপরেসনেল মিসন চত্থদুনা আর্ম্দ ফোর্সেসতা য়াম্না চাউনা মায় পাকপগী খুদম অমা শেম্লে।

হায়রিবা ওফিসরশিং অসিনা মায় পাক্না অসিগুম্বা থবক পায়খৎতুনা ভারত্তা লৈরিবা নুপী মিলিয়ন কয়াদা মখোয়না পাম্বা মঙলান মঙফাওননবা হোৎনবদা লৈরিবা পলশিং লান্থোক্না ইথিল পীরিবা অসিগীদমক মীওই কয়ানা থাগৎপা ফোংদোক্নরক্লি।

মসি তশেংনা হায়রবদা "নারি শক্তি"বু মাগী অশেংবা মশক্তা উৎলিবা মিসন অমনি।

***************



(Release ID: 1848395) Visitor Counter : 144