ادیم سکھی پورٹل  ( https://udyam-sakhi.com/ ) کا مارچ 2018  میں آغازکیا گیا تھا تاکہ  موجودہ  اور ممکنہ خاتون صنعت کاروں کو  بہت چھوٹی ،چھوٹی اور درمیانہ درجے کی صنعتوں (ایم ایس ایم ای )  کی وزارت کی مالی اسکیموں ،  پالیسیوں  اور پروگراموں کے بارے میں  معلومات فراہم کی جاسکے ۔ اس پورٹل کی بدولت  خواتین کو خوداپنا کاروبارشروع کرنے اور اسے بڑھانے میں مدد ملے گی۔اس پورٹل  پر اب تک  کل چا ر ہزار دو سو سات   خواتین نے اپنا اندراج  کرایا ہے۔ ان میں سے 943 خواتین کا تعلق ریاست بہار سے ہے۔ 

ادیم سکھی  پورٹل ایک ایسا پلیٹ فارم ہے جس کے ذریعہ  درج ذیل  اسکیموں سے متعلق  جانکاری فراہم کی جاتی ہے ۔

1. ایم ایس ایم ای کی وزارت اور دیگر وزارتوں کی   مالی اسکیموں  جیسے  وزیراعظم کا روزگار پیدا کرنے سے متعلق  پروگرام  ( پی ایم ای جی پی ) ، بہت چھوٹی اور چھوٹی صنعتوں کے لئے قرض کی ضمانت  سےمتعلق ٹرسٹ ۔(سی جی ٹی ایم ایس ای ) اور مدرا وغیرہ 
2. ایم ایس ایم ای کی وزارت اور دیگر مرکزی وزارتوں  کی پالیسیاں اور پروگرام ۔
3. کاروباری منصوبے کی تیاری ۔
4. متعلقہ ریاستوں اور ملک میں  ایم ایس ایم ای کی وزارت کی معاون تنظیموں   اور نوڈل دفاتر کی تفصیلات ۔
5. ایم ایس ایم ای کی وزارت کے ذریعہ منعقدہ  نمائشوں  ،  تجارتی میلوں  اور بین الاقوامی تقریبات کے بارے میں معلومات ۔

ریاست بہار میں  دربھنگہ سے رجسٹرڈ شدہ مستفیدین کی تعداد صفر ہے۔جبکہ مدھوبنی سے  607  مستفیدین ہیں۔  ادیم سکھی  پورٹل تیار کرنے پر 43.52 لاکھ روپے خرچ کئے گئے ہیں۔ 

یکم اگست  2022 کو ریاست بہار سے  ادیم سکھی پورٹل  پر  درج شدہ خواتین کی  زمرے کے لحاظ سے تفصیلات  ذیل میں  پیش کی گئی ہیں۔

 

 

 

 

 

 

 

ادیم سکھی  پورٹل ، حکومت کی اسکیموں  ، پالیسیوں  اور سرگرمیوں کے بارے میں خاتون صنعت کاروں کو ضروری اطلاعات فراہم کرتا ہے اور اس طرح خواتین کو بااختیار بنانے میں مدد کرتا ہے۔

بہت چھوٹی ،چھوٹی  اوردرمیانہ درجے کی صنعتوں کے وزیر جناب بھانو پرتاپ سنگھ ورما  نے آج لوک سبھا میں  ایک تحریری جواب میں  یہ جانکاری فراہم کی  ہے۔

*************

ش ح۔ع م۔رم

U-86

(Release ID: 1848334) Visitor Counter : 108