কেন্দ্র সরকারনা নেসনেল ইনভেস্তিগেসন এজেন্সী (এন.আই.এ.)গী আইনগী অমসুং এদমিনিস্ত্রেতিবকী তঙাইফদবশিং মতম মতমগী ওইনা য়েংশিল্লি। ২০১৯দগী হৌদুনা, লৈঙাক অসিনা এন.আই.এ.গী কেপাসিতী হেনগৎনবা খোঙথাং কয়া অমা লৌখৎখ্রে, মখোয়শিং অদু মখাদা পীরিঃ

১. এন.আই.এ.গী মেন্দেত চাউথোক্নবগীদমক্তা এন.আই.এ. এক্ত অসি ২০১৯দা হ্যুমেন ত্রাফিক্কিং, অথিংবা লৈবা খুৎলাইশিং শাবা অমসুং য়োনবা, সাইবর তেরোরিজমগা মরি লৈনবা য়ানিংদবশিং অমসুং এক্সপ্লোজিব সবস্তেন্সেজ এক্ত, ১৯০৮দা য়ানিংদবশিং হাপচিন্দুনা এমেন্দ তৌখি অমসুং মসিগী জুরিসদিক্সনবু ভারতকী ৱাংবদসু শন্দোকখি।

২. অনলোফুল এক্তিভিতেজ (প্রিভেন্সন) এক্ত, ১৯৬৭ অসি এন.আই.এ.না থিজিনলিবা কেসশিংদা তেরোরিজম থোকহনবা য়াবগা মরি লৈনবা প্রোপর্তিশিং পাইশিন্ননবা/ফাজিন্ননবা দি.জি. (এন.আই.এ.)বু মপাঙ্গল কনখৎহন্ননবা ২০১৯দা এমেন্দ তৌখি।

৩. এন.আই.এ.গী কেপাসিতিবু স্পেসিএলিস্তগী লমদা হেনগৎহন্ননবগীদমক্তা, এন.আই.এ.গী দিরেক্তর জেনেরেলদা কন্সলতেনশিং/এক্সপর্তশিং/প্রোফেস্নেলশিং নেক্নবগীদমক্তা শিন্নবা শেল থুমগী পৱরশিং অদু হেনগৎহনখ্রে।

৪. চান্দীগর, রানচী, ইম্ফাল, চেন্নৈ, অহমদাবাদ, বৈংগলুরু, পতনা, জয়পুর, ভোপাল অমসুং ভুবনেস্বরদা পোস্ত ৪৮১ অমসুং অনৌবা ব্রান্স ওফিস ১০ সেংসন তৌখ্রে।

মসিগী হৌরকপদগী, কেন্দ্র সরকারনা নেস্নেল ইনভেস্তিগেসন এজেন্সী (এন.আই.এ.)দা থিজিন্ননবগীদমক্তা কেস ৪৭৩ পীশিনখ্রে। মথং মনাউ নাইবা চহিগী অকুপ্পা মরোলশিং অদুদি মখাদা পীজরিঃ-  

 

২০০৯	০৮
২০১০	১১
২০১১	১৬
২০১২	১৬
২০১৩	২৭
২০১৪	১৪
২০১৫	২১
২০১৬	৩৪
২০১৭	৩৬
২০১৮	৫৯
২০১৯	৬২
২০২০	৫৯
২০২১	৬১
২০২২ (জুলাইগী ২৯ ফাওবা)	৪৯
অপুনবা	৪৭৩

হৌখিবা চহিশিং অসিদা এন.আই.এ.না কেসশিং রেজিস্তর তৌবগী চাং হেনগৎলক্লিবা অসি মপুং ওইনা এন.আই.এ.গী স্কোপ চাউথোকপা অমসুং অনৌবা ব্রান্স ওফিশিং সেংসন তৌরকপগা লোয়ননা এন.আই.এ.গী কেপাসিতি হেনগৎলকপননি।

মসি মিনিস্তর ওফ স্তেত ফোর হোম এফিয়র্স, শ্রী নিত্যনন্দ রাইনা ঙসি রাজ্য সভাদা  ৱাহংগী অইবা পাউখুম ওইনা হায়খি।

*****

(Release ID: 1848276)