وزیر مملکت (آزادانہ چارج) برائے  وزارت ارضیاتی سائنسز اور سائنس اور ٹیکنالوجی، ڈاکٹر جتیندر سنگھ نے آج لوک سبھا میں ایک تحریری جواب میں بتایا کہ انڈیا میٹرولوجیکل ڈیپارٹمنٹ (آئی ایم ڈی) ملک میں کسان برادری کے فائدے کے لیے ایک آپریشنل زرعی موسمیاتی مشاورتی خدمات (اے اے ایس) یعنی گرامین کرشی موسم سیوا (جی کے ایم ایس) اسکیم چلاتا ہے۔ اس اسکیم کے تحت، ضلع اور بلاک کی سطح پر درمیانے درجے کی موسم کی پیشن گوئیاں تیار کی جاتی ہیں اور ان پیشگوئیوں کی بنیاد پر، ریاستی زرعی یونیورسٹیوں میں واقع 130 ایگرومیٹ فیلڈ یونٹس، انڈین کونسل آف ایگریکلچرل ریسرچ (آئی سی اے آر) اور انڈین انسٹی ٹیوٹ آف ٹیکنالوجی کے ادارے (آئی آئی ٹی) وغیرہ، ہر منگل اور جمعہ کو ان کے دائرہ اختیار میں آنے والے اضلاع اور ان کے محل وقوع کے ضلع کے بلاکس کے لیے زرعی موسمیاتی مشورے تیار کرتے ہیں  اور کسانوں سے روزمرہ کی زرعی کارروائیوں کے بارے میں فیصلہ لینے کے لیے ابلاغ کا کام کرتے ہیں۔آئی  ایم  ڈی کی طرف سے پیش کردہ اے اے ایس موسم پر مبنی فصلوں اور مویشیوں کے انتظام کی حکمت عملیوں اور کارروائیوں کی طرف ایک قدم ہے جو فصل کی پیداوار اور خوراک کی حفاظت کو بڑھانے کے علاوہ غیر معمولی موسم کی وجہ سے فصلوں کے نقصان اور نقصان کو کم کرنے کے لیے کلی طور پر وقف ہے۔

ضلعی سطح کے اے اے ایس کے کامیاب نفاذ کے بعد، بلاک سطح کے اے اے ایس کو لاگو کرنے کے لیے آئی سی اے آر کے تعاون سے کرشی وگیان کیندروں (کے وی کیز) میں ڈسٹرکٹ ایگرومیٹ یونٹس (ڈی اے ایم یوز) قائم کیے جا رہے ہیں۔ اب تک، آئی سی اے آر نیٹ ورک کے تحت ملک بھر میں کے وی کیز میں 199 ڈسٹرکٹ ایگرومیٹ یونٹس (ڈی اے ایم یوز) قائم کیے گئے ہیں اور یہ ڈی اے ایم یوز اپنے متعلقہ اضلاع کے لیے ضلع اور بلاک کی سطح پر موسم کی پیشن گوئی کی بنیاد پر ضلع اور بلاک سطح کے زرعی موسمیاتی مشورے تیار کرتے ہیں اور کسانوں کو ہر منگل اور جمعہ کو  ابلاغ کے ذریعہ باخبر کرتے ہیں۔ اس کے علاوہ، اے ایم ایف یوز اور ڈی اے ایم یوز کے ذریعہ ملک بھر کی مختلف ریاستوں اور مرکز کے زیر انتظام علاقوں کے مختلف اضلاع کے لیے موسم کی شدید انتباہات کی بنیاد پر زراعت کے لیے اثرات پر مبنی پیشن گوئی (آئی بی ایفز) بھی تیار کی جا رہی ہے۔

آئی ایم ڈی بارش کی صورتحال اور موسم کی خرابیوں پر بھی نظر رکھتا ہے اور جی کے ایم ایس اسکیم کے تحت کسانوں کو وقتاً فوقتاً الرٹ اور وارننگ جاری کرتا ہے۔ ایس ایم ایس پر مبنی انتباہات اور انتہائی موسمی واقعات کے لیے انتباہات کے ساتھ ساتھ مناسب تدارک کے اقدامات کاشتکاروں کو بروقت کارروائی کرنے کے لیے جاری کیے جاتے ہیں۔ آفت کے موثر انتظام کے لیے اس طرح کے انتباہات اور الرٹس  ریاستی محکمہ زراعت کے ساتھ بھی شیئر کیے جاتے ہیں۔

زرعی موسمیاتی مشورے کسانوں کو ملٹی چینل ڈسمینیشن سسٹم جیسے پرنٹ اور الیکٹرانک میڈیا، ڈور درشن، ریڈیو، انٹرنیٹ وغیرہ کے ذریعے پہنچائے جاتے ہیں جن میں کسان پورٹل کے ذریعے موبائل فون کا استعمال کرتے ہوئے اور پبلک پرائیویٹ پارٹنرشپ (پی پی پی) موڈ کے تحت نجی کمپنیوں کے ذریعے ایس ایم ایس بھی شامل  ہے۔ ایس ایم ایس وصول کرنے والے کسانوں کی تعداد کاشتکار برادری کی آبادی اور زیر کاشت رقبہ کے لحاظ سے مختلف ہوتی ہے۔

کسان موسم کی معلومات تک رسائی حاصل کرتے ہیں جس میں الرٹ اور متعلقہ زرعی موسمیاتی مشورے شامل ہیں جو ان کے اضلاع کے لیے مخصوص موبائل ایپ یعنی ‘میگھ دوت’ کے ذریعے حاصل کئے جاتے  ہیں اور  جسے  حکومت ہند کی ارضیاتی سائنسز کی وزارت کی طرف سے شروع کیا گیا ہے۔ زراعت اور کسانوں کی بہبود کی وزارت کی طرف سے شروع کی گئی ایک اور ایپ ‘کسان سوویدھا’ کے ذریعے موسم کی یہ تفصیلات کسانوں تک بھی قابل رسائی ہیں۔

سوشل میڈیا کا استعمال کسانوں کو پیشن گوئی اور مشورے کی تیزی سے ترسیل کے لیے بھی کیا جاتا ہے۔ اس وقت 3,598 بلاکس کے 1,19,554 گاؤں کے کسانوں کو 16,140 واٹس ایپ گروپس کے ذریعے کور کیا گیا ہے۔ ان واٹس ایپ گروپس میں ضلع اور بلاک سطح کے ریاستی محکمہ زراعت کے افسران بھی شامل ہیں۔ واٹس ایپ کا استعمال کرتے ہوئے زرعی موسمیاتی مشورے پھیلانے کے لیے کسانوں اور دیہاتوں کی تعداد بڑھانے کے لیے مسلسل کوششیں کی جا رہی ہیں۔

مندرجہ بالا کے علاوہ، اے ایم ایف یوز اور ڈی اےایم یوز کی طرف سے بنائے گئے متعدد فیس بک پیجز کے ذریعے بھی مشورے جاری کیے جا رہے ہیں۔ موسم کی پیشن گوئی اور زرعی موسمیاتی مشورے کو ریاستی حکومت کے موبائل ایپس اور ویب سائٹس کے ساتھ مربوط کرنے کے لیے ریاستی حکومت کے ساتھ تعاون پر پہل کی گئی ہے۔ بہار، چھتیس گڑھ، گجرات، ہریانہ، مدھیہ پردیش، ناگالینڈ، راجستھان، تمل ناڈو اور اتراکھنڈ ریاستوں کے لیے ارتباط مکمل ہو چکا ہے اور مذکورہ ریاستوں کے تقریباً 60 لاکھ کسان موسم کی پیشن گوئی اور زرعی موسمیاتی مشوروں سے مستفید ہو رہے ہیں۔

آئی ایم ڈی ملک کے مختلف حصوں میں اے ایم ایف یوز اور ڈی اےایم یوز کے ساتھ مل کر کسانوں کی آگاہی کے پروگرام (ایف اے پیز) کا انعقاد کر کے کسان برادری میں خدمات کو مقبول بنانے کے لیے مسلسل کوششیں کر رہا ہے۔ اے ایم ایف یوز اور ڈی اےایم یوز کے ماہرین کے ساتھ آئی ایم ڈی بھی خدمات کے بارے میں بیداری پیدا کرنے کے لیے کسان میلوں، کسانوں کے دن وغیرہ میں شرکت کرتا ہے تاکہ زیادہ سے زیادہ کسان مستفید ہوں۔

پورے ملک میں موسم اور آب و ہوا کی خدمات میں پیشن گوئی کی صلاحیتوں کو اپ گریڈ کرنے اور بڑھانے کے لیے ایگرومیٹ ایڈوائزری سروسز سمیت ہندوستان کے محکمہ موسمیات (آئی ایم ڈی) میں مرکزی سیکٹر اسکیم اکروس کے امبریلا کے تحت مختلف سرگرمیاں جاری ہیں۔ اکروس کے تحت آئی ایم ڈی کی 4 ذیلی اسکیمیں ہیں یعنی  ایٹموسفیرک آبزرویشن نیٹ ورک (اے او این)، پیشن گوئی کے نظام کی اپ گریڈیشن (یو ایف ایس)، ویدر اینڈ کلائمیٹ سروسز (ڈبلیو سی ایس) اور پولاریمیٹرک ڈوپلر ویدر رڈارس( پی ڈی ڈبلیو آر) کی شمولیت جس کا مقصد مشاہداتی نیٹ ورک کی توسیع اور موسم اور آب و ہوا کی خدمات میں بہتری ہے۔

 

 

*************

( ش ح ۔ ا ک۔ ر ب(

U. No. 8591

(Release ID: 1847805) Visitor Counter : 151