ব্লদ বেঙ্কশিংদা অমসুং ঈ কাপ্পা মতমদা চৎথরিবা আইন্না য়াদবা থবকশিং থিংনবা অকনবা থবকশিং লৌখৎপা অসি রাজ্য/য়ু.তি সরকারশিংগী থৌদাংনি। দ্রগস এন্দ কোসমেতিক এক্ত অমসুং রুলসকী মখাদা সরকারনা তঙাইফনা ব্লদ বেঙ্কশিং রেজিস্ত্রেসন তৌহল্লে। ব্লদ বেঙ্কশিং/সেন্তরশিং, ঈ শেম-শাবা অমসুং মরী লৈনবা থবকশিং পাংথোক্নবা সরকারনা দ্রগস এন্দ কোসমেতিক্স(সেকেন্দ এমেন্দমেন্ত)রুলস, ২০২০ লাউথোক্লে। হায়রিবা এক্ত অমসুং রুলশিং চৎনহনবা অমসুং য়েংশিনবগী থবক রাজ্যশিং/য়ু.তিশিংনা পাংথোক্কদবনি। অসিগুম্বা আইন্না য়াদবা থবকশিং থিংনবা অকনবা থবকশিং লৌখৎনবা রাজ্যশিং/য়ু.তিশিংদা চিথি অমা থাখ্রে।

মখা তানা, ভারত সরকারগী ঈ-রাকতকোস ৱেব পোর্তেলনা ব্লদ বেঙ্কশিংগী দেতা মেনেজমেন্ত অমসুং ইন্তেগ্রেসনগী ইন্তরফেসকী খুদোংচাবা পীরে। মসিগীদমক, ব্লদ বেঙ্ক খুদিংমক ঈ-রাকতকোস ৱেব পোর্তেলদা রেজিস্তার তৌনবা পাউতাক পীখ্রে।

মখোয়গী দরকারগী মতুংইন্না ব্লদ বেঙ্কশিং লিংখৎপা অসি রাজ্য/য়ু.তি সরকারশিংগী মরুওইবা থৌদাংনি। ঈ মরাংকাইনা লৈবা ব্লদ বেঙ্কশিংদগী অপীকপা ব্লদ বেঙ্কশিং অমসুং ব্লদ স্তোরেজ সেন্তরশিংদা ঈ য়েন্থোক্নবা ঈ লৌশিন্নবা অমসুং শেম-শাবগী থবকশিং পাংথোক্নবা হবশিং লিংখৎনবা সরকারগী থৌশিল পায়খৎনবা খন্নরি। ব্লদ বেঙ্কশিংগী দরকার ওইবা অসি মফম অদুদা লৈরিবা অনা-লায়য়েংগী মচাক-মথুমশিংগী মখা পোল্লি। অদুবু, অথু-অকায় মতমদা দরকার ওইবা ঈ পীবা ঙম্নবা মনুং-হুঞ্জিনবা মফমশিংদা ব্লদ বেঙ্কশিংদা ঈ থম্নবা মফমশিং লিংখৎপা য়াগনি।

নেসনেল হেল্থ মিসনগী খুৎথাংদা রাজ্যশিংনা পীশিল্লকপা প্রোজেকশিংদা য়ুম্ফম ওইরগা হৌজিক লৈরিবা ব্লদ বেঙ্কশিং ফগৎহন্নবা, অনৌবা ব্লদ বেঙ্কশিং অমসুং ঈ থম্নবা য়ুনিতশিং মতেং পাংনবা মখোয়গী অনা-লায়য়েংগী মচাক-মথুমশিং ফগৎহন্নবা রাজ্যশিং/য়ু.তিশিংদা মতেং পাংলে। সরকার অমসুং চেরিতেবল সেক্তরগী ব্লদ বেঙ্ক ১১৩১দা মী থবক হাপ্নবা, ব্লদ বেগশিং অমসুং তেস্ত তৌনবা খুৎলায়শিং লৈনবা, ঈ পীনবা কেম্পশিং পাংথোক্নবা অমসুং ইনফোর্মেসন ইজুকেসন কম্মুনিকেসনগী থবকশিং পাংথোক্নবা ভারত সরকারনা মতেং পাংখ্রে। মসিগী মথক্তা, ঈ খোমজিন্নবা মোবাইল ভেনশিং অমসুং ব্লদ ত্রান্সফিউজন ভেনশিং রাজ্যশিং/য়ু.তিশিংদা পীখ্রে।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা হকশেল অমসুং য়াইফ-য়ুম্বালগী রাজ্য মন্ত্রী দোক্তর ভারতি প্রভিন পৱারনা ফোঙদোকখিবনি।

*****

(Release ID: 1847546) Visitor Counter : 97