মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিম(এম জি এন আর ই জি এস) অসি লৈবাক অসিগী খুঙ্গংশিংদা লৈরিবা য়ুমশিংদা শেনবা চহি অমদা য়ুমথোঙ অমগী অহলশিং হিংনবগী লম্বী পীনবা য়ামদ্রবদা নুমিৎ ১০০ শোইদনা থবক পীনবা শেমখিবা ইমপ্লোইমেন্ত স্কিম অমনি। স্কিম অসিনা, অতোপ্পা থবক শুনবা হেন্না ফবা খুদোংচাবা লৈত্রবা মতমদা, খুঙ্গংগী য়ুমশিংদা হিংনবা পাম্বৈ অমা পীরি।

মহাত্মা গান্ধী নেসনেল রুরেল ইমপ্লোইমেন্ত গরেন্তি এক্ত, ২০০৫কী মতুংইন্না, থবক পীগদৌরিবা মীওইশিংগী মনুংদা য়ামদ্রবদা শরুক অহুমগী মনুংদা শরুক অমদি নুপীশিং ওইগদবনি হায়রি। মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিম অসি নুপা-নুপীগী খেন্নবা লৈতে, নুপাশিংগা মান্নবা খুৎশুমল পীদুনা নুপীশিং শরুক য়াবা হেনগৎহন্নবা হোৎনরি, নু্পীশিংগী তোঙানবা খুৎশুমলগী চাং, ক্রেচকী খুদোংচাবশিং, থবক মফমদা অঙাংশিং লৈফম অমসুং অঙাং শেন্ননবগী খুদোংচাবশিং পীরি। নেসনেল রুরেল লাইফলিহুৎ মিসনগা পুনশিন্দুনা মসিনা নুপীশিং শরুক য়াবদা খুদোংচাবা ফংহল্লি। বেনিফিসরিশিংগী য়ুম ময়াদা থবক শুনবা মফম পীনবা স্কিম অসিনা থবক পায়খৎলি।

স্কিম অসিগী মখাদা, থবক মফমদা থক্নবা ঈশিং, পোথাফম, হিদাক-লাংথকশিং শোইদনা ফংহনগদবনি। মসিগী খুদোংচাবশিং ফংহনবা ঙমদ্রবদি মরী লৈনবা ওফিসিএলশিং চৈরাক পীগনি। য়েংশিনবা অমসুং সোসিএল ওদিদকী মতমদা হায়রিবা খুদোংচাবশিং অসি পীরিবরা হায়বা য়েংশিল্লি। শিন্মীশিংনা থেংনরিবা খুদোংচাদবশিং য়েংশিন্নবা অতোপ্পা থবকশিং পায়খৎপা য়াই।

হৌখিবা শেনবা চহি অহুম অমসুং চৎলিবা শেনবা চহি ২০২২-২৩(২৯.০৭.২০২০ ফাওবদা) মনুংদা মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিমদা শরুক য়াখিবা নুপীগী চাং মখাদা পীরি:

 

শেনবা চহি	২০১৯-২০	২০২০-২১	২০২১-২২	২০২২-২৩
শরুক য়াখিবা নুপীগী চাং(%)	৫৪.৭৮%	৫৩.১৯%	৫৪.৬৭%	৫৬.০২%

 

মহাত্মা গান্ধী নেসনেল রুরেল ইমপ্লোইমেন্ত গরেন্তি স্কিমগী মখাদা হৌখিবা শেনবা চহি অহুম মনুংদা য়ুমথোঙ অমদা পীখিবা থবক্কী চাং মখাদা পীরি:

 

শেনবা চহি	২০১৯-২০	২০২০-২১	২০২১-২২
য়ুমথোঙ অমদা থবক পীখিবা নুমিৎ মশিং	৪৮.৪	৫১.৫২	৫০.০৭

 

ৱাফম অসি ঙসি লোক সভাদা অইবা ওইনা পীবা পাউখুম অমদা রুরেল দিবলপমেন্তগী রাজ্য মন্ত্রী সাধবী নিরঞ্জন জোয়তিনা ফোঙদোকখিবনি।

*****

(Release ID: 1847519) Visitor Counter : 104