ہوائی جہاز (حادثات اور واقعات کی تحقیقات) کے قواعد میں موجود دفعات کے مطابق، ہوائی حادثات کی تحقیقات ہوائی جہاز کے حادثات کی تحقیقاتی بیورو (اے اے آئی بی)کے ذریعے کی جاتی ہے اور تحقیقاتی رپورٹ کے مطابق حفاظتی سفارشات شہری ہوا بازی کے ڈائریکٹوریٹ جنرل (ڈی جی سی اے) کو بھیجی جاتی ہیں۔ تحقیقاتی رپورٹوں میں دی گئی سفارشات پر عمل درآمد پر مناسب کارروائی ڈی جی سی اے کی طرف سے کی جاتی ہے تاکہ فضائی آپریشن کی حفاظت کو یقینی بنایا جا سکے۔

میسرز اسپائس جیٹ نے اپنے ہوائی جہاز کے بیڑے کے آپریشن کے دوران کئی واقعات کا سامنا کیا جس کی وجہ پارٹس کی خرابی، خراب موسم، پرندوں کا ٹکرا جانا  وغیرہ ہے۔ 2 مئی 2022 سے 6 جون 2022 تک اسپاٹ چیک کی ایک خصوصی مہم چلائی گئی۔ کل 300 طیاروں کا معائنہ کیا گیا جس میں میسرز اسپائس جیٹ فلیٹ کے 62 آپریشنل طیارے شامل تھے۔ اسپاٹ چیک سے ایسے نتائج سامنے آئے جنہیں ایئر لائنز نے درست کیا تھا۔ 9 جولائی 2022 سے 13 جولائی 2022 تک میسرز اسپائس جیٹ کے تمام آپریٹنگ طیاروں پر اسپاٹ چیک کی ایک اور سیریز کی گئی جس میں 48 طیاروں پر 53 اسپاٹ چیک کیے گئے جس میں کوئی قابل ذکر تلاش یا حفاظتی خلاف ورزی نہیں ہوئی۔ تاہم، حفاظتی اقدام کے طور پر،ڈی جی سی اے نے مزید 27.07.2022 کو میسرز اسپائس جیٹ کو ایک عبوری حکم جاری کیا، جس میں محفوظ اور قابل بھروسہ ہوائی نقل و حمل کی خدمات کو جاری رکھنے کے لیے، میسرز اسپائس جیٹ کی روانگیوں کی تعداد کو روانگیوں کی تعداد کے 50فی صد  تک محدود کردیا گیا ہے۔ موسم گرما کے شیڈول 2022 کے تحت 8 ہفتوں کی مدت کے لیے منظوری دی گئی۔

ڈی جی سی اے تصدیق شدہ آپریٹرز کی نگرانی اور اس کے ریکارڈ کی دیکھ بھال کے دوران نوٹ کی گئی کمیوں پر بروقت اصلاحی کارروائی کو یقینی بناتا ہے۔ اس میں کوئی کوتاہی نہیں ہوئی ہے اس لیے افسران کے خلاف کوئی کارروائی زیر التواء نہیں ہے۔ حکومت نے آپریشنز کی حفاظت کو انتہائی اہمیت دینے کے لیے طے شدہ ایئر لائنز کو حساس بنایا ہے اور مختلف اقدامات کیے ہیں جن میں دیگر چیزوں کے ساتھ شامل ہیں:

(i). شیڈولڈ ایئر لائنز سے کہا گیا ہے کہ وہ تمام بیس اسٹیشنوں اور ٹرانزٹ اسٹیشنوں پر اپنی انجینئرنگ سے متعلق صلاحیتوں میں اضافہ کریں۔

(ii) ڈی جی سی اے نے خصوصی آڈٹ اور اسپاٹ چیک کا حکم دیا ہے۔

(iii) ایئر لائنز سے کہا گیا ہے کہ وہ مناسب تخفیف کی کارروائی کریں اور فضائی آپریشن کی حفاظت کو یقینی بنانے کے لیے اندرونی نگرانی کریں۔

یہ معلومات شہری ہوا بازی کے وزیر مملکت جنرل (ڈاکٹر) وی کے سنگھ (ریٹائرڈ) نے آج راجیہ سبھا میں ایک سوال کے تحریری جواب میں دی۔

***********

ش ح۔   ش ت۔ج

Uno-8484

(ریلیز آئی ڈی: 1847148) وزیٹر کاؤنٹر : 122