রাইত তু ইজুকেসন এক্ত,২০০৯গী চেপ্তর ৫গী সেক্সন ২৯(এফ)না ময়েক শেংনা হায়রি মদুদি, “লাইরিক তম্বীনবগী লোন অসি ঙম্লিবমখৈ অঙাংগী মমালোন ওইগদবনি”।

লাইরিক তাকপী-তম্বীবগী থবক অসি সংবীধানগী কনকরেন্ত লিস্তা য়াওরি অমসুং স্কুল অয়াম্বা রাজ্যশিং/য়ু.তিশিংগী মখাদা লৈরি। নেসনেল ইজুকেসন পোলিসি ২০২০গী পারা ৪.১১গী মতুংইন্না, ক্লাস ৫ ফাওবা, অদুবু ঙম্লবদি ক্লাস ৮ অমসুং মসিদগী হেনবা ক্লাসশিংদা মমালোন/লমদম অদুগী লোন্দা তম্বীগদবনি হায়রি। মসিগী মতুং তারকপদা, ঙম্লবদি হোম/লোকেল লেঙ্গোইজনা মখা তানা লাইরিক তম্বীগদবনি।

ভারত সরকারগী নিপুন ভারত মিসনগী মখাদা লাইরিক তাকপী-তম্বীবগী থবকশিং অমসুং তাকপী-তম্বীবদা শীজিন্নগদবা মচাকশিং শেম্বদা মমালোন শীজিন্ননবা মিসন অসিগী চৎন-কাংলোনশিংদা পাউতাক পীরি। মসিগা মান্নবা মওংদা, গ্রেদ-১গী থা অহুমগী ওইবা বিদ্য প্রভেস অমসুং নিস্থা এফ.এল.এন(ফাউন্দেসনেল লিতেরেসি এন্দ নুমেরেসি)শু মমালোন শীজিন্নগদবনি।

য়ুনিফাইদ দিস্ত্রিক ইনফোর্মেসন সিস্তেম ফোর ইজুকেসন প্লস(য়ুদাইস) ২০২০-২১গী মতুংইন্না, ক্লাস ১দগী ৫ ফাওবগী মহৈরোয়শিং লোন ২৮দা তাকপী-তম্বীরি। হায়রিবা লোনশিং অদু মখাদা পীরি:

অসামিজ, বেঙ্গালি, গুজরাতি, হিন্দি, কন্নারা, কোনকানি, মালায়ালম, মনিপুরি, মরাথি, নেপালি, ওরিয়া, পঞ্জাবী, সংস্কৃত, সিন্ধি, তামিল, তেলুগু, উর্দু, ইংলিস, বোরো, খাসি, গারো, মিজো, ফ্রেঞ্জ, মার, কার্বি, সন্থালি, বোদি, পুর্গি।

এন.ই.পি ২০২০ শেম্বা মতমদা রাজ্য/য়ু.তি সরকারশিং, ভারত সরকারগী মিনিস্ত্রিশিং, এম.পিশিং, মীয়াম য়াওনা তোঙান-তোঙানবা মরী লৈনবশিংগা লোয়ন্না পাক-শান্না খন্ন-নৈনবা অমা পাংথোকখি। তোঙান-তোঙানবা মরী লৈনবশিংনা পাউতাকশিং পীরক্নবা দ্রাফ এন.ই.পি ২০২০ অসি ইজুকেসন মিনিস্ত্রিগী ৱেবসাইত্তা থাগৎলে। দ্রাফ এন.ই.পি ২০১৯দা মখোয়গী ওইবা ৱাখল্লোনশিং ফোঙদোক্নবা অমসুং পাউতাকশিং পীরক্নবা রাজ্য/য়ু.তি সরকারশিং অমসুং ভারত সরকারগী মিনিস্ত্রিশিংদা চিথিশিং ইখ্রে।

 

২০১৯গী জুলাই অমসুং অগস্ত থাশিংদা অন্ধ্র প্রদেস, তেলঙ্গানা, তামিল নাদু, পুদুচেরি, কেরলা, কর্নাতকা অমসুং ওরিসাগী এম.পিশিংগী ইজুকেসন দাইলোগ অমা পাংথোকখ্রে। দ্রাফ এন.ই.পিগী মতাংদা তোঙান-তোঙানবা মরী লৈনবশিংদগী চাউরাক্না পাউতাক লাখ ২ ফংখি। দ্রাফ এন.ই.পিগী মতাংদা খন্ননবা ২০১৯গী সেপ্তম্বরদা সি.এ.বি.ইগী অখন্নবা মীফম অমা পাংথোকখ্রে। হায়রিবা মীফম অদুদা তোঙান-তোঙানবা রাজ্যশিং/য়ু.তিশিংগী ইজুকেসন মিনিস্তর ২৬, রাজ্যশিং/য়ু.তিশিংগী মীহুৎশিং, সি.এ.বি.ইগী মেম্বরশিং, ওতোনোমস ওর্গনাইজেসনশিংগী লুচিংবশিং, য়ুনিভর্সিতিশিংগী ভি.সিশিং অমসুং সেনিয়র ওফিসিএলশিং শরুক য়াখি। দ্রাফ অসিগী মতাংদা খন্ননবা ২০১৯গী নবেম্বরদা পর্লিয়ামেন্তরি স্তেন্দিং কম্মিতিগী মীফম অমা পাংথোকখ্রে। মরী লৈনবশিংনা পীরকপা ফিদবেকশিং অমসুং পাউতাকশিংদা য়ুম্ফম ওইরগা এন.ই.পি ২০২০ অরোইবা ওইনা শেমখিবনি অমসুং মসি ২৯.০৭.২০২০দা কেন্দ্রগী মন্ত্রীমন্দলনা অয়াবা পীখ্রে।

ৱাফম অসি ঙসি লোক সভাদা অইবা ওইনা পীবা পাউখুম অমদা ইজুকেসনগী রাজ্য মন্ত্রী শ্রীমতি অন্নপুর্না দেবীনা ফোঙদোকখিবনি।

*****

(Release ID: 1847117) Visitor Counter : 502