ওগস্ত ২০১৬তা হৌদোকখিবা নেস্নেল এপ্রেন্তাইসশিপ প্রোমোসন স্কিম (এন.এ.পি.এস.) অসিনা খোঙজেল য়াঙনা শাহৌ লৌবদা তেংবাংনবগীদমক্তা এপ্রেন্তাইসশিংদা স্তাইপেন্দ পীবা, এপ্রেন্তাইসশিপ ইকোসীস্তেমগী কেপাসিতী বিলদিং পাংথোকপা অমসুং এদভোকেসী এসিস্তেন্স পীদুনা লৈবাক্কী এপ্রেন্তাইস ত্রেনিং তৌববু হেন্না খুমাং চাউশিলহনবগী পান্দম থম্লি। মখা তাবা ওইনা, এন.এ.পি.এস.কী পান্দমশিং মখাদা পীরিঃ

১) থবক তৌনা-তৌনা এক্সপেরিএন্স ফংনবা ত্রেনিং পীবগী থৌওং খুমাং চাউশিলহন্দুনা ইন্দস্ত্রীগী ওইবা স্কিল লৈবা মেনপাৱর শেমগৎপা।

২) এপ্রেন্তাইসশিংদা পার্সিএল স্তাইপেন্দ সপ্পোর্ত পীদুনা এপ্রেন্তাইসশিং এনরোল তৌহন্নবা ইস্তাব্লিশমেন্তশিংবু পুক্নিং থৌগৎপা।

৩) শোর্ত-তর্ম স্কিল ত্রেনিং য়াওরুরবা কেন্দিদেতশিংদা অক-স্কিলিং তৌবগী খুদোংচাবা পীবা।

৪) অপীকপা ইস্তাব্লিশমেন্ত (এম.এস.এম.ই.) অমসুং এস্পিরেস্নেল দিস্ত্রিক্ত অমসুং অৱাং নোংপোক লমদমগুম্বা অন্দর সর্ব মফমশিংদা লৈবা ইস্তাব্লিশমেন্তশিংদা এপ্রেন্তাইস লৌহন্নবা পুক্নিং থৌগৎপা।

এন.এ.পি.এস. হৌদোকখিবদগী হৌজিক ফাওবদা লৌখিবা এপ্রেন্তাইস মশিংনা লাখ ১৩.৩৮ য়ৌরে।

ইস্তাব্লিশমেন্তশিংদা স্তাইপেন্দ হন্দোকপগী মহুত্তা (২৫% নত্ত্রগা লুপা ১৫০০গী অনেম্বা শেনফম অমা), শেনফম অসিবু দাইরেক্ত বেনেফিত ত্রান্সফর স্কিম (দি.বি.তি.)গী মখাদা আপ্রেন্তাইসশিংগী বেঙ্ক একাউন্ততা সরকারনা শেনফম অসি হকথেংননা ত্রান্সফর তৌবগী ৱাহৌদোক থমখি। মসিগী মরী লৈননা, পাইলোত দি.বি.তি. অমা জুন ২০২২দা পাংথোকখি অমসুং মসিবু ফুল স্কেলদা ওন্থোক্লগনি।

এপ্রেন্তাইস ত্রেনিং তৌবসি ভারত্তা স্কিল লৈরবা মেনপাৱর শেমগৎপগী মরু ওইবা কম্পোনেন্তশিংগী মরক্তা অমনি অমসুং মসিনা ভারতপু ‘মালেমগী স্কিল কেপিতেল’ ওইহনবদা অচৌবা শরুক তম্লি। তোঙানবা রিফোর্ম কয়া, এপ্রেন্তাইসশিপ এক্ত, ১৯৬১দা ইং ২০১৪দা অমসুং রুল্সতনা ইং ২০১৯দা এমেন্দ তৌখিবা অমদি এন.এ.পি.এস. হৌদোকখিবা য়াওনা, এপ্রেন্তাইস মশিং য়াম্না হেন্না লৌনবা ইস্তাব্লিশমেন্ত মশিং হেন্না লিংখৎনবা পাংথোকখ্রে। স্কিল দিভেলপমেন্ত অমসুং ওন্তোপ্রিনরশিপ মন্ত্রালয়না তোঙানবা স্তেকহোলদর কয়াগা খন্ন-নৈনদুনা পোর্তেল অসিবু লাইথোকহন্নবা অমসুং এন.এ.পি.এস.কী কাঙলোনশিংবু নৌনা য়েংশিন্দুনা ইস্তাব্লিশমেন্ত অমসুং এপ্রেন্তাইস মশিং হেনগৎহন্নবা খোঙথাং কয়া পায়খৎখ্রে।

থৌওংশিং অসিনা মরম ওইরগা, ইং ২০২০-২১দা লৈরম্বা এপ্রেন্তাইস মশিং লাখ ২.৯০দগী ইং ২০২১-২২দা লাখ ৫.৮দা হেনগৎহনখি অমসুং চাদিং তৌখিবশিংসু মান্নবা মতমসিদা লুপা করোর ১২০দগী লুপা করোর ২১৭তা হেনগৎখি। হৌজিক্কী চহিসিদা, এপ্রেন্তাইস মশিংনা লাখ ১০ য়ৌগনি হায়না পানরি। মসিগীদমক্তা সরকারনা লৈবাক শিনবা থুংবদা এপ্রেন্তাইসশিপ এৱিয়র্নেস প্রোগ্রাম ২৫০ অমসুং থাগী ওইবা এপ্রেন্তাইসশিপ মেলা কয়া মহৈরোই অমসুং ইসাতব্লিশমেন্তশিংদা মসিগা মরী লৈনবা লৌশিং লৈনবা অমসুং নহারোলশিংগী এপ্রেন্তাইসশিপকী খুদোংচাবা ফংহন্নবা পাংথোক্লি।

হৌজিক-হৌজিক্কী ওইনা, এপ্রেন্তাইসশিপ স্কিম অনি চলায়রি। মখোয়শিং অদুদি এজুকেসন মন্ত্রালয়গী হাইয়র এজুকেসন বিভাগকী নেস্নেল এপ্রেন্তাইসশিপ ত্রেনিং স্কিম (এন.এ.তি.এস.) অমসুং এম.এস.দি.ই.গী নেস্নেল এপ্রেন্তাইসশিপ প্রোমোসন স্কিম (এন.এ.প.এস.)নি। এন.এ.তি.এস.না ইঞ্জিনিয়রিং গ্রেজুএত, দিপ্লোমা পায়বশিং অমসুং জেনেরেল স্ত্রীমগী গ্রেজুএতশিংগী এপ্রেন্তাইসশিপ ত্রেনিং পাংথোকপনি অমসুং এন.এ.পি.এস.না অতোপ্পা কেতেগোরীগী এপ্রেন্তাইসশিংগী ওইনা পাংথোক্লি। স্কিম অসি পুন্সিন্নবা হৌজিক য়াম্না কন্না হোৎনরি। মখা তারকপদা, হাইয়র এজুকেসন ইন্সতিত্যুসনশিংনা ইন্দস্ত্রীশিংগা খুৎশম্নদুনা জোব ওরিএন্তেসন হেনগৎহন্নবা অমসুং মহৈরোশিংগী থবক ফংবগী ওইথোকপা হেনগৎহন্নবা লৌশিং, স্কিল, এপ্তিচুদ চাউথোকহনবা অমসুং ওন-দি-জোব ত্রেনিং পীবদা মিৎয়েং চঙদুনা এপ্রেন্তাইসশিপ /ইন্তর্নশিপ ইম্বেদেদ দিগ্রী/দিপ্লোমা প্রোগ্রাম পীনবা য়ু.জি.সি.না কাঙলোন শেমখ্রবনি। মথক্তা পনখ্রিবা স্কিম অসুং প্রোগ্রামশিংনা অখন্নবা কেন্দিদেত খরদা মিৎয়েং চঙলি অমসুং ওন-দি-জোব ত্রেনিং পীদুনা স্কিল গেপ লৈহন্দনবা অমসুং মখোয়গী ইন্দস্ত্রী রেদী ওইহন্দুনা থবক ফংহন্নবা পান্দমসু থম্লি।

ৱাফম অসি স্কিল দিভেলপমেন্ত অমসুং ওন্তোপ্রিনর্শিপকী রাজ্য মন্ত্রী, শ্রী রজীব চন্দ্রসেখরনা ঙসি লোক সভাদা অইবা পাউখুম ওইনা পীখিবনি।

*****

(Release ID: 1845067) Visitor Counter : 177