লাই, মারা এন্দ চকমা কোওর্দিনেসন কম্মিতীগী মিজোরমদগী খোঙবু অমনা সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ); আর্থ সাইন্সকী রাজ্য মন্ত্রী (ইন্দিপেন্দেন্ত চার্জ); পি.এম.ও., পর্সোনেল, পব্লিক গ্রিভান্সেস, পেন্সন, এতোমিক ইনর্জী এন্দ স্পেসকী এম.ও.এস. দোক্তর জিতেন্দ্র সিংহগা উনদুনা মখোয়গী পন্দুনা লৈরিবা দিমান্দ খরগী মরমদা মহাক্কা খন্নখ্রে‍। মখোয়না মন্ত্রীদা মেমোরেন্দম অমসু পীরমখি‍।

অৱাং নোংপোক স্তেতশিংবু চাওখৎহন্নবা অমদি মখোয়বু লৈবাকসিগী অতৈ চাওখৎলবা স্তেতশিংগা থোং মান্ননা পুখৎনবা প্রধান মন্ত্রী নরেন্দ্র মোদীগী খোঙফমবু দোক্তর জিতেন্দ্র সিংহনা অমুক হন্না ফোঙদোকখি অমদি অৱাং নোংপোক লমদমদা লৈরিবা তোঙান তোঙানবা মফমশিং অমসুং লমদমসিদা লৈরিবা তোঙান তোঙানবা ত্রাইব অমসুং ফুরুপশিংগী মরক্তা থোং মান্ননা চাওখৎপা পুরক্নবা ৱাফমসু থমখি‍।

লাই, মারা অমসুং চকমা ওতোনোমস দিস্ত্রিক্ত কাউন্সিলগী মীহুৎশিং য়াওবা খোঙবু অদুদা দোক্তর জিতেন্দ্র সিংহনা মমাঙদা পানখিবা মিজোরম লৈঙাকশিংনা মতম শাংনা নাথৈদুনা অমদি থৌশাদনা লাক্লবা অমসুং অৱাং-নোংপোক লমদমগী তোঙান তোঙানবা ত্রাইব অমসুং ফুরুপশিংগী ৱাফমশিংগী মীওইবগী মচৎকা লোয়ননা ৱাখৈ পুরকপা প্রধান মন্ত্রী মোদীনা পাম্লি হায়বা ৱাফমসু থমখি‍।

কুইদ্রিঙৈদা কেন্দ্রগী গৃহ মন্ত্রী অমিত সাহনা আইজোল খোঙচত্তা লমদমদুগা তোঙান তোঙানবা মীয়াম কাঙলুপশিংগা উনদুনা চৎনবা য়াবা ৱারেপ অমা পুরকখিববু দোক্তর জিতেন্দ্র সিংহন নীংশিংখি‍। অমিত সাহনা নোর্থ ইস্তর্ন কাউন্সিল (এন.ই.সি.)গী চেয়রমেন ওইনা নোর্থ ইস্তর্ন কাউন্সিলগী বজেত্তগী শোত্থহৌরবা কাঙলুপ অমসুং মফমশিংগীদমক তোপ-তোপ্পা ফন্দ খাক্নবা হৌদোকখিবা ৱাফমসু পনখি‍।

খোঙবু অদুগী মীওইশিংনা পুখৎলকখিবা তোঙান তোঙানবা দিমান্দশিং মন্ত্রীগা লোয়ননা খন্নখি‍। মোদী লৈঙাক মতম পুম্নমক্তা ৱা খঙনা অমদি মিনুংশিগা লোয়ননা থবক তৌই হায়না দোক্তর জিতেন্দ্র সিংহনা হায়খি‍।

খোঙবু অদুদা য়াওরকখিবা এম. লাইকো, চেয়রমেন লাই মারা চকমা কোওর্দিনেসন কম্মিতী, নিরুপম চকমা, হান্নগী মন্ত্রী, মিজোরম লৈঙাক, দেল্সন নোতিলা, নেস্নেল সেক্রেতরী, মাইনোরিতী মোর্চা, সপলিয়ানা ভন্দির, হান্নগী এম.এল.এ. অমসুং তি. জকুঙা, হান্নগী সি.ই.এম. অমসুং এম.দি.সি.নচিংবা মশক নাইবা মীওইশিং য়াওরি‍।

<><><><><>

(রিলিজ আই.দি.: 1844223) ভিজিতর কাউন্তর : 125