এম.এস.এম.ই. মন্ত্রালয়না খাদি এন্দ ভিলেজ ইন্দস্ত্রিজ কম্মিসন (কে.ভি.আই.সি.)গী খুত্থাঙদা কে.ভি.আই. পোত্থোকশিং পুথোকপা অমদি য়োনবগী থবক তৌদুনা তোঙান তোঙানবা স্কিম অমসুং প্রোগ্রামশিং পায়খত্তুনা খুঙ্গঙগী খুৎহৈবশিংদা থবক পীবগী থৌরাংশিং পায়খৎলিবা খাদি অমসুং ভিলেজ ইন্দস্ত্রিজশিংদা মতেং পাংদুনা য়োকখৎলি‍।

৩১.০৩.২০২২ ফাওবদা খাদি অমসুং ভিলেজ ইন্দসত্রীশিংনা পীখিবা অপুনবা থবক মশিং মখাদা পীরি:

 

চহী	অপুনবা থবক (মীওই লাখকী খুজিংদা)
	খাদি	ভিলেজ ইন্দস্ত্রিজ	কে.ভি.আই.
৩১.০৩.২০২২ ফাওবদা লৈবা মশিং (প্রোভিজনেল)	৪.৯৭	১৬২.৬৩	১৬৭.৬০

 

মহারাস্ত্র স্তেত্তা ৩১.০৩.২০২২ ফাওবদা খাদি অমসুং ভিলেজ ইন্দস্ত্রীনা পীখিবা অপুনবা থবক মশিং মখাদা পীরি:

 

চহী	মহারাস্ত্র স্তেত্তা পীখিবা অপুনবা থবক মশিং (মীওই লাখকী খুজিংদা)
	খাদি	ভিলেজ ইন্দস্ত্রী	কে.ভি.আই.
৩১.০৩.২০২২ ফাওবদা (প্রোভিজনেল)	০.০৩	১১.৬৫	১১.৬৮

 

মখা তানা, এম.এস.এম.ই. মন্ত্রালয়না মহারাস্ত্রগী পর্ভানি দিস্ত্রিক্ত য়াওনা লৈবাকসিদা নন-ফার্ম সেক্তরদা মাইক্রো-এন্তরপ্রাইজশিং লিংখত্তুনা খুঙ্গঙ অমসুং ময়োল্লমগী থবক ফংদ্রিবা মীওইশিংদা মশানা মশাবু থবক পীজনবগী খুদোংচাবা শেমগৎনবা পান্দমদা অচৌবা ক্রেদিৎ-লিঙ্ক সবসিদী প্রোগ্রাম অমা ওইরিবা প্রাইম মিনিস্তর্স এমপ্লোইমেন্ত জেনেরেসন প্রোগ্রাম কে.ভি.আই.সি.গী খুত্থাঙদা পায়খৎলি‍। বেঙ্কনা লোন পীরগা, সবসিদীনা (মার্জিন মনী সবসিদী হায়নসু খঙনবা) ভারত লৈঙাক্না কে.ভি.আই.সি.গী খুত্থাঙদা পীবনি‍।

পি.এম.ই.জি.পি.গী মখাদা, জেনেরেল কাঙলুপকী বিনিফিসরীশিংনা খুঙ্গঙগী লমদা প্রোজেক্ত কোস্তকী ২৫% অদুগা ময়োল্লমদনা ১৫% মার্জিন মনী সবসিদী ওইনা ফংগনি‍। এস.তি./এস.সি./ও.বি.সি./নুপী/মাইনোরতী/ত্রান্সজেন্দরনচিংবা অখন্নবা কাঙলুপশিংগী মার্জিন মনী সবসিদী খুঙ্গঙগী লমদা ৩৫% অদুগা ময়োল্লমদা ২৫%নি‍। বিনিফিসরীনা পুথোক্কদবা শেন্ফম্না ১০% (জেনেরেল কাঙলুপ) অমসুং ৫% (অখন্নবা কাঙলুপ) ওইরি‍। খ্বাইদগী য়ামবা প্রোজেক্ত কোস্ত অসি মেনুফেকচরিং সেক্তরদা লুপা লাখ ৫০ অদুগা সর্ভিস সেক্তরদনা লুপা লাখ ২০নি‍।

হৌখিবা চহি অহুমসিদা পর্ভারি দিস্ত্রিক্তা লৈখিবা পি.এম.ই.জি.পি. স্কিমগী পর্ফোর্মেন্স মখাদা পীরি:

 

চহি	প্রোজেক্ত (মশিং)	থাদোকখ্রবা মার্জিন মনী (লুপা লাখকী খুজিংদা)	পীরিবা থবক (মশিং)
২০১৯-২০	৮৭	১১৯.৯৫	৬৯৬
২০২০-২১	৪১	৬৬.৪২	৩২৮
২০২১-২২	৭৩	৮৮.১৮	৫৮৪

 

পি.এম.ই.জি.পি.গী মখাদা লিংখৎখিবা য়ুনিৎশিং য়াওনা এম.এস.এম.ই.শিংদা কোবিদ-১৯ লাইচৎনা পীরিবা শাফু খঙদোক্নবা কে.ভি.আই.সি.না থীজিনখিবদা থেংনরকপশিং এনেক্সচর-১দা পীরি‍।

কে.ভি.আই.সি.না বি.পি.এল. খুৎহৈবশিংদা শেলগী তেংবাং পীননবা অকক্নবা স্কিম অমত্তা পায়খৎপা লৈতে‍। অদুম ওইনমক, মশাগী শেন্ফম পুথোকচবা ঙমজদবা বি.পি.এল. খুৎহৈবশিংদা হনী মিসন, কুম্ভর সসক্তিকরন প্রোগ্রাম, পাইলোত প্রোজেক্ত ওন অগরবত্তিনচিংবা গ্রামোদ্যোগ বিকাস য়োজনাগী তোঙান তোঙানবা প্রোগ্রামশিংগী মখাদা ত্রেনিং অমসুং খুৎশু খুৎলায়শিং পীথরি‍।

লৈবকসিগী মহৌশাগী খুঙ্গঙগী ইন্দস্ত্রীশিংবু য়োকখৎনবা, চাউখৎহন্নবা অমদি মপাঙ্গল কলহন্নবা, লোয়ননা থবক পীবা ঙমহন্নবগীদমক কে.ভি.আই.সি.না য়াম্লবা থৌরাংশিং পায়খৎলি‍। মখা তানা, থবক ফংদনা লৈরিবা নহাশিংদা ত্রেদিস্তেল ইন্দস্ত্রীশিংদা মশানা মশাবু থবক পীজবা ঙমহন্নবগীদমক কে.ভি.আই.সি.না মশাগী ত্রেনিং সেন্তরশিং অমসুং অতৈ প্রমোস্নেল স্কিমশিংগী খুত্থাঙদা স্কিল দেভেলপমেন্ত প্রোগ্রাম (এস.দি.পি.) অমসুং ওন্ত্রপ্রিন্যুর এৱ্যারনেস প্রোগ্রামশিং (ই.এ.পি.) পাঙথোক্তুনা লাক্লি‍। কে.ভি.আই.সি.গী থৌরাংশিংগী মচা খায়বা ৱাফমশিং এনেক্সচর-২দা পীরি‍।

 

এনেক্সচর-১

 

প্রাইম মিনিস্তর্স এমপ্লোইমেন্ত জেনেরেসন প্রোগ্রাম (পি.এম.ই.জি.পি.)গী মখাদা লিংখৎখিবা য়ুনিৎশিং য়াওনা এম.এস.এম.ই.শিংদা কোবিদ-১৯ লাইচৎনা পীরিবা শাফু খঙদোক্নবা কে.ভি.আই.সি.না থীজিনখিবদা থেংনরকপশিং মখাদা পীরি:

১.      পি.এম.ই.জি.পি. স্কিমগী বিনিফিসরী ৮৮%না কোবিদ-১৯ লাইচৎনা মরম ওইরগা মখোয়গী থবক থৌরমদা শোকহল্লি অদুগা লেমহৌরিবা ১২%না কোবিদ-১৯ লাইচৎ মনুংদা কান্নহল্লি হায়রি‍।

২.      শোকহল্লবা ৮৮%গী মনুংদা ৫৭%না মখোয়গী য়ুনিৎশিং লাইচৎ মনুংদা মতম খরা লেপ্লুই, অদুগা ৩০%না পোত্থোক পুথোকপগী চাং অমসুং শেল কারকপগী চাং হন্থহল্লি হায়রি‍।

৩.      কান্নবা ফংলিবা ১২%গী মনুংদা ৬৫%দি রিতেল অমসুং হেল্থ সেক্তরদা মখোয়গী য়ুনিৎশিং লৈবনা মরম ওইরগা কান্নহল্লি‍, অমদি ২৫%গী ময়ানা তঙাই ফদনা চঙদ্রবা য়াদ্রবা পোৎলমশিং অমসুং সর্ভিসশিংদা থবক তৌরুবনা মরম ওইরগা কান্নহল্লি হায়রি‍।

৪.      মখোয়গী শিন্মীশিংদা তলব চাং নাইনা পীবগী মতাঙদা, পাউখুম পীরকপা ৪৬.৬০%না তলব মপুং ফানা পীথোকই, ৪২.৫৪%না তলব শরুক খরা পী অদুগা ১০.৮৬%না লাইচৎ মনুংদা তলব পীবা মতম খরা লেপ্লুই হায়রি‍।

 

এনেক্সচর – ২

 

লৈবকসিগী মহৌশাগী খুঙ্গঙগী ইন্দস্ত্রীশিংবু য়োকখৎনবা, চাউখৎহন্নবা অমদি মপাঙ্গল কলহন্নবা, লোয়ননা থবক পীবা ঙমহন্নবগীদমক কে.ভি.আই.সি.না মখাগী থৌরাংশিং পায়খৎলি:

 

লৈবাকসিগী লৌমী, আদিবাসি অমসুং থবক ফংদ্রিবা নহাশিংগী শেন্থোক হেনগৎহন্নবা, কে.ভি.আই.সি.না ২০১৭-১৮দা হনী মিসন হৌদোকখি‍। হনী মিসনগী মখাদা, মীওই খুদিংদা খোই য়াওবা মহুমশিং য়াওরবা খোই উপু ১০-১০ পী‍।

কুম্ভর সসক্তিকরন প্রোগ্রামগী মখাদা, অফবা মখলগী পোত্থোকশিং পুথোক্নবগীদমক স্কিল অপগ্রেদেসন ত্রেনিং অমসুং ইলেক্ত্রিক পোত্তরী হ্বীল, ব্লঞ্জর, পগ মিল, লৈরংনচিংবা অনৌবা হোম স্কেল ইনর্জী ইফিসিএন্ত ওইবা খুৎশু খুৎলায়শিং পীদুনা কে.ভি.আই.সি.না খুঙ্গঙগী চফু শাবা খুৎহৈবশিংগী পুন্সি মহিং ফগৎহল্লি‍।

হৌজিক্কী মীরোলগী মথৌ তাবশিং অমসুং কোবিদ-১৯ লাইচৎকী শাফু য়েংলগা, কে.ভি.আই.সি.না কে.ভি.আই. পোত্থোকশিং ওন্লাইন্দা য়োনবা হৌরে‍। কে.ভি.আই. পোত্থোকশিং ভারত মচা খুদিংমক্তা থোঙজিন্দা www.ekhadiindia.com অমসুং www.khadiindia.gov.in গী খুত্থাঙদা হৌজিক ফংলে‍।

থবক পীবগী খুচোংচাবা হেনগৎহন্নবগীদমক কি.ভি.আই. স্কিমশিং নীংথিনা পায়খৎননবা থাক খুদিংদা এৱ্যারনেস কেম্প, ৱর্কসোপ, বেঙ্কর্স মীতিং অমসুং একজিবিসনশিং পাঙথোক্লি‍।

“খাদি প্রকৃতিক পেন্ত” হৌদোক্তুনা কে.ভি.আই.সি.না মচু পুথোকপা হৌরে‍। লনাই মীওই অমা হেক্তনা পি.এম.ই.জি.পি.গী মখাদা খাদি প্রকৃতিক পেন্ত য়ুনিৎ হৌদোকপা য়াই‍।

ৱাফম অসি মাইক্রো, স্মোল এন্দ মেদিয়ম এন্দরপ্রাইজেজকী রাজ্য মন্ত্রী শ্রী ভানু প্রতাপ সিংহ বর্মানা লোক সভাদা অইবা পাউখুম ওইনা পীদুনা ফোঙদোকখিবনি‍।

*****

(Release ID: 1843464) Visitor Counter : 146