রোদ ত্রান্সপোর্ত অমসুং হায়ৱে মন্ত্রালয়না তাং ২৬.০৮.২০২১ দা থোকখিবা অমসুং চৎনবা হৌগদবা তাংনা ১৫.০৯.২০২১দা পীখিবা ভারত(বি.ঐচ.) সেরিজ রেজিস্ত্রেসন ভাইদ জি.এস.আর. ৫৯৪ (ই) চৎনবা হৌখ্রে। মসি রাজ্য ৪ নৎত্রগা মরীদগী হেনবদা ওফিশিং লৈবা কেন্দ্র সরকার/ রাজ্য সরকার/ পব্লিক সেক্তর অন্দর্তেকিং অমসুং প্রাইবেৎ সেক্তর কম্পেশিংগী শিন্মীশিংগী  গারীশিং পুথোক পুশিন নুংঙাইনবগী পান্দমদা চৎনখিবনি । স্তেসন মফম হোংবা হায়বসি লৈঙাক্কী অমসুং প্রাইবেৎ সেক্তরগী শিন্মীশিংদা থোকই অমসুং অসিগুম্বা হোংদোক হোংজিন তৌবা অসিনা শিন্মীশিংগী ৱাখলদা লৈরিবা রাজ্য অদুদগী এন.ও.সি. (নো ওব্জেক্সন সর্তিফিকেৎ) ফংবা, অতোপ্পা রাজ্যদা অনৌবা রেজিস্ত্রেসন মার্ক পীবা অমসুং রাজ্য অমদগী অমদা হোংবা মতমদা হান্নগী রাজ্য অদুদগী তেক্স হন্দোক্নবগীদমক এপ্লিকেসন তৌবগা মরি লৈননা নুংনাংবা পোকহল্লি। লৈবাক শিনবা থুংনা রেজিস্ত্রেসন মার্ক অমা চৎনহল্লে। বি.ঐচ. সেরিজকী মখাদা রেজিস্তর তৌখিবা গারী মপুনা মতমদুদা লৈরিবা  রাজ্য অদুদা হান্না থোকখ্রবা য়ুনিফোর্ম রেত্তগী ২৫% হেন্না চহি অনী খুদিংগী নৎত্রগা মসগী মলতিপলদা গারীগী তেক্স পীগদবনি। অসিগুম্বা গারীশিং অসিবু নুংঙাইনা পুথোক পুশিন তৌনবগীদমক, বি.ঐচ. সেরিজনা মীয়াম খক্তদা নত্তনা গারী  পুথোক পুশিনগা থেংনরিবা আর.তি.ও.শিংগী পোৎলুম্বুসু হন্থহল্লি।

মখাগী রাজ্য/য়ু.তি.শিং অসিদা বি.ঐচ. সেরিজ রেজিস্তর তৌবা হৌখ্রেঃ

১. অন্দমান অমসুং নিকোবার ইথৎ

২. অরুনাচল প্রদেশ

৩. অসম

৪. বিহার

৫. চান্দিগর

৬. দিল্লী

৭. গোৱা

৮. গুজরাৎ

৯. হিমাচল প্রদেশ

১০. জম্মু অমসুং কাশ্মির

১১. কর্নাতকা

১২. মহারাস্ত্রা 

১৩. মণিপুর

১৪. মেঘালয়

১৫. মিজোরাম

১৬. নাগালেন্দ

১৭. ওরিশা

১৮. পুদুচেরী

১৯. রাজস্থান

২০. সিক্কিম

২১. ত্রিপুরা

২২. য়ু.তি. ওফ দি.এন.ঐচ. অমসুং দি.দি.

২৩. উত্তর প্রদেশ

২৪. নোংচুপ বেঙ্গল 

কেরলা রাজ্য সরকারগী ত্রান্সপোর্ত দিপার্তমেন্তনা, করিগুম্বা রাজ্য অদুনা বি.ঐচ. সেরিজ রেজিস্ত্রেসন চৎনরবদি মপুগী অয়াবা মতুং ইন্না চহি ১৫ নৎত্রগা ২গী তেক্স অমুক্তদা পীবা য়াবনা মরম ওইদুনা রাজ্যগী শেল-থুমদা অমাংবা লাক্কনি হায়বা ২০২১গী রিত পিতিসন দব্ল্যু.পি.(সি.) নো. ৩০৮৮৭ (অরনাকুলমদা লৈবা কেরলাগী ইকাইখুম্নজরিবা হায় কোর্ত্তা কেরলা রাজ্য অমসুং অতোপ্পশিং ভর্সেস মেরীসদান প্রোজেক্স প্রাইবেৎ লিমিতেৎ হায়না ফাইল তৌখিবা রিত অপিল নো. ৬০২ অমসুং অরনাকুলমদা লৈবা কেরলাগী ইকাইখুম্নজরিবা হায় কোর্ত্তা কেরলা রাজ্যগী সেক্রেতরী (ত্রান্সপোর্ত) অমসুং অতোপ্পশিং ভর্সেস সথিয়েন্দ্রা কুমার ঝা অমসুং এ.এন.আর. হায়না ফাইল তৌখিবা রিত অপিল নো.৬০৪গী শরুক ওইনা ফংখিবা)দা পাউখুম ওইনা এফিদেবিৎ অমা ফাইল তৌখ্রে। অদুমওইনমক, মোতোর ভেহিকল মপু দউনা মোতোর ভেহিকল তেক্স অদু  চহি অনিগী নৎত্রগা মসিগী মলতিপলদা ২৫%দগী ৱাংবা রেৎতা থিগদবনি হায়না এম.ও.আর.তি.ঐচ.না অকুপ্পা মরোলশিং য়াওবা পাউখুম অমা পীখ্রে। মসিনা মীয়ামদা মখোয়না লৈরিবা রাজ্য অদুদগী এন.ও.সি. লৌবা,  অনৌবা রাজ্য অদুদা রেজিস্ত্রেসন তৌবা অমসুং হান্নগী রাজ্য অদুদগী রাজ্য অমদগী অমদা পুথোক পুশিন তৌবা মতমদা লৈবা তেক্স হন্দোকপদা থেংনবা খুদোংচাদবশিং কোকহনবা ঙম্লগনি। হায়রিবা খুদোংচাবা অসি কেন্দ্র সরকার, রাজ্য সরকার, পি.এস.য়ু.শিং, পব্লিক সেক্তর বেঙ্কশিং, লৈঙাক্কী ওতোনোমস বোদী নৎত্রগা ওর্গানাইজেসনশিং, অমসুং প্রাইবেৎ সেক্তর (রাজ্য/য়ু.তি. মরি নৎত্রগা মরিদগী হেনবদা ওফিস লৈবা ওর্গানাইজেসন্দা থবক তৌরিবা ইমপ্লোইয়ীশিং)না লৌবা য়াগনি।

জুলাই ১৫, ২০২২ ফাওবদা বি.ঐচ. সেরিজকী মখাদা রেজিস্তর তৌরবা কর্নাতাকা অমসুং মহারাস্ত্রগী গারী মশীং মখাদা  পীরিঃ

রাজ্য	বি.ঐচ. সেরিজগী মখাদা রেজিস্তর তৌরবা গারী মশীং
কর্নাতাকা	২০৬৩
মহারাস্ত্রা	৬২২০

 

কর্নাতাকা অমসুং মহারাস্ত্রদা লৈবা বি.ঐচ. সেরিজ গারীশিংগী মশীং মচা তানা মখাদা পীরিঃ

সেরিএল নম্বর	রাজ্যগী মমিং	কেন্দ্র সরকারগী ইমপ্লোইয়ী	রাজ্য সরকারগী ইমপ্লোইয়ী	দিফেন্স পার্সনেল	সরকারনা পায়বা কম্পেনীগী ইমপ্লোইয়ী	বেঙ্ক ইমপ্লোইয়ী	কম্পেনী (রাজ্য মরিদগী হেনবদা ওফিস লৈবা)	অপুনবা মশীং
১	কর্নাতাকা	১০৬৭	১৭	৩৩০	৯৯	৫৪২	৮	২,০৬৩
২	মহারাস্ত্রা	১২৯০	৯০	৭৫৮	২৬৭	১০৬০	২৭৫৫	৬২২০

 

খঙজিনবীগদবাঃ পীরিবা অকুপ্পা মরোলশিং অসি সেন্ত্রেলাইজ তৌরবা বাহন ৪ পোর্তেলদা দিজিতেল ওল্লবা গারীগী রেকোর্দশিংনি।

রাজ্য ৪ নৎত্রগা মসিদগী হেনবা রাজ্যশিংদা ওফিস লৈবা প্রাইভেৎ সেক্তর কম্পেনীশিংদা থবক তৌরিবা মীওইশিংনা বি.ঐচ. সেরিজ রেজিস্ত্রেসন মার্ক লৌবা য়াগনি।

পাউদম অসি কেন্দ্রগী রোদ ত্রান্সপোর্ত অমসুং হায়ৱে মন্ত্রীনা লোক সভাদা অইবা পাউখুম ওইনা পীখিবনি।

 

***************

(Release ID: 1843460) Visitor Counter : 230