تجارت اور صنعت کی مرکزی وزیر مملکت (ایم او ایس)، محترمہ انوپریہ پٹیل نے آج جمہوریہ سوڈان کی تجارت اور سپلائی کی وزیر محترمہ امل صالح سعد محمد سے ملاقات کی، جو 20-19 جولائی 2022 کو منعقدہ ہندوستان-افریقہ گروتھ پارٹنرشپ پر 17ویں سی آئی آئی- ایگزیم  بینک کنکلیو میں شرکت کے لیے نئی دہلی کے دو روزہ دورے پر ہیں۔

 

دونوں وزراء نے تجارت اور سرمایہ کاری، دفاع اور سمندری تعاون پر توجہ مرکوز کرتے ہوئے دوطرفہ تعلقات کا جائزہ لیا۔ دونوں اطراف نے اس بات کو سراہا کہ دونوں ممالک کے درمیان گہرے ثقافتی اور عوام سے عوام کے تعلقات ہیں۔ سوڈان کے بہت سے طلباء ہندوستان بھر کے اداروں میں اعلیٰ تعلیم حاصل کر رہے ہیں۔ دونوں اطراف نے تجارتی اور اقتصادی روابط کو مزید مضبوط اور متنوع بنانے پر اتفاق کیا۔

وزیر مملکت نے اس بات پر زور دیا کہ ہندوستان ہمیشہ سوڈان کے لوگوں کے ساتھ یکجہتی میں کھڑا رہا ہے اور ترقیاتی پروجیکٹوں، صلاحیت سازی اور انسانی امداد میں شراکت داری کی ہے۔ انہوں نے سوڈان سے بھی مطالبہ کیا کہ وہ ہندوستان کی ڈیوٹی فری ٹیرف ترجیح (ڈی ایف ٹی پی) اسکیم برائے سب سے کم ترقی یافتہ ممالک (ایل ڈی سیز) اور ایل ڈی سیز کی خدمات سے چھوٹ کی اسکیموں کے تحت ہندوستان کی طرف سے پیش کردہ ترجیحی مارکیٹ تک رسائی کو مؤثر طریقے سے استعمال کرے اور فائدہ اٹھائے۔

 

*************

( ش ح ۔ ا ک۔ ر ب(

U. No. 7879

(Release ID: 1843346)