তেলিকোম রেগ্যুলেতরী ওথোরিতী ওফ ইন্দিয়া (ত্রাই)না জনুৱারী ১০, ২০২২দা ফোঙবা খ্বাইদগী নৌবা রিপোর্ত, “দি ইন্দিয়ন তেলিকোম সর্ভিসেস পরফোর্মেন্স ইন্দিকেতর”গী মতুং ইন্না, লৈবাক্কী ওইনা সেপ্তেম্বর, ২০২১গী অরোইবদা লৈরিবা খুঙ্গং অমসুং অর্বানগী ইন্তর্নেত সবস্ক্রাইবর মশিং অসি মথংশিৎনা মিলিয়ন ৩৩৬.৬০ অমসুং মিলিয়ন ৪৯৭.৬৯নি হায়রি।

লৈবাক অসিগী দিজিতেল আউতরিচ হেনগৎহন্নবা মখাগী খোঙথাংশিং সরকারনা পায়খৎখ্রেঃ

১) মোবাইল/ব্রোদবেন্দ/ইন্তর্নেত সর্ভিস য়ৌদবা লৈবাক্কী খুঙ্গংশিংদা সরকার অমসুং তেলিকোম সর্ভিস প্রোভাইদর (তি.এস.পি.)শিংনা হায়রিবা সর্ভিসশিং অসি তাঙ্কক নাইনা য়ৌহল্লি। য়ুনিভর্সেল সর্ভিস ওব্লিগেসন ফন্দ (য়ু.এস.ও.এফ.)না ফন্দিং তৌদুনা সর্ভিস য়ৌদবা লৈবাক্কী খুঙ্গংশিংদা তাৱর খিন্দুনা মোবাইল কন্নেক্তিবিতী হেনগৎহন্নবা সরকারগী স্কিম কয়া অমা লৈ, অমসুং মখোয়শিং অদুদি কম্প্রিহেন্সিব তেলিকোম দিভেলপমেন্ত প্লান ফোর নোর্থ ইস্ত রিজন, লেফ ৱিং এক্সত্রিমিজম (এল.দবল্যু.ই.) এফেক্তেদ এরিয়া স্কিম, এস্পিরেস্নেল দিস্ত্রিক্ত স্কিম, কম্প্রিহেন্সিব তেলিকোম দিভেলপমেন্ত প্লান ফোর আইলেন্দনচিংবনি।

২) লৈবাক্কী গ্রাম পঞ্চায়ত (জি.পি.) খুদিংদা ব্রোদবেন্দ কন্নেক্তিবিতী পীনবা ভারতনেত প্রোজেক্ত অসি তাঙ্কক নাইনা থবক ওইনা পাংথোক্লি। ভারতনেতকী মখাদা শেমখিবা ইনফ্রাস্ত্রকচরশিংবু সর্ভিস প্রোভাইদরশিংনা ব্রোদবেন্দ/ইন্তর্নেত সর্ভিস পীনবগীদমক্তা শিজিন্নবা য়াহল্লি। ভারতনেতকী পাক চাউবা অসি লৈবাক্কী জি.পি.শিংদগী হেন্দোক্তুনা মী তাবা খুঙ্গং খুদিংদা হন্দক্তা য়ৌহনখ্রে।

নেস্নেল ব্রোদবেন্দ মিসন (এন.বি.এম.) অসি দিজিতেল কম্ম্যুনিকেসন ইনফ্রাস্ত্রকচর চাউখৎপবু খোঙজেল য়াঙখৎহনবা, দিজিতেল দিভাইদ লৈহন্দবা, দিজিতেল ইম্পাৱরমেন্ত অমসুং ইনক্লুজন লৈহন্নবা তেংবাংবা, অমসুং মীপুম খুদিংদা ব্রোদবেন্দ ফংহনবগী পান্দমগা লোয়ননা দিসেম্বর ১৭, ২০১৯দা হৌদোকখিবনি।

পব্লিক ৱাই-ফাইগী খুদোংচাবা পীবগী খুত্থাংদা ব্রোদবেন্দ শিজিন্নবগী চাং হেনগৎহন্নবগীদমক্তা প্রধান মন্ত্রী ৱাইয়র্লেস এক্সেস নেতৱর্ক ইন্তর্ফেস (পি.এম.-দবল্যু.এ.এন.আই.) ফ্রেমৱর্ক হৌদোকখি। পি.এম.-দবল্যু.এ.এন.আই. ফ্রেমৱর্ক্না দিস্ত্রিব্যুতেদ আর্কিতেকচর অমসুং মথৌ কয়া কাঙলুপ থুগাইবগী খুত্থাংদা ব্রোদবেন্দ পীবা ঙমহল্লি। ফ্রেমৱর্ক অসিগী মখাদা এন্তাইতীশিংনা সরকারদা ফী পীবা নত্ত্রগা পর্মিত লৌবগী মথৌ তাহন্দে। হায়রিবা থৌওং অসিগী অকুপ্পা মরোলশিং pmwani.gov.in হায়রিবা ৱেবসাইত অসিদা ফংগনি।

লাইসেন্স পায়রবা সর্ভিস প্রোভাইদরশিংনা মখোয়গী ব্যুজিনেস প্লানশিংগী মখা পোন্না লৈবাক্কী খুঙ্গং অমসুং শহরগী মফমশিংদা ব্রোদবেন্দ সর্ভিস পীরি। অদুবু, লৈবাক্কী খুঙ্গং অমসুং মনুং হঞ্জিনবা মফমশিংদা ব্রোদবেন্দ সর্ভিস পাকথোক চাউথোক্নবগীদমক্তা য়ু.এস.ও.এফ.না শৌগৎপা সরকারগী তোঙানবা স্কিম কয়া অমা লৈরি, মসিদা মখোয়না হৌখিবা চহি ৫গী অপুনবা ফন্দ খাক্তুনা থমখিবনি অমসুং চৎলিবা চহিসিগী ওইনা ফেব্রুৱারী ২০২২ ফাওবগী চাউরাকপা লুপা করোর ৩১৫২৯ লৈখ্রবনি।

রাজস্থানগী ওইনদি, ভারতনেত প্রোজেক্তকী মথক্তা, রাজ্যসিগী ইন্তর্নেত/ব্রোদবেন্দ হেন্না ফগৎহন্নবগীদমক্তা য়ু.এস.ও.এফ.কী মখাদা সরকারগী ওইবা মখাদা পীরিবা স্কিমশিং লৈরিঃ

১) সর্ভিস য়ৌদবা খুঙ্গং, ঙমখৈগী মফম অমসুং রাজস্থান য়াওনা তোঙানবা রাজ্যশিংগী অহেনবা মিৎয়েং থম্বা মফম ৩৫৪দা মোবাইল কন্নেক্তিবিতী য়ৌহনবা।

২) রাজস্থান য়াওনা সর্ভিস ফংদবা রাজ্য মরিগী এস্পিরেস্নেল দিস্ত্রিক্তশিংগী সর্ভিস য়ৌদ্রিবা খুঙ্গং ৫০২দা ৪জি. মোবাইল কন্নেক্তিবিতী য়ৌহনবা।

ৱাফম অসি কম্ম্যুনিকেসনগী রাজ্য মন্ত্রী, শ্রী দেবুসিনহ চৌহান্না ঙসি লোক সভাদা অইবা পাউখুম ওইনা পীখিবনি।

 

***

(Release ID: 1843181) Visitor Counter : 111