নুপী অমসুং অঙাংশিংগী চাউখৎ থৌরাং মন্ত্রালয়
তোঙান তোঙানবা পেরামিতরশিংদা লৈবাকসিগী নুপীশিংগী ফীভম ফগৎলকপা
থাগৎখিবা:
20 JUL 2022 2:38PM by PIB Imphal
নেস্নেল ফেমিলী হেল্থ সর্ভে-৫ (এন.এফ.ঐচ.এস.-৫), নেস্নেল ক্রাইম রেকোর্দ ব্যুরো (এন.সি.আর.বি.), হেল্থ মেনেজমেন্ত ইন্ফোর্মেসন সিস্তেম (ঐচ.এম.আই.এস.)নচিংবশিংনা হৌখিবা চহি খরসিদা তোঙান তোঙানবা পেরামিতরশিংদা লৈবাকসিগী নুপী অমসুং নুপীমচাশিংগী ফীভম ফগৎলকপগী মওং উৎলি। ভারত লৈঙাক্না লেজিস্লেতিব অমসুং স্কিমেতিক ইন্তরভেন্সন, মীওৎ মীনৈ মায়োক্নরবা অমদি অৱাবা তারবা নুপীশিং তেংবাংননবা খুজিল থৌরাং অমসুং থৌরমশিংগী খুত্থাঙদা নুপীশিংবু হেন্না মপাঙ্গল কনখৎহন্নবা খ্বাইদগী মরুওইবা মীৎয়েং থমবা লেপত্রি। হায়রিবশিং থৌরাংশিং অসিগী মনুংদা পনবা য়াবা খরদি ৱন স্তোপ সেন্তর (ও.এস.সি.), ৱুমেন হেল্পলাইন (দব্লিউ.ঐচ.এল.) অমসুং প্রধান মন্ত্রী মাত্রু বন্দনা য়োজনা (পি.এম.এম.ভি.ৱাই.), অঙ্গনৱাদি সর্ভিসেস (হান্নগী কোর আই.সি.দি.এস.), স্কিম ফোর এদোলেস্সেন্ত গর্ল্স, নেস্নেল হেল্থ মিসন (রুরেল অমসুং অর্বান), অয়ুস্মান ভারত – প্রধাম মন্ত্রী জন আরোগ্য য়োজনা (পি.এম.জে.এ.ৱাই.), পি.এম. উজ্জ্বলা য়োজনা, প্রধান মন্ত্রী অৱাস য়োজনা (রুরেল অমসুং অর্বান), প্রধান মন্ত্রী জন ধন য়োজনা (পি.এম.জে.দি.ৱাই.), মহাত্মা গান্ধী নেস্নেল রুরেল এমপ্লোইমেন্ত গরেন্তী স্কিম অসিনচিংবা সোসিএল প্রোতেক্সন স্কিমশিং, অহল ওইরবা, মীমান্নদ্রবা অমসুং লুখ্রাবীনচিংবশিংদা পেন্সন পীবগী অপুনবা থৌরাং নেস্নেল সোসিএল এসিস্তেন্স প্রোগ্রাম (এন.এস.এ.পি.) অসিনচিংবশিংনি।
পি.এম. উজ্জ্বলা য়োজনানা পীরিবা কান্নবশিংগী মরক্তা নুপীশিংগী হকশেলগী ফীভম ফগৎহনবা, ইমুং মনুংগী নুংশিৎ মোৎশিনবা হন্থহনবা, উমংগী অমসুং অতোপ্পা মহৌশাগী মচাকশিংদা শাফু হন্থহনবা, নুংতিগী তৌবা থবকশিংদা হন্থহনবা অমদি মতম মাঙহন্দবনচিংবা কান্নবশিং ফংহন্দুনা নুপীশিংবু মপাঙ্গল কনখৎহল্লি। লৈবাকসিগী এল.পি.জি. কভরেজ পি.এম.য়ু.ৱাই. মমাঙদা ৬২% ওইরমবদগী হৌজিক সেচুরেসনগী চাং য়ৌরক্কদৌরে।
অসিগুম্বা সোসিএল প্রোতেক্সন স্কিমশিংনা লৈবাকসিগী নুপী ওইবীশিংদা পীরিবা কান্নবা অসি মায়কৈ য়াম্মি অমদি মসিদা শেন্মিৎলোন ফগৎহনবা, মহৈ মশিং, মশানা মশাবু ইকায় খুম্নজবা, লমচৎ, থাজবা অমসুং নুংগী থৌনা হেনগৎহনবনচিংবা য়াওরি। মখা তানা, হায়রিবা থৌরাংশিং অসিনা নুপীশিংগী মায়োক্তা চত্থবা ক্রাইম মশিং হন্থহল্লি। নেস্নেল ফেমিলী হেল্থ সর্ভে (এন.এফ.ঐচ.এস.-৫)কী মতুং ইন্না এন.এফ.ঐচ.এস.-৪গা চাংদম্নবদা তোঙান তোঙানবা পেরামিতরশিংদা নুপীশিংগী ফীভম ফগৎপা উরি:
|
পেরামীতরশিং
|
এন.এফ.ঐচ.এস.-৪
|
এন.এফ.ঐচ.এস.-৫
|
|
ইমুং মনুংগী ফিরেপ লৌবদা শরুক য়ারিবা য়ুম্বাল্লবা নুপী (%)
|
৮৪
|
৮৮.৭
|
|
য়ুম অমসুং/নৎত্রগা লম লৈজবা নুপী (মরন্নাই নঈত্রগা অতোপ্পগা পুন্না) (%)
|
৩৮.৪
|
৪৩.৩
|
|
মশানা শীজিন্নজবা বেঙ্ক নৎত্রগা সেভিং একাউন্ত লৈবা নুপী (%)
|
৪৫.৯
|
৫৪.০
|
|
মপুরোইবনা ওৎপী নৈবিবগী থৌদোক থেংনরবা চহি ১৮-৪৯গী মরক্তা লৈবা লুহোংলুরবা নুপী (%)
|
৩১.২
|
২৯.৩
|
|
মীরোল্লিঙৈদা মশা শোক্না ওৎপী নৈবিবগী থৌদোক থেংনরবা চহি ১৮-৪৯গী মরক্তা লৈবা লুহোংলুরবা নুপী (%)
|
৩.৯
|
৩.১
|
|
চহি ১৮ ফাওবগী মনুংদা সেক্সুএল ভাইওলেন্স থেংনরবা চহি ১৮-২৯গী মরক্তা লৈবা নহা ওইরিবী নুপী (%)
|
১.৫
|
১.৫
|
মখা তানা, নুপীদা চত্থবা ক্রাইমগী মতাঙদা নেস্নেল ক্রাইম রেকোর্দ্স ব্যুরো (এন.সি.আর.বি.)না ফোঙবা দেতানসু নুপীদা চত্থবা ক্রাইম মশিং ২০১৯দা ৪,০-৫,৩২৬ ওইরমবদগী ২০২০দা ৩,৭১,৫০৩ ওইদুনা অসিগুম্বা ক্রাইম মশিং হন্থরকপগী মচৎ অমা উৎলি।
ৱাফম অসি নুপী অমসুং অঙাঙগী চাউখৎ থৌরাংগী কেন্দ্র মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা অইবা পাউখুম ওইনা পীদুনা ফোঙদোকখিবনি।
*****
(রিলিজ আই.দি.: 1843050)
ভিজিতর কাউন্তর : 152