2004 میں منشیات کی زیادتی ، طور طریقوں اور رجحانات پر کیے گئے قومی جائزے میں منشیات کے استعمال کے طور طریقوں میں، اور  بھارت میں 2018 میں منشیات کی زیادتی اور طور طریقوں پر کیے گئے جامع قومی جائزے میں کافی فرق پایا گیا ہے۔

تاہم ، ان جائزوں کا یہ موازنہ ناممکن ہے کیونکہ 2004 میں کیا گیا سروے صرف مردوں پر کیا گیا تھا؛ جبکہ بعد میں کیا گیا سروے زیادہ جامع تھا۔ اس کے علاوہ، 2004 میں کیے گئے سروے میں منشیات کے استعمال کو لے کر صرف محدود علاقوں میں قومی رجحانات پیش کیے گئے تھےجبکہ 2018 کے جائزے نے ریاست کے لحاظ سے مزید جامع اعدادو شمار فراہم کرائے ہیں۔

بھارت میں منشیات کی زیادتی اور طور طریقوں  کے بارے میں 2018 میں کیے گئے سروے کے مطابق ، منشیات کے استعمال سے متعلق تفصیلات مندرجہ ذیل ہیں:

سماجی انصاف اور تفویض اختیارات کی وزارت حکومت ہند کے تحت منشیات کے مطالبات میں تخفیف کے لیے قومی عملی منصوبہ (این اے پی ڈی ڈی آر)سے متعلق ایک اسکیم نافذ کر رہی ہے، جس کے تحت (i) نشے کی لت سے نجات حاصل کر چکے افراد کے لیے بچاؤ سے متعلق تعلیم اور بیداری پیدا کرنے، صلاحیت سازی، ہنرمندی ترقیات، پیشہ وارانہ تربیت  اور روزی روٹی کے لیے امدادفرا ہم کرنے ، ریاستوں/ مرکز کے زیر انتظام علاقوں کے ذریعہ منشیات کے مطالبات میں تخفیف سے متعلق پروگرام کے لیے (ii)نشے کی لت کے شکار افراد کے لیے مربوط  بازآبادکاری مراکز (آئی آر سی اے ایس)چلانے اوران کے رکھ رکھاؤ کے لیے این جی اوز / وی اوز، نوعمری میں منشیات کے استعمال کے شروعاتی مرحلے میں اس کی روک تھام کے لیے کمیونٹی پر مبنی پیر لیڈ انٹروینشن (سی پی ایل آئی)اور رابطہ اور مشاورتی مراکز (او ڈی آئی سی)، سرکاری ہسپتالوں میں ڈسٹرکٹ ڈی-ایڈکشن سینٹرس (ڈی ڈی اے سی ایس) اور نشے کی لت کے علاج کی سہولتوں (اے ٹی ایف)  کے لیے مالی تعاون فراہم کیا جاتا ہے۔

نشہ مکت بھارت ابھیان (این ایم بی اے):

بھارت کے نوجوانوں میں منشیات کے استعمال کے مسئلے کو حل کرنے کے لیے، سماجی انصا ف اور تفویض اختیارات کی وزارت نے اگست 2020 سے اس خطرے سے دوچار 272 اضلاع میں نشہ مکت بھارت ابھیان (این ایم بی اے) لانچ کیا ہے۔

نشہ مکت ابھیان کے تحت مندرجہ ذیل سرگرمیاں انجام دی گئیں:

 

1. ابھیان کے تحت، خواتین، بچوں، تعلیمی اداروں، سول سوسائٹی تنظیموں، وغیرہ جیسے حصہ داروں کی شراکت داری پر خصوصی طو رپر زور دیا گیا ہے، جو راست یا غیر راست طور پر منشیات کے استعمال سے متاثر ہو سکتے ہیں۔
2. شناخت شدہ 272 اضلاع میں ابھیان سے متعلق سرگرمیوں کی قیادت کے لیے 8000 ماسٹر رضاکاران کو منتخب کیا گیا اور انہیں تربیت فراہم کی گئی۔
3. اب تک، زمینی سطح پر انجام دی گئی سرگرمیوں کے ذریعہ 11.99 کروڑ سے زائد لوگوں سے رابطہ قائم کیا گیا۔
4. تقریباً 4000 سے زائد یووا منڈل، این وائی کے ایس اور این ایس ایس رضاکاران، نوجوانوں کے کلب بھی اس ابھیان سے مربوط ہیں۔
5. آنگن واڑی اور آشا کارکنان، اے این ایم، مہیلا منڈل اور خواتین سیلف ہیلپ گروپوں کے توسط سے بڑی کمیونٹی تک رابطہ قائم کرنے کے سلسلے میں 2.05 کروڑ سے زائد خواتین کا تعاون بھی ازحد اہمیت کا حامل رہا۔
6. ملک بھر میں اب تک، 1.19 لاکھ سے زائد تعلیمی اداروں نے طلبا کے ساتھ سرگرمیاں انجام دی ہیں جن کا  مقصد اس ابھیان کے تحت انہیں منشیات کے استعمال کے بارے میں جانکاری فراہم کرنا ہے۔
7. فیس بک، ٹوئیٹر اور انسٹاگرام پر ہینڈلس بناکر اور ان پر روزانہ اپ ڈیٹس ساجھا کرکے، سوشل میڈیا کو اس ابھیان کا پیغام عام کرنے کے لیے مؤثر انداز میں استعمال کیا گیا ہے۔
8. اضلاع اور ماسٹر رضاکاران کے ذریعہ ریئل ٹائم کی بنیاد پر زمینی سطح پر انجام دی جا رہیں سرگرمیوں سے متعلق جانکاری اکٹھا کرنے کے لیے اینڈرائڈ پر مبنی ایک موبائل ایپلی کیشن بھی تیار کی گئی ہے۔ یہ ایپلی کیشن کو گوگل پلے اسٹور پر دستیاب ہے۔
9. منی پال یونیورسٹی (ایم اے ایچ ای)، کرائسٹ یونیورسٹی، ویلور انسٹی ٹیوٹ آف ٹکنالوجی (وی آئی ٹی)جیسی سرکردہ یونیورسٹیاں این ایم بی اے کے لیے اپنے کیمپس میں فعال انداز میں سرگرمیاں انجام دے رہی ہیں۔

وزارت ملک میں نشے کی لت سے متعلق درج کیے گئے معاملات کے اعداد و شمار کا ریکارڈ نہیں رکھتی ہے۔ وزارت صرف این اے پی ڈی ڈی آر اسکیم کے توسط سے مستفید ہو چکے افراد کی تعداد کا ریکارڈ رکھتی ہے۔ گذشتہ پانچ برسوں کے دوران اس طرح کے مستفیدین کا ریاست کے لحاظ سے تیار کیاگیا ڈاٹا ضمیمہ میں ملاحظہ کیا جا سکتا ہے۔

یہ اطلاع سماجی انصاف اور تفویض اختیارات کے وزیر مملکت جناب اے نرائن سوامی کے ذریعہ آج لوک سبھا میں ایک تحریری جواب کے تحت فراہم کی گئی۔

 

 

ضمیمہ

 

ملک میں گذشتہ پانچ برسوں کے دوران این اے پی ڈی ڈی آر کے تحت ریاست اور سال کے لحاظ سے مستفیدین کی تعداد

نمبر شمار	ریاست کا نام	2017-18	2018-19	2019-20	2020-21	2021-22
1	آندھرا پردیش	2952	1752	2063	6878	15295
2	انڈمان اور نکوبار جزائر	0	0	0	0	0
3	اروناچل پردیش	0	0	0	345	30
4	آسام	2952	9807	13328	15995	25986
5	بہار	2952	1599	1444	1414	1481
6	چنڈی گڑھ	0	0	0	842	997
7	چھتیس گڑھ	369	195	721	6058	15151
8	دادر اور ناگر حویلی	0	0	0	0	0
9	دمن اور دیو (صرف دمن)	0	0	0	165	151
10	دہلی	1476	2394	2238	12993	17019
11	گوا	0	0	0	0	0
12	گجرات	1476	1248	1608	1289	1374
13	ہریانہ	1845	2664	3251	5692	6940
14	ہماچل پردیش	369	308	657	727	12619
15	جموں و کشمیر	0	179	247	1509	4032
16	جھارکھنڈ	0	0	164	170	195
17	کرناٹک	1845	5866	7602	7153	6697
18	کیرلا	6642	3892	4134	4239	4887
19	لکشدویپ	0	0	0	0	0
20	لداخ	0	0	0	0	0
21	مدھیہ پردیش	4059	2908	3498	43993	48929
22	مہاراشٹر	21771	10465	14195	9273	8070
23	منی پور	8487	5733	5075	7974	8598
24	میگھالیہ	369	214	241	297	81
25	میزورم	3321	2122	1983	1862	1737
26	ناگالینڈ	1476	548	1231	1313	1328
27	اڈیشہ	12546	6647	7114	24497	31931
28	پڈوچیری	369	356	362	365	481
29	پنجاب	2214	1865	2048	10534	9555
30	راجستھان	4797	2453	4278	10117	22103
31	سکم	0	116	231	194	163
32	تمل ناڈو	7011	4814	4936	3320	3769
33	تلنگانہ	1845	1144	1952	5924	6620
34	تری پورہ	0	0	0	614	669
35	اترپردیش	6642	5504	5888	14295	16503
36	اتراکھنڈ	1107	1549	1457	1256	4529
37	مغربی بنگال	1845	1137	1418	7118	7639
این اے پی ڈی ڈی آر کے مجموعی استفادہ کنندگان		100737	77479	93364	208415	285559

 

 

**********

 

(ش ح –ا ب ن۔ م ف)

U.No:7768

(Release ID: 1842897) Visitor Counter : 896