नवी दिल्ली, 12 जुलै 2022

पंतप्रधानांच्या आत्मनिर्भर भारताच्या संकल्पनेला दृष्टीसमोर ठेवून देशाच्या उभारणीत आत्मनिर्भर होण्यासाठी कोळसा आणि खाण क्षेत्र महत्त्वपूर्ण भूमिका बजावत आहे, असे केंद्रीय कोळसा, खाण आणि संसदीय कामकाज मंत्री प्रल्हाद जोशी म्हणाले.

कोळसा आणि खाण मंत्रालयांतर्गत आज दिल्ली येथे झालेल्या केंद्रीय सार्वजनिक उपक्रमांमधील  (CPSE) अशासकीय संचालकांसाठी (NODs) आयोजित करण्यात आलेल्या पहिल्याच व्यवस्थापन अभिमुखता कार्यक्रमाला संबोधित करताना केंद्रीय मंत्री म्हणाले, की केंद्रीय सार्वजनिक उपक्रमांच्या (CPSEs) कामगिरीत आणखी सुधारणा करण्यासाठी अशासकीय संचालक (NODs) महत्वाची भूमिका बजावू शकतात. कोळसा आणि खाण क्षेत्र हे सर्वात मोठे रोजगार निर्माण करणारे क्षेत्र आहेत. ते पुढे म्हणाले, की सध्याचे सरकार राष्ट्र उभारणीत कोळसा आणि खाण क्षेत्राचा यथोचित वापर करण्याचा विचार करत आहे. उच्च उत्पादनाचे उद्दिष्ट साध्य करण्यासाठी ही क्षेत्रे संक्रमण अवस्थेतून जात आहेत, असेही ते म्हणाले.

कोळसा, खाण आणि रेल्वे राज्यमंत्री रावसाहेब पाटील दानवे, कोळसा मंत्रालयाचे सचिव डॉ. अनिल कुमार जैन, कोळसा आणि खाण मंत्रालयातील वरिष्ठ अधिकारी आणि विविध सहाय्यक संस्थांचे अशासकीय संचालक (NODs) या अभिमुखता कार्यक्रमाला उपस्थित होते.

S.Thakur/S.Patgaonkar/P.Malandkar

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com