#Unite2FightCorona

#IndiaFightsCorona

नवी दिल्‍ली/मुंबई, 5 जुलै 2022

आरोग्य मंत्रालयाची कोविड-19 घडामोडींवरील माहिती

आज सकाळी 7 वाजेपर्यंत प्राप्त झालेल्या तात्पुरत्या अहवालानुसार, भारताच्या देशव्यापी कोविड-19 प्रतिबंधक लसीकरण मोहिमेने 198.09 (1,98,09,87,178) कोटींचा टप्पा पार केला आहे. 2,58,74,950 सत्रातून हे लसीकरण पार पडले आहे. देशातील 12 ते 14 वर्ष वयोगटातील मुलामुलींसाठी 16 मार्च 2022 रोजी कोविड प्रतिबंधक लसीकरण मोहीम सुरू झाली. आतापर्यंत 3.69 (3,69,96,932) कोटींपेक्षा अधिक किशोरवयीनांना लसीची पहिली मात्रा देण्यात आली आहे. त्याचप्रमाणे 10 एप्रिल, 2022 पासून 18 ते 59 वयोगटातील नागरिकांसाठी कोविड-19 प्रतिबंधक क्षमता वृद्धी मात्रा देण्‍यास प्रारंभ झाला आहे.

भारतातील उपचाराधीन रुग्णसंख्या सध्या 1,14,475 इतकी आहे, ती देशाच्या एकूण रुग्णसंख्येच्या तुलनेत 0.26% इतकी आहे. परिणामी, भारतात रुग्ण बरे होण्याचा दर 98.53% झाला आहे. गेल्या 24 तासांत 12,456 कोरोना रुग्ण बरे झाल्यामुळे आतापर्यंत कोरोनामुक्त झालेल्या रुग्णांची संख्या (महामारीच्या आरंभापासून ) वाढून 4,28,91,933 झाली आहे.

गेल्या 24 तासात 13,086 नव्या कोरोना रुग्णांची नोंद झाली.

गेल्या 24 तासात एकूण 4,51,312 चाचण्या करण्यात आल्या. भारताने आतापर्यंत एकूण 86.44 (86,44,51,219) कोटींहून अधिक चाचण्या केल्या आहेत. साप्ताहिक पॉझिटिव्हिटी दर सध्या 3.81% तर दैनंदिन पॉझिटिव्हिटी दर 2.90% आहे.

इतर अपडेट्स :

• राज्ये/केंद्रशासित प्रदेशांकडे अद्याप न वापरलेल्या 11.18 कोटींपेक्षा अधिक मात्रा लसीकरणासाठी उपलब्ध आहेत.

* * *

S.Patil/D.Rane