وزارتِ خزانہ کا اقتصادی امور کے محکمے کا بجٹ ڈویژن اپریل – جون ، 11-2010 ( کیو 1 ) سےسرکاری قرض بندوبست کا شعبہ (پی ڈی ایم سی ) ،   ریگولر بنیاد پر قرضوں کے بندوبست سے متعلق سہ ماہی رپورٹ پیش کرتا ہے  ۔  موجودہ رپورٹ  جنوری – مارچ  ( کیو 4 ایف وائی 22 ) سے متعلق ہے ۔

مالی سال 2022 ء کی چوتھی سہ ماہی کے دوران ، مرکزی حکومت نے مختلف تاریخوں کے تمسکات کے ذریعے 137025 کروڑ روپئے کی رقم حاصل کی ہے ، جب کہ مالی سال 2021 ء کی چوتھی سہ ماہی میں یہ رقم 320349 کروڑ روپئے تھی ، جب کہ ادائیگیوں کی رقم 49721.87 کروڑ روپئے تھی ۔ مالی سال 2022 ء کی چوتھی سہ ماہی میں بنیادی طور پر اجراء کرنے میں  6.66 فی صد کا اضافہ ہوا ، جو کہ تیسری سہ ماہی میں 6.33 فی صد تھا ۔ تاریخ والی تمسکات کے نئے اجراء اور ان کے میچورٹی مالی سال 2022  کی تیسری سہ ماہی میں 16.88 برس کے مقابلے  چوتھی سہ ماہی میں 17.56 برس زیادہ تھی ۔  جنوری-مارچ ، 2022 ء کے دوران مرکزی حکومت نے کیش مینجمنٹ بلز کے ذریعے کوئی رقم حاصل نہیں کی ۔ ریزرو بینک نے سہ ماہی کے دوران سرکاری سیکیورٹیز کے لئے  اوپن مارکیٹ سے کوئی لین دین نہیں کیا ۔ اس سہ ماہی کے دوران آر بی آئی کی طرف سے لیکویڈیٹی ایڈجسٹمنٹ فیسیلٹی ( ایل اے ایف ) بشمول مارجنل اسٹینڈنگ فیسیلٹی اور خصوصی لیکویڈیٹی فیسیلٹی کے تحت یومیہ نقد رقم کا استعمال اوسطً  644100.99 کروڑ روپئے تھا ۔

حکومت کے کل واجبات (بشمول ’ پبلک اکاؤنٹ ‘ کے تحت واجبات)، عارضی اعداد و شمار کے مطابق مارچ  ، 2022 ء کے آخر میں بڑھ کر 13322727.03 کروڑ روپئے ہو گئے ہیں  ، جو دسمبر ، 2021 ء کے آخر میں 12841996 کروڑ روپئے تھے۔ اس سے مالی سال  2022 ء کی چوتھی سہ ماہی میں 3.74  فی صد  کا  سہ ماہی اضافہ  ظاہر  ہوتا ہے۔ مارچ  ، 2022 ء کے آخر میں کل بقایا واجبات کا 92.28 فی صد عوامی قرضہ ہو گیا   ،جو دسمبر ، 2021 ء کے آخر میں 91.60 فی صد تھا۔ تاریخ والے تمسکات کے واجبات کی تقریباً 29.31 فی صد  کی ادائیگی میں 5 سال سے کم کا وقت تھا ۔

مالی سال 2022 ء کی پہلی، دوسری اور تیسری سہ ماہی  میں گورنمنٹ سکیورٹیز میں سپلائی  میں اضافے کی وجہ سے ثانوی مارکیٹ میں گورنمنٹ سکیورٹی کے منافع میں کمی آئی ہے  ۔ البتہ  مالی سال 2022 ء کی چوتھی سہ ماہی کے دوران مناسب موقف کے ساتھ پالیسی ریپو ریٹ کو 4 فی صد پر برقرار رکھنے کے ایم پی سی کے فیصلے سے  منافع میں تعاون ملا ہے ۔

ثانوی منڈی میں، سہ ماہی کے دوران بنیادی طور پر 10 سالہ بینچ مارک سیکورٹی میں زیادہ ٹریڈنگ کی وجہ سے تجارتی سرگرمیاں 7-10 سال کی میچورٹی  کی مدت میں مرکوز تھیں  ۔ سہ ماہی کے دوران غیر ملکی بینک ثانوی مارکیٹ میں غالب تجارتی طبقہ کے طور پر ابھرے۔ خالص بنیادوں پر، غیر ملکی بینک، پبلک سیکٹر کے بینک اور پرائمری ڈیلرز خالص فروخت کنندہ تھے  ، جب کہ کوآپریٹو بینک، ایف آئیز ، انشورنس کمپنیاں، موچوول فنڈز، نجی شعبے کے بینک اور ’دیگر ‘ خالص خریدار تھے۔ مرکزی حکومت کی سیکورٹیز کی ملکیت کا نمونہ بتاتا ہے کہ کمرشل بینکوں کا حصہ مارچ ، 2022 ء کے آخر میں 37.75 فی صد رہا  ، جو کہ دسمبر  ، 2021 ء کے آخر میں 35.40 فی صد تھا۔

CLICK HERE to access the report.

 

۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔

( ش ح ۔ و ا ۔ ع ا   ) 

U. No. 7075

(Release ID: 1838295) Visitor Counter : 152