صحت اور خاندانی بہبود اور کیمیکل اورفرٹیلائزرس کے مرکزی وزیر ڈاکٹر منسکھ مانڈویہ نے آج چنئی میں مدراس فرٹیلائزرس لمیٹڈ (ایم ایف ایل) کا دورہ کیا۔ انہوں نے کمپنی کی پیشرفت کا جائزہ لیا اور چیلنجوں کے بارے میں جانا اور مواقع کے بارے میں  وضاحت کی اور کمپنی کو ہدایت کی کہ وہ ہمارے کسانوں کی ضروریات کو پورا کرنے کے لیے کام کرے۔ ڈاکٹر مانڈویہ نے کنٹرول روم کا بھی دورہ کیا اور اس پروسیس کا معائنہ کرنے اور اسے سمجھنے میں گہری دلچسپی لی جس کے بعد عملے کے ساتھ مختصر بات چیت کی ۔

اس موقع پر اپنے خطاب  کرتے ہوئے  ڈاکٹر مانڈویہ نے ٹیم کو مبارکباد دی  کہ اس  نے فرٹیلائزر میں  آتم نربھرتا کی اجتماعی کوشش کی سمت اپنے سفر میں ایک سنگ میل طے کیا ہے۔ انہوں نے یہ بھی کہا کہ ایم ایف ایل نے خریف 2022 میں تمل ناڈو کی 4.5 ایل ایم ٹی نیم کوٹیڈ یوریا  کی  32 فیصد سے زیادہ  کی کامیاب سپلائی  کی ہے، جبکہ اس نے پڈوچیری کی 7300 میٹرک ٹن  کی خریف  ضروریات کی تقریباً 82 فیصد پیداوار اور سپلائی کی ہے۔

کیمیکل اور فرٹیلائزر کے مرکزی وزیر نے یہ بھی کہا کہ انہوں نے ویژن 2027 بھی تیار کیا ہے، جس میں فاسفورک ایسڈ پلانٹ کو شامل کرنا، ڈی اے پی  کی  پیداوار کے لیے گرانولیٹر کا قیام ، 20 میگاواٹ کے آر ایل این جی پر مبنی کیپٹیو پاور پلانٹ کا قیام، 5 ایل ایم ٹی کل این پی کے کےپروڈکشن کے لئے اضافی این پی کے  اسٹریم کا قیام اور مختلف فرٹیلائزر  پروڈکٹس  کی تجارت میں تنوع پیدا کرنے کا تصور پیش کیا گیاہے۔ انہوں نے کہا کہ آتم نربھرتا ضروری ہے اور نینو کھاد اس سمت میں ایک قدم ہے۔

ڈاکٹر مانڈویہ نے ایم ایف ایل کو نینو یوریا پیداوار میں تبدیل کرنے کے مواقع  کی تلاش کرنے کےلئے کہا، جو مستقبل میں بھارت میں کھاد کے استعمال کا منظرنامہ بدل دے گا۔ انہوں نے کہا کہ وہ تمل ناڈو اور اس سے باہر کسانوں کے مفاد میں تعاون کرنے کے لئے ایم ایف ایل سے امید کرتے ہیں۔

صحت اور خاندانی بہبود اور کیمیکل اور فرٹیلائزر کے مرکزی وزیر ڈاکٹر منسکھ مانڈویہ 24 سے 26 جون 2022 تک پڈوچیری اور چنئی کے تین روزہ دورے پر ہیں۔

************

 

 

ش ح ۔ ف ا  ۔  م  ص

 (U: 6917)

(Release ID: 1837192) Visitor Counter : 123