ইকাইখুম্নজরিবা প্রধান মন্ত্রীনা এস.য়ু.পি.শিংবু মুত্থৎনবা লাউখিবা খোলাওবু থবক্তা ওন্থোক্নবগীদমক ভারতনা জুন ৩০, ২০২২ ফাওবদা শকখঙলবা সিঙ্গল য়ুজ প্লাস্তিক আতেমশিংবু অথিংবা থম্নবা লেপখিবা ৱারেপতা শাফু পীবা ওইনা সি.পি.সি.বি.না মতীক চাবা খোংথাংশিং লৌখৎখ্রে। সি.পি.সি.বি.গী ময়া লোংবা খোংথাংশিং অসিনা মসিগী কম্প্রিহেন্সিব এক্সন প্লানগী শরুক অমা ওইনা রো মতিরিএলশিংগী সপ্লাই হন্থনবা, প্লাস্তিক দিমান্দ হন্থনবা দিমান্দ সাইদকী খোংথাংশিং, এস.য়ু.পি.গী মহুৎ অতোপ্পা খোংথাং লৌখৎপা, য়েংশিনবা নুংঙাইনবা দিজিতেলগী ওইবা থৌরাং, অমসুং মীয়াম ভাপ তাহনবা, অমসুং খোংথাং অসিবু মপুং ফানা পায়খৎনবা রাজ্যগী বোর্দশিংদা লমজিং লমতাকপা য়াওরি।

প্লাস্তিক ৱেস্ত মেনেজমেন্ত (পি.দব্লিয়ু.এম.) রুলস, ২০১৬গী মতুং ইন্না, গুৎখা, হিদাক মনা অমসুং ক্বা হাপ্পা, য়োনবা নৎত্রগা য়োম্বা মতমদা প্লাস্তিক্কী মচাক ওইবা পোৎশকশিং শীজিন্নবা মপুং ফানা থিংখ্রবনি। পি.দব্লিয়ু.এম. (এমেন্দেদ) রুলস, ২০২১কী মতুং ইন্না, পি.দব্লিয়ু.এম. রুলস, ২০১৬দা হান্না মাইক্রোন য়াংখৈ ফাওবা য়ারম্বগী মাইয়োক্তা, সেপ্তেম্বর ৩০, ২০২১দগী হৌদুনা মাইক্রোন হুম্ফুতরা মঙাদগী তানা লৈবা ভর্জিন নৎত্রগা রিসাইকল্দ তৌরবা প্লাস্তিক্তগী শাবা পোৎ পুন্নবা খাউশিং শাবা, পুশিল্লকপা, পৈবা, য়েন্থোকপা, য়োনবা অমসুং শীজিন্নবা থিংখ্রবনি। মসিগী মথক্তা, ওগস্ত ১২, ২০২১দা থোকপা চেফোং অমগী মতুং ইন্না, মখাদা পীরিবা কয়া কন্না শীজিন্নফম লৈতবা, চাইখাইবগী চাংদি য়াম্না ৱাংবা সিঙ্গল য়ুজ প্লাস্তিক আইতেমশিং অসি জুলাই ১, ২০২২দগী হৌদুনা শাবা, পুশিল্লকপা, পৈবা, য়েন্থোকপা, য়োনবা অমসুং শীজিন্নবা থিংলেঃ

i. প্লাস্তিক চৈ ওইবা ইয়র্বদ, বেলুনগী প্লাস্তিক স্তিক, প্লাস্তিক্কী ফ্লেগ, মিথাইগী চৈ, আইস্ক্রীমগী চৈ, লৈতেংগী ওইবা পোলিস্তরিন (থর্মোকুল)।

ii. প্লেৎ, কপ, গ্লাস, ফোর্ক, স্পুন, থাং, স্ত্রো, ত্রেগুম্বা কৎলরি, অথুম্বা বোক্স য়োম্নবা পেকিং ফিল্ম নৎত্রগা রাপ, বার্তন, অমসুং চুরুতকী পেকেৎ, মাইক্রোন ১০০কী মখাদা লৈবা প্লাস্তিক নৎত্রগা পি.ভি.সি. বেন্নর, স্তিররশিং।

শকখঙলবা আইতেমশিং অসি থাদোকপা থিংনবগীদমক, লৈবাক, রাজ্য অমসুং লোকেলগী থাক্তা পাউতাক পীখ্রে। খুদম ওইনা, মরুওইবা পেত্রোকেমিকেল ইন্দস্ত্রীশিংদা হায়রিবা অথিংবা থম্লবা এস.য়ু.পি. পুথোকপগা মরী লৈনবা ইন্দস্ত্রীশিংদা প্লাস্তিক রো মতিরিএলশিং পীদনবা য়াথং পীখ্রে। মসিগী মথক্তা, এস.পি.সি.বি./পি.সি.সি.শিংদা  নুংশিৎ/ঈশিংগী এক্ত অসি অথিংবা লৈরবা এস.য়ূ.পি. পোত্থোক শাবগা মরী লৈনবশিংদা হোংদোক্নবা/লৌথোক্নবা য়াথং পীবা। কস্তম ওথোরিতীদা অথিংবা লৈরবা এস.য়ূ.পি. পোত্থোকশিং অসি পুশিল্লকপা থিংহনবা। অহো অরাক য়াওরকপদা মেনশিন্ননবা, লোকেল ওথোরিতীশিংদা মখোয়গী জগাদা অথিংবা লৈরবা এস.য়ূ.পি. পোত্থোকশিং অসি য়োন্দবা হায়না য়াওবা অনৌবা কমর্সিএল লাইসেন্সশিং পীবা অমসুং করিগুম্বা অথিংবা লৈরবা এস.য়ূ.পি. পোত্থোকশিং অসি য়োল্লম্বা থোক্লবদি হৌজিক লৈরিবা কমর্সিএল লাইসেন্সশিং অসি ককপা হায়না য়াথং পীবা।

হৌজিক লৈরিবা সপ্লাই অসিগী মহুৎ ওইনা, এস.য়ু.পি.গী মহুৎ ওইগদবা উপাইশিং কন্না পায়খৎলি। সি.পি.সি.বি.না মাংজৌননা পত্থবা য়াবা প্লাস্তিক শাবা মেনুফেকচরর ২০০ রোমদা অমুক্তংগী ওইগদবা সর্তিফিকেৎ পীখ্রে। হায়রিবা সর্তিফিকেৎশিং অসি লৈঙাক অসিগী লল্লোন ইতীক্তা হেন্না লায়থোকপা হায়বা পান্দম অসিগা ইরোইননা নৌনা অমুক রিন্যু তৌবগী কান্নবা লৈররোই। মখা তানা, ওনলাইন পোর্তেল অমসু হায়রিবা মেনুফেকচররশিং অসিদা সর্তিফিকেৎ পীবা নুংঙাইনবা শাগৎলে। এম.এস.এম.ই.শিংবু শৌগৎনবা, সি.পি.সি.বি.না সিপেৎকা খুৎশম্নদুনা লৈবাক অসিদা লৈরিবা এম.এস.এম.ই.শিংদা এস.য়ু.পি.গী মহুৎ শেমগৎনবা ৱার্কশোপশিং শীল্লি। হায়রিবা ৱার্কশোপশিং অসি রাঞ্চি, গুৱাহাতী অমসুং মদুরাইদা পাঙথোকখ্রে। পেত্রোদা য়ুম্ফম ওইবা প্লাস্তিকশিং অসি নৎতবা শাগৎনবগীদমক আই.আই.এস.সি. অমসুং সিপেৎকুম্বা মরুওইবা তেক্নিকেল ইন্সতিত্যুসনশিং অসিগা খুৎশম্নদুনা চৎলি।

দিমান্দ সাইদতা, ই-কমর্স কম্পেনীশিং, মরুওইবা সিঙ্গল য়ুজ প্লাস্তিক য়োনবা/শীজিন্নবশিং অমসুং প্লাস্তিক রো মতিরিএল শাবশিংদা অথিংবা লৈরবা এস.য়ূ.পি. পোত্থোক মুত্থৎনবা য়াথং পীখ্রে। থৌরাং অসিদা মীয়াম্না শরুক য়ানবগীদমক, এস.পি.সি.বি.শিং অমসুং লোকেল বোদীশিংনা মীয়াম – মহৈরোই, ভোলুন্তরী ওর্গানাইজেসন, শেল্ফ হেল্প গ্রুপ, লোকেল এন.জি.ও.শিং/সি.এস.ও.শিং, আর. দব্ল্যু.এ.শিং, মার্কেৎ এসোসিএসনশিং, কোরপোরেৎ এন্তাইতীশিং, অসিনচিংবা কয়াগী অচৌবা ভাপ তাহন্নবা দ্রাইবশিংসু শিল্লি। মমাংদা, সি.পি.সি.বি.না লৈবাক অসিদা লৈরিবা গুৎখা/ক্বা মসালা শাবা ইন্দস্ত্রীশিংদা মখোয়গী পোত্থোকশিং য়োম্বদা প্লাস্তিক শীজিন্নব্রা হায়বা খঙদোক্নবা সর্প্রাইজ ইন্সপেক্সনশিং চত্থখি।

মপাঙ্গল লৈবা সপ্পোর্ত সিস্তেম অমা শেমগৎনবগীদমক, সি.পি.সি.বি.না রাজ্যগী বোর্দশিংদা মীফম কয়া শীন্দুনা য়াথংশিং অসিবু থবক্তা ওন্থোক্তুনা অর্বান লোকেল বোদীশিং অসিনা মখোয়গী মতেংগা লোইননা মপুং ফানা থবক্তা ওন্থোকপা য়াব্রা হায়বদু য়েংনবা হোৎনরি। এস.পি.সি.বি.শিং/পি.সি.সি.শিংনা সেন্ত্রেল ৱার্কশোপকী মথক্তা এস.পি.সি.বি.শিং/পি.সি.সি.শিংগী চিয়রপার্সন য়াওনা রিজনেল ৱার্কশোপশিং জুন ২০২২দা পাঙথোক্লি। অরোইবদা, মায় পাকপগী চাং অসি হেন্না ৱাংনবগীদমক তোঙান-তোঙানবা দিজিতেলগী ওইবা থবকশিংসু পায়খৎলি। মীয়াম্না শরুক য়াবা ঙমহন্নবগীদমক, এস.য়ু.পি. পব্লিক গ্রিভান্স এপ অমসু ইকাইখুম্নজরিবা ই.এফ. অমসুং সি.সি. মন্ত্রী শ্রী ভুপেন্দর য়াদবনা হৌদোকখ্রে। এপ অসিদা জিওতেগিংগী ফিচর য়াওরি, মসিনা কমপ্লেন্তশিং অদু ত্রেক তৌবা য়াহল্লি। এস.য়ু.পি. কমপ্লাইন্স মোনিতরিং পোর্তেল অমা রাজ্য/য়ু.তী. ওথোরিতীশিংনা সি.পি.সি.বি.না পীরিবা কম্প্রিহেন্সিব দাইরেক্সনশিং অসি ইনবগা লোইননা মায় পাকপগী চাং অদু নুমিৎ খুদিংগী ওইনা য়েংনবা রিপোর্ত থাংগৎপা য়ানবগীদমক শেম্লে।

সি.পি.সি.বি. অসিনা ভারতকী তুংগী ওইবা অফবা লৈবাক অমা শেমগৎপগী চাউরবা মংলান অসি মংফাওননবগীদমক শকখঙলবা সিঙ্গল য়ুজ প্লাস্তিক থিংবগী খোংজং অসি মরুওইবা স্তেকহোল্দরশিংগা লোইননা পায়খৎনবা পান্দম থম্লি।

চাং নাইনা অপদেৎ ফংবীনবগীদমক, সি.পি.সি.বি.গী ওফিসিএল ৱেবসাইৎ (cpcb.nic.in) অমসুং সোসিএল মীদিয়া হেন্দলঃ

ফেসবুক: https://www.facebook.com/CPCBindia/| ত্বীতর: @CPCB_OFFICIAL | Instagram: @cpcb_official

দা ফোলো তৌবীয়ু।

জুলাই ১, ২০২২দগী হৌদুনা অথিংবা লৈরবা সিঙ্গল য়ুজ প্লাস্তিক আইতেমশিং

***************