ٹیکسٹائل کی وزیر مملکت محترمہ درشنا وکرم جاردوش نے آج یہاں نیشنل کرافٹس میوزیم میں ‘‘دی لوٹا شاپ’’ کا افتتاح کرتے ہوئے کہا کہ ون ڈسٹرکٹ ون پروڈکٹ (اوڈی او پی ) دستکاری کے شعبے کے ساتھ ساتھ کاریگروں کو بھی تحریک دے گا۔

انہوں نے میوزیم کی اہمیت کا اعادہ کرتے ہوئے کہا کہ ان میں غیر ملکی سیاحوں اور خریداروں کو راغب کرنے کی بڑی صلاحیت موجود ہے۔ انہوں نے مزید کہا کہ مرکز ون نیشن ون پروڈکٹ کے لیے کام کر رہا ہے جس سے دستکاری کے شعبے کے ساتھ ساتھ کاریگروں کو بھی تحریک ملے گی ۔ انہوں نے کاریگروں کی اہمیت پر زور دیا اور درخواست کی کہ ان کے فن کے لیے سودے بازی نہ کریں، جو کہ ملک کے لیے ایک انمول تحفہ ہے۔ محترمہ جاردوش نے یہ بھی کہا کہ ہینڈ لوم کے قومی دن کے خطوط پر، وہ دستکاری کے لیے ایک دن کا اعلان کرنے کی درخواست کریں گی جو دستکاری  کے لیے وقف  ہوگا۔

سینٹرل کاٹیج انڈسٹریز کارپوریشن آف انڈیا لمیٹڈ (سی سی آئی سی)، جسے سنٹرل کاٹیج انڈسٹریز ایمپوریم کے نام سے جانا جاتا ہے، نے حال ہی میں کرافٹس میوزیم، پرگتی میدان میں اپنا نیا آؤٹ لیٹ ‘‘لوٹا شاپ’’ کھولا ہے جس کا مقصد ہندوستانی اور غیر ملکی دونوں سیاحوں کو اپنی طرف  راغب کرنا ہے۔

جناب یو پی سنگھ، سکریٹری (ٹیکسٹائل) نے میوزیم کی طرف سے فراہم کی جانے والی سہولیات کے بارے میں بات کی اور کہا کہ مستقبل میں انہیں حوصلہ افزا آمد کی توقع ہے۔ انہوں نے کہا کہ میوزیم میں قیام و طعام کی سہولت فراہم کی گئی ہے اور زائرین کے لیے آڈیو ویژول کی سہولت بھی موجود ہے۔ وزارت میوزیم کے بنیادی ڈھانچے کو مزید مضبوط بنانے کا منصوبہ رکھتی ہے۔ اس سلسلے میں آئی ٹی پی او کے ساتھ پارکنگ کی سہولت فراہم کرنے کے لیے ایک  مفاہمت کی یادداشت تیار کی گئی ہے۔ انہوں نے کہا کہ میوزیم کے زائرین، جن سے معمولی داخلہ فیس لی جاتی ہے، اضافی چارج ادا کیے بغیر آئی ٹی پی او میں ہونے والی تقریبات اور نمائشوں کا دورہ کر سکیں گے۔

لوٹا شاپ نے اپنا نام روزمرہ کے استعمال کے سب سے مشہور برتن ‘‘لوٹا’’سے اخذ کیا ہے جو پورے ہندوستان میں بہت سارے ڈیزائنوں اور میڈیم میں پایا جاتا ہے۔ کاٹیج کی طرف سے لوٹا شاپ گھریلو اور بین الاقوامی دونوں طرح کے دستکاری سے محبت کرنے والوں کے لیے ایک منفرد موقع فراہم کرتی ہے، تاکہ وہ انڈین ہیریٹیج نیشنل کرافٹس میوزیم کے دورے کے دوران ایک بہترین ٹکڑا خرید سکیں۔

کرافٹس میوزیم کے دیہی پس منظر میں قائم، یہ خصوصی سیلز آؤٹ لیٹ نسلی ہندوستان کے جوہر کو ظاہر کرتا ہے۔ نسلی لیکن عصری انداز میں تیار کیا گیا، ‘‘لوٹا شاپ’’ ہندوستان کے روایتی دستکاری کی شکلوں پر مبنی عمدہ دستکاری کیریوز، یادگاری اشیاء، دستکاری اور ٹیکسٹائل کی نمائش کرتا ہے۔ یہ سنٹرل کاٹیج انڈسٹریز ایمپوریم کی طرف سے بھرپور اور متنوع ہندوستانی دستکاری کے ورثے اور دستکاروں کو اپنی بہترین تخلیقات کی نمائش کے لیے ایک پلیٹ فارم دے کر فروغ دینے میں اور اس طرح ایک آتما نربھر بھارت بنانے کی جانب اور  اپنی روزی روٹی برقرار رکھنے کے لیے آگے بڑھایا گیا ایک اور قدم ہے۔

سنٹرل کاٹیج انڈسٹریز کارپوریشن آف انڈیا لمیٹڈ (سی سی آئی سی)، ٹیکسٹائل کی وزارت کے تحت ایک پبلک سیکٹر انڈر ٹیکنگ ہے جو  نئی دہلی، بنگلورو، چنئی، کولکتہ، سکندرآباد، وارانسی اور گجرات میں اپنے شو رومز کے ذریعے مستند اعلیٰ معیار کے ہندوستانی ہینڈ لوم اور دستکاری مصنوعات کے فروغ اور خوردہ مارکیٹنگ میں مصروف ہے۔ سی سی آئی سی اپنا سامان براہ راست دستکاروں، بنکروں، ماسٹر کرافٹ افراد، شلپ گرو، نیشنل ایوارڈ یافتہ اور کلسٹرز سے حاصل کرتا ہے۔ سی سی آئی سی ہندوستانی دستکاریوں کی ترقی کے لیے وقف ہے جس میں سست اور غائب ہوتی ہوئی  دستکاری اور بنائی  شامل ہیں۔ یہ منفرد ہے کیونکہ یہ پورے ہندوستان کے تمام دستکاریوں، تمام پینٹنگز اور تمام ہینڈ لوم کا احاطہ کرتا ہے اور کسی خاص علاقے یا کمیونٹی کو نشانہ نہیں بناتا، اس طرح ہینڈلوم اور دستکاری کی مصنوعات کی عالمی سطح پر نمائش اور مارکیٹنگ کے لیے ایک منفرد پلیٹ فارم فراہم کرتا ہے۔

جناب شانت مانو، ڈیولپمنٹ کمشنر (دستکاری) اور چیئرمین سی سی آئی سی، جناب سوہن کمار جھا، سینئر ڈائریکٹر کرافٹس میوزیم، سی ایم ڈی ای مہندر ویر سنگھ نیگی، این ایم (ریٹائرڈ)، منیجنگ ڈائریکٹر، سی سی آئی سی اور وزارت اور سی سی آئی سی کے دیگر سینئر افسران اور دیگر تقریب میں  موجود تھے۔

*************

( ش ح ۔ ا ک۔ ر ب(

U. No. 6518

(Release ID: 1834188) Visitor Counter : 138