کوئلہ کی وزارت نے آج یہاں سنگل ونڈو کلیئرنس سسٹم (ایس ڈبلیو سی ایس) کے پروجیکٹ انفارمیشن اینڈ مینجمنٹ ماڈیول کا آغاز کیا ہے۔ آئی ٹی سے چلنے والی نئی سہولت کا آغاز کرتے ہوئے، سکریٹری کوئلہ ڈاکٹر انیل کمار جین نے کہا کہ یہ وزارت کی ایک اختراعی کوشش ہے کہ ملک میں کوئلے کی کانوں کو چلانے کے لیے مختلف منظوری حاصل کرنے کے لیے ایک پلیٹ فارم بنایا جائے۔ انہوں نے عہدیداروں پر زور دیا کہ وہ انٹرایکٹو سیشنز کا اہتمام کریں تاکہ تمام متعلقہ فریقوں  کو نئی سہولت سے واقف کرایا جا سکے۔

 

مختلف قانونی دفعات جیسے۔ کوئلے کی کان شروع کرنے کے لیے مائننگ پلان اور مائن کلوزر پلان کی منظوری، مائننگ لیز کی منظوری، ماحولیات اور جنگلات کی منظوری، وائلڈ لائف کلیئرنس، سیفٹی، پروجیکٹ سے متاثرہ خاندانوں کی بحالی، مزدوروں کی فلاح و بہبود وغیرہ ایک کوئلے کی کان  شروع کرنے کی  شرطیں ہیں۔ یہ منظوری مختلف مرکزی وزارتوں اور ریاستی حکومتوں کے محکموں/ ایجنسیوں کے ذریعے دی جا رہی ہے۔ کچھ منظوریوں کے آن لائن پورٹل ہیں؛ اب بھی زیادہ تر کلیئرنس آف لائن موڈ کے ذریعے دی جا رہی ہیں۔ پراجیکٹ کے حامیوں کو مختلف انتظامی وزارتوں اور سرکاری محکموں سے الگ الگ رجوع کرنے کی ضرورت ہے تاکہ مطلوبہ منظوریوں کے لیے درخواست دی جا سکے جس کی وجہ سے کوئلے کی کانوں کو چلانے میں تاخیر ہوتی ہے۔

منظوریوں کو ڈیجیٹائز کرنے کے فیصلے کے ایک حصے کے طور پر، کوئلہ کی وزارت نے ایک سنگل ونڈو کلیئرنس سسٹم کا تصور پیش کیا ہے، جس کے ذریعے پراجیکٹ کا حامی ایک ہی رجسٹریشن انٹرفیس کے ساتھ مطلوبہ منظوری کے لیے درخواست دے سکتا ہے۔ پورٹل کو کوئلے کی کان شروع کرنے کے لیے درکار تمام قانونی منظوریوں (مرکزی وزارتوں کے ساتھ ساتھ ریاستی حکومت کے محکموں/ایجنسیوں کا احاطہ کرنے کے لیے) درخواستوں اور ان کے متعلقہ عمل کا نقشہ بنانے کی تجویز ہے۔

 

کاروبار کرنے میں آسانی پیدا کرنے کے لیے، ایس ڈبلیو سی ایس  کا ایک متحد پلیٹ فارم ڈیزائن کیا گیا ہے جس میںوقت مقررہ پر  مائننگ پلان اور مائن بند کرنے کے پلان کی منظوری کے لیے پہلے سے آپریشنل ماڈیول شامل ہے اور پرویش پورٹل کے ساتھ انضمام، کول بیئرنگ ایریاز (ایکوزیشن اینڈ ڈیولپمنٹ) ایکٹ 1957کے  سیکشن 8 (1) کے تحت اعتراضات کی ڈیجیٹل قبولیت، تلنگانہ اور مغربی بنگال کا کنسنٹ مینجمنٹ سسٹم شامل ہے۔

کوئلہ کی وزارت نے ایس ڈبلیو سی ایس ، پروجیکٹ انفارمیشن اینڈ مینجمنٹ ماڈیول کی اپنی فہرست میں شامل کیا ہے، جس سے کوئلے کی کانوں کی نگرانی اور تیزی سے عمل درآمد میں پروجیکٹ کے حامیوں کے ساتھ ساتھ وزارت اور ریاستی حکام کو سہولت فراہم کرنے کا امکان ہے۔

 

یہ پروجیکٹ انفارمیشن اور منیجمنٹ ماڈیول کان مختص کئے  جانے والے  افراد  اور وزارت کے درمیان ڈیجیٹل رابطے کو پورا کرتا ہے اور متعلقہ بلاک کے حوالے سے ڈیجیٹل ریزولوشن فراہم کرتا ہے۔ ماڈیول کی اہم خصوصیات میں سے ایک بینک گارنٹی، پیشگی ادائیگی، بڑی منظوری، شوکاز نوٹس اور عدالتی مقدمات کا انتظام ہے۔

 

*************

( ش ح ۔ ا ک۔ ر ب(

U. No. 6514

(Release ID: 1834142) Visitor Counter : 109