دو طرفہ اقتصادی تعلقات کے خصوصی نمائندے جناب پال ہرملین کی قیادت میں فرانس کے ایک چار رکنی وفد نے آج یہاں تجارت اور صنعت کے مرکزی وزیر مملکت جناب سوم پرکاش سے ملاقات کی۔ انہوں نے دوطرفہ اور بین الاقوامی تجارتی اور اقتصادی امور کے تمام پہلوؤں پر باہمی تعاون کے دائرہ کار پر تبادلہ خیال کیا۔

 

جناب سوم پرکاش نے ہندوستان میں کاروبار کی لاگت کو کم کرنے اور کاروبار کرنے میں آسانی کو بڑھانے میں مودی حکومت کے بڑے اقدامات اور اصلاحات کا ایک جائزہ پیش کیا۔ انہوں نے ہندوستان-فرانس فاسٹ ٹریک میکانزم کی کامیابی کے بارے میں بھی بتایا۔

جناب  سوم پرکاش نے اگلے ہفتے جنیوا میں منعقد ہونے والی ڈبلیو ٹی او کی 12ویں وزارتی کانفرنس (ایم سی -12) سے پہلے ہندوستان کی ترجیحات پر روشنی ڈالی۔ وزیر موصوف نے کووڈ وبائی امراض کے خلاف عالمی لڑائی کے پیش نظر ٹی آر آئی پی ایس کی چھوٹ کی مانگ کرنے والے ہندوستان کی تجویز کے لیے فرانس کی حکومت سے تعاون طلب کیا۔ انہوں نے ای کامرس سے متعلق ڈبلیو ٹی او کے مذاکرات اور الیکٹرانک ٹرانسمیشنز پر کسٹمز ڈیوٹیز پر عارضی پابندی کے بارے میں ہندوستان کے موقف کی بھی نشاندہی کی جس کی میعاد ایم سی 12 تک ختم ہونے والی ہے۔

 

اس موقع پر خطاب کرتے ہوئے جناب  ہرملین نے کہا کہ فرانس یورپی یونین اور ہندوستان کے درمیان آزاد تجارتی معاہدے (ایف ٹی اے) مذاکرات کو آگے بڑھانے کا خواہشمند ہے۔ دونوں فریقوں نے امید ظاہر کی کہ 2024 سے پہلے معاہدے کو حتمی شکل دے دی جائے گی۔ یہ معاہدہ ہندوستان کے لیے 27 رکنی یورپی یونین بلاک کے ساتھ تجارت کو فروغ دینے کی راہ ہموار کرے گا، جس کی توثیق یورپی پارلیمنٹ سمیت دونوں فریقوں کی جائے گی۔ دونوں فریق 17 جون کو برسلز میں ایف ٹی اے مذاکرات دوبارہ شروع کرنے والے ہیں۔

فرانسیسی وفد میں ہندوستان میں فرانس کے سفیر جناب ایمانوئل لینین بھی شامل تھے۔

 

*********************

 

(ش ح ۔  ع ح)

U.No. 6294

(Release ID: 1832554) Visitor Counter : 106