الیکشن کمیشن آف انڈیا نے  آج الیکشن کمشنرجناب انوپ چندر پانڈے کے ساتھ چیف الیکشن کمشنر جناب راجیو کمار کی صدارت میں  منعقدہ  اپنی میٹنگ میں اتراکھنڈ کے چمولی ضلع میں گاؤں دمک اور گاؤں کلگوٹھ میں  پولنگ اسٹیشنوں تک سی ای سی کے پیدل  دورے کی تفصیلات کا جائزہ لیا۔ جناب انوپ سی پانڈے نے پتھورا گڑھ کے ڈی ایم کے طور پر اپنے تجربے کی وجہ  سے مزید معلومات باہم پہنچائی۔

پولنگ پارٹیاں پولنگ سے تین روز قبل سخت پہاڑی علاقے میں تقریباً 18 کلومیٹر پیدل سفر کرتی ہیں۔ وہ ای وی ایم اور وی وی پیٹ سمیت  الیکشن کا سارا سامان بھی لےجاتی ہیں اور اس کی  حفاظت بھی کرتی ہیں۔ 440 ایسےدور دراز/دشوار گزار  پولنگ اسٹیشن (پی۔ مائنس3 زمرہ) ہیں جہاں پولنگ اسٹیشنوں تک پہنچنے میں انہیں 3 دن کا مشکل سفر کرنا پڑتا ہے۔

بات چیت کے دوران سی ای سی کو بتایا گیا کہ دمک گاؤں جیسے دور دراز علاقوں میں 71.14 فیصد ووٹنگ ہوتی ہے اور کلگوٹھ گاؤں میں حالیہ انتخابات میں 80.45 فیصد ووٹنگ درج کی گئی ہے۔ یہاں پر خواتین رائے دہندگان بھی برابر  تعداد میں شرکت کرتی ہیں۔یہ بھی  بتایا گیا کہ دمک اور کلگوٹھ جیسے گاؤوں  میں، تقریباً 20-25 فیصد رجسٹرڈ ووٹر اپنے انتخابی حلقوں میں اپنا ووٹ ڈالنے سے قاصر ہیں کیونکہ انہیں اپنی ملازمتوں یا تعلیمی سرگرمیوں کی وجہ سے بڑے پیمانے پر اپنے گاؤں/ریاست سے باہر جانا پڑتا ہے۔ یہ صورت حال تارکین وطن کے ووٹروں کو ریموٹ ووٹنگ کی سہولت فراہم  کرانے کے لیے تلاش کرنے کا موقع فراہم کرتی ہے۔

کمیشن نے یہ بھی محسوس کیا کہ  2019  کے عام انتخابات کےے دوران کچھ شہری انتخابی حلقوں میں 50فیصد سے کم ووٹنگ ہوئی۔ کمیشن نے اس پر تشویش ظاہر کرتے ہوئے کہاکہ یہ صورت حال  کچھ میٹرو پولیٹن/ شہری علاقوں میں اس حقیقت کے باوجود ہے کہ شہری علاقوں میں  کسی بھی ووٹر کے لیے پولنگ اسٹیشن 2 کلومیٹر کے اندر قائم جاتا ہے۔شہری علاقوں میں ووٹنگ کے تئیں  بے حسی کو دور کرنے کی ضرورت محسوس کی گئی۔

مفصل غور و خوض کے بعد کمیشن نے درج ذیل فیصلہ کیا:

1. الیکشن کمیشن آف انڈیا  دمک اور کلگوٹھ اور اسی طرح کے  دور دراز د گاؤوں کے ووٹروں کےجوش  و جذبے اور  بڑی تعداد میں ووٹنگ میں شرکت کرنے پر گہری ستائش درج  کرتا ہے، کیونکہ یہی بھارت کو ایک متحرک جمہوریت بناتا  ہے۔
2. ای سی آئی جمہوریت کی امید اور جذبے کو اولین دینے کے معاملے میں  پولنگ افسروں کی ڈیڈیکیٹیڈ ٹیم  کے جذبے، عزم اور ایمانداری  کو بھی سلام کرتا ہے۔
3. دور دراز اور دشوار گزار علاقوں میں انتخابی ڈیوٹی انجام دینے والے پولنگ اہلکاروں کی لگن پر ہمدردی کا اظہار کرتے ہوئے، کمیشن نے 3 دن پہلے پولنگ اسٹیشنوں کے لئے جانے والے پولنگ اہلکاروں کے معاوضے کو دوگنا کرنے کا فیصلہ کیا  ہے(اب تک پولنگ افسوں کےلئے  معاوضہ یکساں ہوا کرتا تھا)۔ ریاستوں اور مرکز کے زیر انتظام علاقوں کے چیف الیکٹورل افسران الیکشن کے دوران زیادہ  معاوضے کے لیے ایسے پولنگ اسٹیشنوں کے بارے میں خصوصوی طور پر  مطلع کریں گے۔
4. گزشتہ برسوں میں دیہی علاقوں میں بہت سی  نئی سڑکیں تعمیر کی گئی ہیں۔ اس لئے پی۔ مائنس ۔3 اور  پی مائنس۔ 2 پولنگ اسٹیشنوں کے لئے  روٹ میپ کای تمام ڈی او اوز/ آر اوز کے ذریعے دوبارہ  جانچ کی جائے تاکہ پولنگ اسٹیشنوں  کے لیے سب سے چھوٹی اور  محفوظ روٹ  کا تعین کیا جا سکے۔
5. کمیشن نے کہا کہ ای وی ایم۔ وی وی پیٹ  مشینوں کو تکنیکی اعتبار  کے اعتبار سے اس طرح  ڈیزائن کیا گیا ہے جب کبھی مشینوں کو کھولنے کی  غیر قانونی کوشش کی جاتی ہے تو وہ ’’ان اتھارائزڈ  ایکسز موڈ‘‘ میں چلی جاتی ہیں( اور اس طرح ایک ہی بار پروگرام کئے جانے والی چپ کی وجہ سے وہ بے کار ہوجاتی ہیں)۔ کمیشن نے ای وی ایم۔ وی وی پیٹ  لے جانے کے لیے  اور  مشکل علاقے میں  ہاتھ خالی رکھتے ہوئے ایسی ٹیموں کو مشینوں کا تحفظ کرنے کےلئے  یہ اسیشل  واٹر/شاک پروف، ایکسٹرا پروٹیکٹیو  بیک پیک/کیسز تیار کرنے کا  فیصلہ کیا ہے۔
6. کمیشن نے تمام ڈی ای اوز/آر اوز کو ہدایت دی ہے کہ وہ قانون ساز اسمبلی یا پارلیمنٹ کے عام انتخابات سے ایک سال قبل پی ۔3 پولنگ اسٹیشن کے مقامات کا دورہ کریں۔ سی ای او خود بھی کچھ پولنگ اسٹیشنوں کا دورہ کریں گے۔
7. کمیشن نے تمام ڈی ای اوز/آر اوز  کو یہ  ہدایت  بھی دی ہے کہ ہر ایک  اسمبلی حلقہ میں سب سے کم ووٹنگ والے  کم از کم 5  پولنگ بھوتوں کی شناخت کریں۔
8. شہری علاقوں میں ووٹنگ کے بارے میں بے حسی کو دور کرنے کے لیے، کمیشن نے اس سلسلے میں فوکس کے ساتھ بیداری سرگرمیاں شروع چلانے کا فیصلہ کیا ہے۔ کمیشن نے  یہ بھی کہا کہ  کہ نیگو شی ایبل انسٹرومنٹ ایکٹ کے تحت، پولنگ کے دن کو تمام کام کی جگہوں پر چھٹی کا اعلان کیا جاتا ہے۔ جسکا بنیادی مقصد  ملازمین کو ووٹ دینے کی سہولت فراہم کرانا ہے۔ تمام مرکزی / ریاستی حکومت کے محکمے / سی پی ایس یو / ریاستی پی ایس یو اور 500 سے زیادہ ملازمین والے کارپوریٹ اداروں کو  چھٹی لیکر ووٹ نہ ڈالنے والے ملازمین کا پتہ لگانے کے لئے  ایک نوڈل افسر مقرر کرنا ہوگا۔
9. اس کے علاوہ کمیشن نئے نئے اندراج شدہ پہلی بار  ووٹروں کے لئے ای پی آئی  کارڈ  گھروں تک پہنچانا  جاری رکھے گا۔نوجوان ووٹرز کے لیے ووٹر ایجوکیشن اور انتخابی شرکت سے متعلق  بیداری کی خصوصی  مہمات بھی چلائی جائیں گی۔
10. تعلیم، روزگار اور دوسرے مقاصد کے لیے ووٹر اپنے رجسٹریشن کے مقامات سے شہروں اور دیگر مقامات تک چلے جاتے ہیں۔ ان کے لیے  اپنے رجسٹرڈ پولنگ اسٹیشنوں پر واپس لوٹ کر  ووٹ ڈالنا  مشکل ہوتا ہے۔ کمیشن نے فیصلہ کیا کہ ریموٹ ووٹنگ کے امکانات کا پتہ لگانے کا وقت آگیا ہے چاہے وہ پائلٹ بنیاد پر ہی ہو۔ مہاجر ووٹروں کے مسائل کی جانچ کے لیے ایک کمیٹی قائم کی جائے گی۔ ووٹر اور سیاسی جماعتیں چونکہ انتخابات کے سلسلے میں بنیادی اہمیت رکھتے  ہیں، اس لئے  سیاسی پارٹیوں سمیت تمام متعلقین سے بعد میں  وسیع پیمانے پر  مشورہ شروع کیاجائے گا۔

 

 

 

 

 

 

 

 

 

 

 

 

 

 

 

 

۔۔۔۔۔۔۔۔۔۔۔

 

ش ح۔ا گ ۔ن ا۔

U- 6213

                          

(Release ID: 1831911) Visitor Counter : 132