نئی دہلی،6 جون 2022/

سی ایس آئی آر -نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر-این آئی ایس پی آر) نے 6 جون کو ماحولیات کے عالمی دن کی تقریبات منائیں ۔

پروفیسر رنجنا اگروال، ڈائریکٹر، سی ایس آئی آر-این آئی ایس پی آر نے اجتماع کا خیرمقدم کیا۔ اپنے خطاب میں پروفیسر رنجنا نے زندگی کے جال کی پیچیدگی پر روشنی ڈالی۔ ہومو سیپینز کا غلط تصور ہے کہ ہم اس سیارے کے اعلیٰ نسل اور حکمران ہیں۔ انسانوں کے زیادہ استحصال نے اس سیارے پر زندگی کے منفرد جال کو تباہ کر دیا ہے۔ ہندوستان کے پاس ہمارے ماحول کے تحفظ کا ایک طویل ورثہ ہے۔ ہمارے ویدک لٹریچر میں ماحولیاتی تحفظ، ماحولیاتی توازن اور موسم کے چکر کے حوالے موجود ہیں۔ ہمارے آباؤ اجداد نے ہمارے سیارے کو نقصان پہنچائے بغیر ایک پائیدار زندگی گزارنے کے لیے ہمیں قیمتی علم فراہم کیا ہے۔ اس سال کا عالمی یوم ماحولیات کا موضوع اچھا ہے، ’’صرف ایک زمین‘‘، ’’فطرت کے ساتھ ہم آہنگی میں پائیدار زندگی گزارنا‘‘ پر توجہ مرکوز کرتا ہے۔

ڈاکٹر مرتیونجے موہاپاترا، ڈائریکٹر جنرل، آئی ایم ڈی، جنہیں پیار سے ’سائیکلون مین آف انڈیا‘ کہا جاتا ہے، پروگرام کے مہمان خصوصی تھے۔ ڈاکٹر موہا پاترا نے ’موسم پر ماحولیاتی عدم توازن کے اثرات‘ پر کلیدی لیکچر دیا۔ اپنے خطاب میں انہوں نے ملک میں موسم کے بدلتے ہوئے نمونوں پر روشنی ڈالی۔ انہوں نے کہا کہ عالمی سطح پر درجہ حرارت میں 100 سال پہلے کے مقابلے میں 1.2 ڈگری سیلسیس کا اضافہ ہوا ہے۔ ہندوستان میں، اضافہ تقریباً 0.6 ڈگری سیلسیس رہا ہے۔ درجہ حرارت میں یہ اضافہ شمالی، وسطی اور مشرقی حصوں میں ہوا ہے، اور جزیرہ نما ہندوستان میں کم ہے۔ درجہ حرارت میں یہ اضافہ موسم کے شدید واقعات پر اثر انداز ہوتا ہے۔

 

موسم کی تبدیلی کے سنگین اثرات مرتب ہوں گے۔ یہ پودوں کے نمونوں میں تبدیلی کا سبب بنے گا۔ پہلے ہی سندربن کے علاقے میں مینگروو کا جنگل کم ہو رہا ہے۔ اس سے ہماری اہم فصلوں جیسے کافی، کیلے وغیرہ کی کاشت کے انداز میں بھی تبدیلی آئے گی۔ موسم کے بدلتے ہوئے انداز ڈینگی جیسی متعدی بیماریوں کے پھیلاؤ کا باعث بھی بنیں گے۔

یوم ماحولیات کی یاد میں، سائنس رپورٹر اور وگیان پرگتی ، سی ایس آئی آر-این آئی ایس پی آر کے ذریعہ شائع ہونے والے مقبول سائنس میگزین کے ذریعہ خصوصی شمارے سامنے لائے گئے۔ اس موقع پر ڈاکٹر مرتیونجے موہاپاترا نے ان خصوصی شماروں کا اجراء کیا۔

اپنے اختتامی کلمات میں، ڈاکٹر منیش گور، سائنسداں، سی ایس آئی آر-این آئی ایس پی آر نے اپنے سیارے کو محفوظ رکھنے کی ضرورت کا اعادہ کیا کیونکہ یہ کہکشاں میں رہنے کے قابل واحد خطہ ہے۔ انہوں نے معززین اور شرکاء کا شکریہ ادا کیا۔ میٹنگ میں سی ایس آئی آر-این آئی ایس پی آر کے اسٹاف ممبران، طلباء اور مختلف کالجوں کے ریسرچ اسکالرز نے شرکت کی۔

ش ح۔   ش ت۔ج

Uno-6172

 

 

(ریلیز آئی ڈی: 1831696) وزیٹر کاؤنٹر : 183