কেন্দ্রগী হোম এফিবর্স অমসুং কোওপরেশনগী মন্ত্রী, শ্রী অমিত শাহনা ঙসি দিল্লীদা পাংথোকখিবা অৱাংবা থাক্কী মীফম অমদা লাক্লিবা নোংজু পন্থা অসিদা ঈশিং-ঈচাউ অসিগা থেংননবা কদাই ফাওবা শেম-শারবগে হায়বগী মতাংদা য়েংশিনখ্রে। প্রধান মন্ত্রী, শ্রী নরেন্দ্র মোদীগী লুচিং মখাদা ঈশিং-ঈচাউনা শোকহল্লবা মফমশিংদা এন.দি.আর.এফ. অমুসুং এন.দি.এম.এ.না পাইখৎখিবা শেম-শাবগী থবকশিং অদুবুসু য়েংশিনখ্রে। মহাক্না লৈবাক অসিগী ঈশিং-ঈচাউগা মরী লৈনননা থেংনরিবা অৱাবশিং অদুবু কোকহন্নবা পুম্নমক্কী ওইবা মপুং ফাবা পোলিসী অমা শেম্নবা লিশাং-শিৎনা চৎকদবা পাম্বৈশিং অদুবুসু য়েংশিনখ্রে। মীফম অদুদা ঈশিং-ঈচাউ মতমদা পুনশি অমসুং পোৎচৈ-মালচাং মাংবা হন্থহন্নবা ৱারেপ কয়া অমা  লৌখি।

কেন্দ্রগী হোম মিনিস্তরনা ওফিসিয়েলশিংদা লৈবাক অসিগী মরু ওইবা কেচমেন্ত এরিয়াশিংদা ঈশিং-ঈচাউ অমসুং ঈশিংগী লেভেল হেনগৎলকপা অদুবু লোকেলগী থাক্তা ফাওবা বাম্না কুপথনা প্রেদিক্সন পীনবা তুং কোইনগী ওইবা সীস্তেম অমা থম্নবা কেন্দ্র অমসুং রাজ্যগী থাক্তা লৈবা এজেন্সীশিংগী মরক্তা কোওর্দিনেশন লেপ্তনা পীননবা তাক্লকখ্রে।  মহাক্না খঙহল্লকখি মদুদি হন্দক্কী ঈশিং-ঈচা্গি পন্থা অসিদা, হৌজিক্কী অমসুং ফোরকাস্ত তৌখ্রবা তুরেলগী থাকশিং অদু পুংশিং খুদিংগি য়েংশিনগদবনি অমসুং ঈশিং-ইচাউ মনুংদা মরী লৈনবা স্তেকহোল্দর পুম্বনা মতিক চাবা পাম্বৈশিং খুদম ওইনা তুরেল খোংবানশিং খাগৎপা, খুদোংথিনিংঙাই ওওইবা মফমদগী মী হোন্দোকপা, মতম খরগীদমক ওইবা লৈফম-চাফম  অসিনচিংবশিং অসি লৌখৎকদবনি। মহাক্না  নোং কন্না চুবা মফমশিংদা লোকেল, মুনিসিপাল অমসুং রাজ্যগী থাক্তা নোংগী খুদোংথিবদগী চেকশিন্নবা ঙন্না খঙহন্নবগীদমক্তা রাজ্যশিংগা খুৎশম্নদুনা এস.ও.পি.শিং শেম্নবা এন.দি.আর.এফ.তা তাক্লকখ্রে                                        

কেন্দ্রগী হোম মিনিস্তর অখন্নবা ইন্সতিত্যুশনশিং খুদম ওইনা ইন্দিয়ন মেতিয়োরোলোজিকেল  দিপার্তমেন্ত (আই.এম.দি.) অমসুং সেন্ত্রেল ৱাতর কমিসন (সি.দবল্যু.সি.)দা হেন্না চপ-চাবা অইং-অশা, ঈশিং-নুংশিৎ অমসুং ঈশিং- ঈচাউগী মতাংদা মাংজৌননা কঙহনবা ঙম্নবা মখোয়গী তেক্নোলজীশিং লেপ্তনা অপগ্রেদ তৌনবা হায়খি। এস.এম.এস., তি.ভি., এফ.এম. রেদিয়ো অমসুং অতোপ্পা পাম্বৈশিংগী খুত্থাংদা মীয়ামদা নোংমিৎ খাকপগী মতাংদা মতম চানা চেকশিন-থৌরাং লৌখৎনবগী পাউ পীনবা খঙহল্লকখ্রে। শ্রী শাহনা হায়খি মদুদি এন.দি.আর.এফ. অমসুং এস.আর.এফ.তা পুনশি অমসুং পোৎচৈ-মালচাং মাংবা য়ারিবমখৈ হন্থহন্নবা জিলাগ কলেক্তরশিং অমসুং পঞ্চায়তশিংদা নোংমিৎ খাকপগী ৱার্নিংশিং পিনবা এরেঞ্জমেন্তশিং তৌনবা হায়খ্রে। মহাক্না ‘উমং’, ‘রেন এলার্ম’ অমসুং আই.এম.দি.না পুথোকপা ‘দামিনি’গুম্বা ৱেদর ফোরকাস্তকা মরী লৈনবা মোবাইল এপশিং অসিগী কন্নবশিং অসি তার্গেত পোপুলেশনদা য়ৌহন্নবা হায়রিবা এপশিং অসিদা পব্লিসিতী য়ারিবমখৈ য়াম্না তৌনবা খঙহল্লকখ্রে। শ্রী শাহনা ‘দামিনি’ এপ অসিবু লৈবাক অসিগী লোকেলগী লোনশিংদসু ফংহন্নবা কঙহল্লকখ্রে। ‘দামিনি’ এপ অসিনা মাংজৌননা পুং অহুমগী মমাংদা নোংমিৎ খাকপগী ৱার্নিং পী, মসিনা পুনশি অমসুং পোৎচৈ-মালচাং মাংবা হন্থহনবদা মতেং পাংগনি।

শ্রী অমিত শাহনা জল শক্তিগী মন্ত্রালয় অমসুং সি.দবল্যু.সি.দা মখাতানা ঈশিংগী থাক অমসুং ঈশিং-ঈচাউ হন্থহন্নবা অমসুং পুনশি অমসুং পোৎচৈ-মালচাং মাংবা হন্থহন্নবা, দাম সেফ্তী এক্ত, ২০২১গী প্রোভিজনশিংগী মখাদা রাজ্যগী থাক্তা অমসুং দামগী থাক্তা ইন্সতিত্যুস্নেল এরেঞ্জমেন্তশিং মখাতানা কনখৎহন্নবা মাংজৌননা থবক-থৌরমশিং পাইখৎনবা খঙহল্লকখ্রে। মমাং চহি ২০২১গী জুন ১৫দা পাংথোকখিবাফ্লদ রিভ্যু মীতিং অদুদা শ্রী অমিত শাহ পীখিবা য়াথংশিং অদুগী মতুং ইন্না সি.দবল্যু.সি., আই.এম.দি. অমসুং নেস্নেল দিজাস্তর রেসপোন্স ফোর্স (এন.দি.আর.এফ.)না তুরেলশিংদা লৈরিবা ঈশিংগী থাক অমসুং ঈশিং-ঈচাউগী লৈরিবা ফিভমশিং অদুবু য়েংশিনবা হৌখ্রে অমসুং হোম এফিয়র্সকী মন্ত্রালয়দা চাং-নাইনা রিপোর্তশিং থাগৎলি।

মীফম অসিদা ইন্দিয়া মেতিয়োরোলোজিকেল দিপার্তমেন্ত (আই.এম.দি.)গী দাইরেক্তর জেনরেল অমসুং সন্ত্রেল ৱাতর কমিসন (সি.দবল্যু.সি.)গী চেয়রমেননা প্রেজেন্তেশনশীং পীখি অমসুং মমাং চহিদা পাংথোকখিবা ফ্লদ রিভ্যু মীতিংদা কেন্দ্রগী হোম মিনিস্তর পীখিবা য়াথংশিং অদুগী মতাংদা লৌখৎখিবা থবক-থৌরমশিং অদুগী মতাংদা খঙহনখি। মহাক্না অইং-অশা, নোং-চিংগী ফিভমশিং, ঈশিং-ঈচাউগী মতাংদা মাংজৌননা কঙহনবগী তেক্নিকশিং অমসুং ঈশিং-ঈচাউ কন্ত্রোল তৌনবগি পাম্বৈশিং ফগৎহনবগী মতাংদা হায়খি। এন.দি.আর.এফ.কী দাইরেক্তর জেনরেলনা খঙহল্লকখি মদুদি লাক্লিবা নোংজু পন্থা অসিগী মনুংদা ঈশিং-ঈচাউগা থেংননবা মথৌ তাবা চেকশিন-থৌরাং পুম্নমক শেম-শাবা লোইরে হায়না হায়খি। রাজ্যশিংগী মাইকৈদগী এন.দি.আর.এফ.কী তীম ৬৭কীদমক হায়রকখ্রে অমসুং হৌজিক ফাওবদা তীম ১৪ থাদোকখ্রে।

ভারতকী য়াম্লবা মফম কয়া অমা ঈশিং-ঈচাউ য়াম্না থোকই, মসিদা গঙ্গা অমসুং ব্রহ্মপুত্রা অসিনা মরু ওইবা ফ্দ বেসিনশিংনি অমসুং অসাম, বিহার, উত্তর প্রদেশ অমসুং ৱেস্ত-বেঙ্গল অসিনা ঈশিং-ঈচাউ খ্বাইদগী হেন্না থোকপা রাজ্যশিংনি। মীফম অসিদা লৌকিবা ৱারেপশিং অসিনা মহৈ-মরোংশিং, মরল মথুমশিং, হিংননবগী পাম্বৈশিং অমসুং পুনশিদা ঈশিং-ঈচাউনা থোকহনবা খুদোংথিবা কয়া নংলবা মীওই লাখ কয়া অমগী অৱাবশিং অদুবু ফগৎহনবদা অমসুং কোকহনবদা য়াম্না মরু ওইবা থৌদাং লৌরগনি।

কেন্দ্রগী জল শক্তিগী মন্ত্রী, শ্রী গজেন্দ্র সিং শেখাৱত, হোমগী রাজ্য মন্ত্রী, শহরী নিত্যানন্দ রায়, হোম, ৱাতর রিসোর্স, রিভর দেবেলপমেন্ত অমসুং রিভর রিজুভেনেশন; অর্থ সাইন্স; এনভাইরনমেন্ত, ফোরেস্ত অমসুং ক্লাইমেত চেঞ্জ; রোদ ত্রান্সপোর্ত অমসুং হাইৱেজকী মন্ত্রালয়গী সেক্রেতরিশিং; মেম্বর সেক্রেতরি, এন.দি.এম.এ., আই.এম.দি. অমসুং এন.দি.আর.এফ.কী দাইরেক্তর জনরেলশিং; ইসরো, রেলৱে বোর্দ , এন.ঐচ.এ.আই., সি.দব্ল্যু.সি.দগী চেয়রমেন অমসুং অতোপ্পা সেনিয়র ওফিয়েলশিং অমসুং মরী লৈনবা মন্ত্রালয়শিংনা মীফম অদুদা শরুক য়াখি।

*****