خوراک اور عوامی نظام تقسیم کے محکمے نے ریاستوں/ مرکز کے زیر انتظام علاقوں کو دی جانے والی مرکزی امداد کےضابطوں پر نظرثانی کی ہے تاکہ ریاست کے اندر  نقل و حمل، غذائی اجناس کی ہینڈلنگ اور مناسب قیمت کے دکانداروں کو نیشنل فوڈ سیکورٹی ایکٹ، 2013 کے  مورخہ23 مئی 2022 کےنوٹیفکیشن کے تحت دیے جانے والے مارجن کو پورا کیا جا سکے۔

مرکزی امداد کے نظرثانی شدہ ضابطوں  کی تفصیلات نیچے جدول میں دی گئی  ہے اور یہ یکم اپریل 2022 سے ان ریاستی حکومتوں اور مرکز کے زیر انتظام علاقوں پر نافذ ہوں گے جو سیکشن l2 میں بیان کردہ اصلاحات اور مرکزی حکومت کی طرف سے وقتاً فوقتاً دی گئی ہدایات کی تعمیل کرتی ہیں۔

سابقہ ضابطوں اور نظر ثانی شدہ ضابطوں کا موازنہ مندرجہ  ذیل میں دیا گیا ہے:

نیشنل فوڈ سیکیورٹی ایکٹ، 2013 ریاستوں/مرکز کے زیر انتظام علاقوں کودرون ریاست ٹرانسپورٹیشن اورمناسب قیمت کی دکانوں کے ڈیلرز کے مارجن پر مرکزی امداد فراہم کرتا ہے تاکہ یہ اخراجات زیادہ قیمتوں کی شکل میں  مستفیضین پر بوجھ نہ بنیں اور  ایکٹ کے تحت  طے شدہ  قیمتوں میں یکسانیت  برقرار رہے۔  یہ ضابطےپہلی بار  2015 میں طے کیے گئے تھے۔

این ایف ایس اے ایکٹ 2013 کے شروع ہونے کے تین سال بعد مرکزی امداد کے ضابطوں پر نظر ثانی کی جانی تھی۔ اقتصادی امور کی کابینہ کمیٹی کی منظوری سے ضابطوں پر نظر ثانی کی گئی ہے۔

مرکزی امداد جاری کرنے کے لیے ریاستوں/ مرکز کے زیر انتظام علاقوں کو دو زمروں میں تقسیم کیا گیا ہے یعنی عام زمرہ کی ریاستیں اور خصوصی زمرہ والی ریاستیں۔ شمال مشرقی خطہ، پہاڑی اور جزیرائی ریاستیں خصوصی زمرہ کی ریاستوں کے تحت آتی ہیں جبکہ باقی ریاستیں/ مرکز کے زیر انتظام علاقے جنرل زمرہ کی ریاستوں کے تحت آتے ہیں۔اناج کی فراہمی کے عمل میں  شمال مشرقی، پہاڑی اور جزیرائی علاقوں کو مشکل  حالات کی وجہ سے اس کے مقابلے میں جنرل زمرے کی ریاستو اور مرکز کے زیر انتظام علاقوں کے مقابلے  شرح میں اضافے کے تعلق سے  خصوصی توجہ دی گئی ہے ۔ مرکزی امداد کی اضافی شرح سے ملک بھر میں 5 لاکھ سے زیادہ مناسب قیمت کی دکانوں کی عملداری میں بہتری آئی ہے۔

************

ش ح ۔ ف ا  ۔  م  ص

 (U:5748)