হেভী ইন্দস্ত্রীজ মন্ত্রালবগী হিন্দী এদভাইজরী কমিতীগী মীফম অদু গেংতোক্তা ঙসি পাংথোকখ্রে। কেন্দ্রগী হেভী ইন্দস্ত্রীজকী মন্ত্রী, দা. মহেন্দ্র নাথ পান্দেনা মীফম অদুদা থৌবুরেল ওইখি।

থৌরম অদুদা ৱা ঙাংলদুনা, শ্রী পান্দেনা প্রধান মন্ত্রীগী মরোমদোম লেপচবা ঙম্বা ভারতকী ৱাখল্লোন অদুগী মতুং ইন্না লিংগ্বিস্তিক সেল্ফ-রিলাইন্সকী মতাংদা আপীল তৌখি অমসুং রিজনেলগী লোল পুম্নমকপু ইকাইখুম্নবগা লোইননা হিন্দী অসিবু হেনগৎহনবা তঙাইফদে হায়না হায়খি। 

মহাক্না সিক্কিমবু কমিতী অসিগী অহানবা মীফমগীদমক্তা খনবা অসি য়াম্না মরু ওই অমসুং মহুৎ শিন্দুনা তাক্লিবা খুদম অমনি হায়না শন্দোক্নসু তাকখি। পার্লিয়ামেন্ত ওফিসিয়েল লেঙ্গ্বেজ কমিতী অমসুং হিন্দী সালাহকার সমিতিগী মেম্বরশিং ইনভাইত তৌবগী চৎনবী অসি অখন্ননা হিন্দী ফোর্তনাইতকী মনুংদা হৌগদবনি হায়বা মহাক্কী সজেশন অদুবু ময়াম্না তরাম্না ওকখি।

রাজ্য সভাগী এম.পি., সুকুমারি সীমা দ্বিৱেদি অমসুং লোক সভাগী এম.পি. (বুলন্দশহর), শ্রি ভোলা সিংসু মীফম অদুদা শরুক য়ারি। মন্ত্রালয় অসিদগী হেভী ইন্দস্ত্রীজ মন্ত্রালয়গী সেক্রেতরী, শ্রী অরুন গোয়ল, জোইন্ত সেক্রেতরী শ্রী ৱিজয় মিত্তল, দাইরেক্তর, শ্রী রাজনেশ সিং অমসুং ৱিকাস দোগ্রানা শরুক য়াখি।  

কমিতী অসিগী মেম্বরশিংদা লাইরিক-লাইশু হৈরবা হিন্দীগী নন-ওফিসিয়েল মেম্বর, প্রোফ. পুরান চান্দ তন্দন (য়ুনিভর্সিতী ওফ দিল্লী), প্রোফ. ওকীন লেগো (রাজিব গান্ধি য়ুনিভর্সিতী, অরুনাচল প্রদেশ), দা. সন্তরাম ভাইস (রিতায়র চৎলবা হিন্দীগী প্রোফেসর, গুরুকুল কান্দি য়ুনিভর্রিসিতী) অমসুং দা. বন্দনা পান্দে (গৌতম বুদধা য়ুনিভর্সিতী, নোইদা)সু য়াওরি।

শ্রী ভোলা সিংনা কমপনী খরগী প্রেজেন্তেশনদা ইংলিশকী ৱাহৈ কা-হে্ন্না শিজিন্নবগী ৱাফম অসি থাংগৎলকখি। প্রো. তন্দননা সেন্তর অসিগী মরু ওইবা ইন্সতিত্যুশন মঙাদা দাইরেক্তরশিংগী হাংদুনা লৈরিবা ফমশিং অদুদা পুক্নিং চিংশিনখি। মন্ত্রী অসিনা হায়খি মদুদি মহাক্না মসিগী মতাংদা হোম মিনিস্তরদা চিথি অমা ইরগনি হায়না হায়খি।

হিন্দী সালাহকার সমিতি অসি হিন্দীদা ওফিসিয়েল ওইবা থবকশিং য়োকখৎনবা কেন্দ্র সরকারগী মন্ত্রালয় খুদিংমক্তা শেমখিবা কমিতী অমনি, মসিদা চহি অমদা য়ামদ্রবদা মীফম অনিদি পাংথোকপগী প্রোভিজন লৈ। মে ১৫দা গেংতোক্তা পাংথোকখিবা মীফম অদু মন্ত্রালয় অসিগী কমিতী অমুক হন্না শেম্লবা কমিতী অদুগ অহানবা মীফম ওইখি।

****

(Release ID: 1825687) Visitor Counter : 110