نئی دہلی ،12 مئی  2022/صحت اور خاندانی بہبود اور  کیمیکلز اور فرٹیلائزرس کے مرکزی وزیر ڈاکٹر منسکھ مانڈاویہ نے آج نئی دہلی کے نرمان بھون میں   اعلی کارپوریٹ اسپتالوں کے ساتھ ایک گول میز میٹنگ سے خطاب کیا۔

اس موقع پر اظہارخیال کرتے ہوئے ڈاکٹر منسکھ مانڈویہ نے  ملک کی  مجاذ آبادی کو  صحت کی دیکھ بھال سے متعلق اعلی معیارات کے خدمات  مشترکہ طور پر  فراہم کرنے کے لئے   اسپتالوں کے   موقف کو  مستحکم   بنانے  کی ضرورت پر بھی زور دیا۔  انہوں نے  اس بات پر زوردیا   کہ اسپتالوں کی جانب سے   بیان کئے گئے مختلف چیلنجوں کو   حکومت اور متعلقہ فریقوں کی مشترکہ کوشششوں کی ذریعہ حل کیا جاسکتا ہے۔     انہوں نے کہا   کہ ہم نے    دنیابھر  کے بہترین  طریقوں کا مطالعہ کرسکتے ہیں، تاہم بھارت  کو صحت کی دیکھ بھال کا ماحولیاتی نظام قائم کرنے کے لیے سستے اور اعلیٰ معیار کے اپنے ماڈل ڈیزائن مرتب  کرنے پر توجہ مرکوز کرنی  چاہیے۔

انہوں نے مزید کہا   کہ’’ ہمیں   صحت قابل رسائی ، سستا اور مریض دوست بنانے کی ضرور ت ہے ‘‘ ۔انہوں   نے صحت عامہ کی کسی بھی اسکیم کے نفاذ کے لئے    اسپتالوں کے  تعاون کی ضرورت پر زور دیا۔   حکومت    نے    میڈیکل ویلیو ٹورزم یعنی   طبی قدرو قیمت کی سیاحت کو فروغ دینے کے لئے      ’ہیل ان انڈیا‘،  ’ ہیل بائی انڈیا‘  جیسے  مختلف اقدامات کئے ہیں۔  انہوں نے  اعلی معیار کی  طبی دیکھ بھال  مشترکہ طور پرفراہم کرنے کے لئے   اسپتالوں کے   موقف  کو مستحکم کرنے کی ضرورت کو بھی اجاگر کیا  اور     عزت مآب وزیراعظم  کے    سب کے لئے صحت خدمات کے  خواب کو  شرمندہ  تعبیر کرنے کی   صنعت کو  مکمل یقینی دہانی بھی کرائی۔  

 صحت کے مرکزی سکریٹری جناب راجیش بھوشن نے  کہا’’منتقلی کے مرحلے کے دوران، مختلف رکاوٹیں آ سکتی ہیں جنہیں سفر کے دوران حل کیا جائے گا"۔ لہذا اس کو حاصل کرنے کے لیے، تمام متعلقہ  فریقوں  کی طرف سے باقاعدہ رائےحاصل کرنا  اہم ہے۔ نظام کو مستحکم کرنا حکومت کی اولین ترجیح ہے۔

اس موقع پر    نیتی آیوگ کے رکن  (صحت) ڈاکٹر ونود پال، این ایچ اے کے  سی   ای    او   ڈاکٹر آر ایس شرما، اور وزارت صحت اور این ایچ اے کے سینئر افسران موجود تھے۔

****

ش ح۔  ش ر ۔ ج

UNO-5322

(Release ID: 1825000) Visitor Counter : 98