কেন্দ্রগী হকশেল অমসুং য়াইফ-য়ুম্বাল, অমসুং কেমিকেলস অমসুং ফর্তিলাইজরস মন্ত্রী, দা, মনসুখ মান্দৱিয়ানা ঙসি নই দিল্লীগি নির্মান ভাৱনদা মরু ওইবা কোর্পোরেত হোসপিতালশিংগা লোইননা রোউন্দ তেবল মীফম অমা  পাংথোকখ্রে।

 

থৌরম অদুদা ৱা ঙাংলদুনা, দা. মন্সুখ মান্দৱিয়ানা লৈবাক অসিগী মীয়ামদা অৱাংবা থাক্কী হেল্থকিয়র সার্বিসশিং পীননা হোসপিতালশিংনা চংশিল্লক্লিবা খোংথাং অদুবু হেন্না মপাঙ্গল কনখৎহনবসি তঙাইফদে হায়না মহাক্না পনখি। হোসপিতালশিংনা পল্লিবা শিংনবশিং অদুবু সরকার অমসুং স্তেকহোল্দরশিংনা অপুনবা ওইনা হোৎনমিন্নদুনা কোকহনবা ঙমগনি হায়না মহাক্না হায়খি। মহাক্না হায়খি মদুদি “ঐখোয়না মালেম অসিগী খ্বাইদগী ফবা চৎনবীশিং অদুবু নৈনবা য়াই, তৌইগুম্বশুং ঐখোয়না মমল হোংবা অমসুং অৱাংবা ক্বালিতীগী হেল্থকিয়র ইকোসীস্তেম অমা থম্নবা মশাগী ওইবা মোদেল অমা দিজাইন তৌবদা মীৎয়েং থমগদবনি।” 

মহাক্না মখা তাখি মদুদি “ঐখোয়না হেল্থ অসিবু য়াম্না কোম্না ফংহনগদবনি, হোংহনগদবনি অমসুং পেসেন্ত ফ্রেনলী ওইহনগদবনি”। মহাক্না পব্লিক হেল্থ স্কীম অমহেক্তবু মাইপাক্না থবক ওইনা পাইখৎপদা হোসপিতালশিং অসিনা লৌখিবা থৌদাং অদুবু মরু ওইনা পনখি। সরকার অসিনা মেদিকেল ভেল্যু তুরিজম য়োকখৎনবা হীল ইন ইন্দিয়া অমসুং হীল বাই ইন্দিয়াগুম্বা অনৌবা খোংথাং কয়া অমসুং লৌখৎলি। মহাক্না লৈবাক অসিগী মীয়ামদা অৱাংবা থাক্কী হেল্থকিয়র সার্বিসশিং পীননা হোসপিতালশিংনা চংশিল্লক্লিবা খোংথাং অদুবু মপাঙ্গল কনখৎহনবগী তঙাইফদবা অদুবুসু পনখি অমসুং প্রধান মন্ত্রীগি য়ুনিভর্সেল হেল্থ কোবরেজ পীনবগী ভিজন অদুবু মঙফাওননবা ইন্দস্ত্রীদা ফুল সপোর্ত পীরগনি হায়না থাজবা পীরকখি।   

কেন্দ্রগী হেল্থ সেক্রেতরী, শ্রী রাজেশ ভুশননা হায়খি, “ত্রাঞ্জিশন ফেজদা অথিংবা-অপনবা কয়া অমা থোরকপা অদুবু হায়রিবশিং অদু খোংচৎ অসিগী মনুংদা অদুমক লোইশিল্লগনি”। হায়রিবা অসিবু ফংনবা, স্তেকহোল্দরশিংদগী য়াম্না তোইনা ফীদবেক লৌবা হায়বসি য়াম্না মরু ওই। সীস্তেম অসিবু স্তেবিলাইজ তৌবা হায়বসি সরকারগী ওইনা খ্বাইদগী হেন্না মরু ওইনা লৌই।”

নিতি আয়োগকী মেম্বর (হেল্থ), দা. বিনোদ পোল, এন.ঐচ.এ.গী সি.ই.ও., দা. আর.এস.শর্মা, অমসুং হকশেল মন্ত্রালয় অমসুং এন.ঐচ.এ.দগী সেনিয়র ওফিসিবেলশিংনা শরুক য়াখি।

****

(Release ID: 1824981) Visitor Counter : 97