খাদি অমসুং ভিলেজ ইন্দসত্রীজ কমিসন (কে.ভি.আই.সি.)না অরুনাচল প্রদেশতা সিল্ক ইন্দস্ত্রী অমুক হন্না হিংগৎহন্নবা অমসুং তুং কোইনগী ওইবা লোকেল এমপ্লোইমেন্ত অমা শেম্নবা পুৱারিদা লৈহৌরগদবা খোংথাং অমমুক লৌখৎখ্রে। কে.ভি.আই.সি.না চাইনা অমসুং ভুতান লোন্নরিবা অরুনাচল প্রদেশকী তৱাংদা “খাদি এরি সিল্ক ত্রেনিং কম প্রোদক্সন সেন্তর” অমামুক লিংখৎখ্রে। ফীত ১৪,০০ ময়া নক্না ৱাংবা উন্না কুপ্তুনা লৈবা হিমালয়গী চিংদোনদা লৈবা মফম অদুদা সিল্ক ত্রেনিং কম প্রোদক্সন সেন্তর অসি কে.ভি.আই.সি.গী চেয়রমেন, শ্রী ৱিনয় কুমার সক্সেনানা শঙ্গাখি। সেন্তর অসি  বোমদিলাগী বুদধিস্ত কলচর প্রিজার্ভেশন সোসাইতীগী মতেংগা লোইননা লিংখৎখিবনি, সোসাইতী অসিনা সিল্ক সেন্তর অসিগীদমক্তা বিল্দিং পুথোকখি। অমরোমদা কে.ভি.আই.সি.না মথৌতাবা ইনফ্রাস্তর্কচর খুদম ওইনা হেন্দলুমশিং, চর্খা, সিল্ক রীলিং মেছিনশিং অমসংউ ৱার্পিং দ্রমশিং অসিনচিংবশিং অসি পুথোকখি। সেন্তর অসিনা তাৱাং অমসুং ৱেস্ত কামেং জিলাগী নুপী আর্তিসান ২০দা হকথেংননা থবক পীরি।

অরুনাচলদা খাদি সিল্ক সেন্তর অসি লিংখৎপা অসি ভারতকী অথাপ্পদগীনা অথাপ্পা মফমশিংদা সস্তেনেবল দেবেলপমেন্তশেম্নবা অমসুং “আত্মানির্ভর ভারত অভিয়ান”গী মখাদা লোকেলশিংগীদমক্তা হিংননবগী পাম্বৈশিং লৈহন্নবগীদমক্তা ওইবা প্রধান মন্ত্রীগী ভিজন অদুনা পুক্নিং থৌগৎখি। মসি চহি ২গী মনুংদা অরুনাচল প্রদেশতা কে.ভি.আই.সি. লিংখৎখিবা অনিশুবা সিল্ক ত্রেনিং কম প্রোদক্সন সেন্তরনি। মমাংদা, কে.ভি.আই.সি.না ২০২০গী সেপ্তেম্বর ১৭তা অরুনাচল প্রদেশকী চুল্ল্যু খুঙ্গংদা এরি সিল্ক ত্রেনিং কম প্রদক্সন সেন্তর শঙ্গাখি। ২০২০গী দিসেম্বরদা, কে.ভি.আই.সি.না তৱাংদা চহি ১০০০ শুরবা অরিবা মোনপা হেন্দমেদ পেপর ইন্দস্ত্রী অদুবুসু হিংগৎহনখি, হায়রিবা খোংথাং অসিবু প্রধান মন্ত্রীনা মহাক্কী রেদিয়ো প্রোগ্রাম “মন কি বাত”তা থাগৎপা ফোংদোরকখি।

কে.ভি.আই.সি.গী চেয়রমেননা হায়খি “খাদি এরি সিল্ক ত্রেনিং কম প্রোদক্সন সেন্তর” অসিনা নোর্থ ইস্ত পুম্বদা সিল্ক ইন্দস্ত্রী অসিবু অমুক হন্না হিংগৎহন্নবগী পান্দম থম্লি, হায়রিবা অসি দেকেদ খরাগী মুৎলমদোরবনি। “তৱাংদা লৈরিবা ফেসিলিতী অসিনা রিজন পুম্বদা স্পিন্নিং অমসুং ৱীভিংগী থবক-থৌওংশিংদা য়াম্না চাউনা ইনোৎ হাপ্লগনি। আর্তিসানশিং ত্রেনিং পীবা অমসুং নোর্থ ইস্তর্ন স্তেতশিংদা মহৌশাদগী লৈরক্লবা এরি সিল্ককী প্রোদক্সনদা সপোর্ত তৌবনা রিজন অসিদা লোকেল এমপ্লোইমেন্ত অমসুং তুং কোইনা চৎকদবা চাউখৎ-থৌরাং কয়া পুরক্লগনি। এন.আই.এফ.তি.গী নহা ওইরিবা দিজাইনরশিং অমসুং প্রোফেস্নেলশিংনসু ত্রাইবল নহাশিংগী মতম অসিগী চৎনবীগা চুনগদবা অনৌবা দিজাইনশিং অমসুং চৎনবা য়াবা ফিরোলশিং    পুথোক্নবা মসিগী সেন্তর অসিদ আখাদি আর্তিসানশিংদা ত্রেনিংসু পীরগনি,” হায়না মহাক্না হায়খি।

 

চহি চা কয়া অমগীদমক্তা, সিল্ক অসি নোর্থ ইস্তকী মীয়ামগী পুনশিদা য়াম্না মরু ওইবা শরুক অমা ওইরম্মি অদুবু মার্কেতশিং অসিদা অনেম্বা ক্বালিতীগী সিল্ক থোমজিল্লকপনা মরম ওইরগা নোর্থ ইস্ততগি সিল্ক ইন্দস্ত্রী অসি মাংহনখি। মসিগী দেবেলপমেন্ত অসি য়াম্না মরু মরমদি, অরুনাচল প্রদেশকী ত্রাইবল পোপুলেশন, নুপাশিং অমসুং নুপীশিং, পুম্নমক্না চপ মান্ননা এরি সিল্ক অমসুং খাদি লংজমগী ফিরোলশিং শেৎলি, হায়রিবা অসিনা মখোয়গী গালিতরিয়ন ত্রাইবল সোসাইতীদা য়াম্না মরু ওইনা লৌই।

কে.ভি.আই.সি.না তৱাংদা কোইবা লাক্লিবা তুরিস্তশিংগা সেন্তরগা কনেক্ত তৌনবা পান্দম থম্লি অমসুং অসুম্না লোকেল আর্তিসানশিংদা মখোয়গী প্রোদক্তশিংগীদমক্তা মার্কেত পীরগনি। প্রোদক্সন সেন্তর অসি মার্কেত দিমান্দ পীনবা মতিক লৈগনি।

*******

(Release ID: 1824920) Visitor Counter : 91