ਸੱਭਿਆਚਾਰ ਮੰਤਰਾਲਾ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ ਇੱਕ ਹਿੱਸੇ ਦੇ ਰੂਪ ਵਿੱਚ 14 ਅਤੇ 15 ਮਈ ਨੂੰ  ਦੂਸਰੇ “ਰਿਸ਼ੀਕੇਸ਼ ਸੰਗੀਤ ਸਮਾਰੋਹ 2022” ਦਾ ਆਯੋਜਨ ਕਰ ਰਿਹਾ ਹੈ। ਇਸ ਸਾਲ ਦੇ ਸਮਾਰੋਹ ਦਾ ਆਯੋਜਨ ਸੰਗੀਤ ਨਾਟਕ ਅਕਾਦਮੀ, ਉੱਤਰਾਖੰਡ ਕੁਟਾਨੀ ਅਤੇ ਹੰਡਪਨ ਅਕਾਦਮੀ ਦੇ ਨਾਲ ਸੰਯੁਕਤ ਰੂਪ ਨਾਲ ਕੀਤਾ ਜਾ ਰਿਹਾ ਹੈ।

 

ਇਸ ਸਮਾਰੋਹ ਵਿੱਚ ਕੇਂਦਰੀ ਸੰਸਦੀ ਮਾਮਲੇ ਅਤੇ ਸੱਭਿਆਚਾਰ ਰਾਜ ਮੰਤਰੀ ਸ਼੍ਰੀ ਅਰਜੁਨ ਰਾਮ ਮੇਘਵਾਲ ਅਤੇ ਉੱਤਰਾਖੰਡ ਦੇ ਮੁੱਖ ਮੰਤਰੀ ਸ਼੍ਰੀ ਪੁਸ਼ਕਰ ਸਿੰਘ ਧਾਮੀ ਅਤੇ ਹੋਰ ਪਤਵੰਤੇ ਸ਼ਾਮਲ ਹੋਣਗੇ।

 

ਇਸ ਸਮਾਰੋਹ ਵਿੱਚ ਸੰਗੀਤ ਜਗਤ ਦੇ ਪ੍ਰਸਿੱਧ ਗਾਇਕ ਜਿਸ ਤਰ੍ਹਾਂ ਕੈਲਾਸ਼ ਖੇਰ, ਰੁਦਰ ਵੀਣਾ ਵਾਦਕ ਬਹਾਉਦੀਨ ਡਾਗਰ, ਬਾਬਾ ਕੁਟਾਨੀ, ਇੰਡੀਅਨ ਜੈਮ ਪ੍ਰੋਜੈਕਟ, ਸੂਰਯ ਗਾਇਤ੍ਰੀ ਅਤੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪ੍ਰਸਿੱਧੀ ਵਾਲੇ ਕਈ ਹੋਰ ਕਲਾਕਾਰ ਸ਼ਾਮਲ ਹੋਣਗੇ।

 

ਰਿਸ਼ੀਕੇਸ਼ ਸੰਗੀਤ ਸਮਾਰੋਹ ਇੱਕ ਸਲਾਨਾ ਸੰਗੀਤ ਸਮਾਗਮ ਹੈ; ਜੋ ਹਿਮਾਲਿਆ ਦੀ ਤਲਹੱਟੀ ਵਿੱਚ, ਗੰਗਾ ਨਦੀ ਦੇ ਕੰਢੇ, ਰਿਸ਼ੀਕੇਸ਼, ਭਾਰਤ ਵਿੱਚ,  ਆਯੋਜਿਤ ਜਾਂਦਾ ਹੈ।  ਇਸ ਸਮਾਗਮ ਲਈ ਬੁਲਾਏ ਗਏ ਕਲਾਕਾਰਾਂ ਵਿੱਚ ਸਥਾਪਿਤ ਅਤੇ ਉੱਭਰ ਰਹੇ ਅਤੇ ਉਪ ਮਹਾਦੀਪ ਦੇ ਨਾਲ-ਨਾਲ ਦੁਨੀਆ ਭਰ ਦੇ ਕਲਾਕਾਰ ਸ਼ਾਮਲ ਹਨ।

 

ਰਿਸ਼ੀਕੇਸ਼ ਸੰਗੀਤ ਸਮਾਰੋਹ ਦਾ ਮੁੱਖ ਉਦੇਸ਼ ਸੰਗੀਤ ਸਿੱਖਣ ਅਤੇ ਮਿਊਜ਼ਿਕ ਪ੍ਰੋਡਕਸ਼ਨ ਦੇ ਆਲਮੀ ਕੇਂਦਰ ਵਜੋਂ ਰਿਸ਼ੀਕੇਸ਼ ਨੂੰ ਪ੍ਰੋਤਸਾਹਿਤ ਕਰਨਾ, ਰਿਸ਼ੀਕੇਸ਼ ਵਿੱਚ ਸੰਗੀਤ ਟੂਰਿਜ਼ਮ ਨੂੰ ਉਤਸ਼ਾਹਿਤ ਕਰਨਾ ਅਤੇ ਮਨੁੱਖਤਾ ਦੀ ਅਮੂਰਤ ਸੱਭਿਆਚਾਰਕ ਵਿਰਾਸਤ ਨੂੰ ਪ੍ਰਦਰਸ਼ਿਤ ਕਰਨਾ ਅਤੇ ਉਨ੍ਹਾਂ ਦੇ ਦਸਤਾਵੇਜ਼ ਤਿਆਰ ਕਰਨਾ ਹੈ।

 

ਇਹ ਦੋ-ਦਿਨਾਂ ਸਮਾਗਮ ਹਰ ਰੋਜ਼ ਦੋ ਸ਼ਿਫਟਾਂ ਵਿੱਚ ਹੋਵੇਗਾ: ਸਵੇਰ ਦਾ ਸੈਸ਼ਨ ਪਰਮਾਰਥ ਨਿਕੇਤਨ ਵਿੱਚ ਸਵੇਰੇ 5:30 ਵਜੇ ਸ਼ੁਰੂ ਹੋਵੇਗਾ ਅਤੇ ਦੁਪਹਿਰ 12 ਵਜੇ ਸਮਾਪਤ ਹੋਵੇਗਾ ਅਤੇ ਸ਼ਾਮ ਦਾ ਸੈਸ਼ਨ ਪੂਰਣਾਨੰਦ ਮੈਦਾਨ ਵਿੱਚ ਸ਼ਾਮ 5 ਵਜੇ ਸ਼ੁਰੂ ਹੋਵੇਗਾ ਅਤੇ ਰਾਤ 9 ਵਜੇ ਤੱਕ ਚਲੇਗਾ ।

 

ਸਮਾਗਮ ਵਿੱਚ ਦਾਖਲਾ ਮੁਫ਼ਤ ਹੈ ਅਤੇ ਸਾਰਿਆਂ ਲਈ ਖੁੱਲ੍ਹਾ ਹੈ।

 

ਰਿਸ਼ੀਕੇਸ਼ ਸੰਗੀਤ ਸਮਾਰੋਹ ਦੀ ਸਮਾਂ ਸਾਰਣੀ ਦੇ ਲਈ ਇੱਥੇ ਕਲਿੱਕ ਕਰੋ  

 

 

*****

ਐੱਨਬੀ/ਐੱਸਕੇ

(रिलीज़ आईडी: 1824844) आगंतुक पटल : 170