شمال  مشرقی خطے کی ترقی ، سیاحت اورثقافت کے مرکزی وزیرجناب جی کشن ریڈی نے آج حکومت ہند اور شمال مشرق کی 8ریاستی حکومتوں کے سرکردہ عہدیداران کے ساتھ بات چیت  کے ایک اجلاس کی صدارت کی ۔

وزیرموصوف نے سینئرافسران پرزوردیاکہ وہ اس بات چیت کے اجلاس کو ، شمال مشرقی خطے کی ترقی اوروہاں  ترقی کی رفتار میں تیزی لانے کی غرض سے متعلقہ اہم نکات اور موضوعات پراجتماعی طورپر غوروخوض کرنے کے لئے استعمال کریں ۔

حاضرین سے خطاب کرتے ہوئے وزیرموصوف نے مرکزی حکومت کی وزارتوں اورریاستی حکومتوں کی وزارتوں کے درمیان اورزیادہ تال میل اور اشتراک قائم کرنے کے لئے کہا۔ انھوں نے یقین دلایاکہ شمال مشرقی خطے کی ترقی  کی وزارت ، ایک رابطہ کارسے متعلق اپنے کردار پرتوجہ مرکوز کرے گی اور اس بات کو یقینی بنائے گی کہ منصوبے یا نظام سے مربوط امور کی وجہ سے ترقیاتی عمل میں رخنہ نہ پڑے ۔ انھوں نے کہا کہ انھوں نے حکومت ہند اورریاستی سرکاروں کی بہت سی متعلقہ وزارتوں کے ساتھ مشترکہ جائزہ میٹنگیں کی ہیں اوران  کا آنےوالے دنوں میں مزید کئی میٹنگیں کرنے کا ارادہ ہے ۔

وزیرموصوف نے یہ بھی کہاکہ صحت ، تعلیم اور سیاحت کے شعبہ کی ترقی سمیت زراعت ، روزگار کے مواقع  پیداکرے ، ہنرمندی کے فروغ ، کنکٹی وٹی اوربنیادی ڈھانچہ  اورسماجی خدمات جیسے بعض کلیدی شعبوں پراورزیادہ توجہ دیئے جانے کی ضرورت ہے ۔

وزیرموصوف نے اس بات پربھی زوردیا کہ اگلے مالی سال کے لئے ان کا ایجنڈہ ان باتوں کو یقینی بنانا ہوگا کہ 10فیصد جی بی ایس کے تحت فنڈس کومکمل طورپر اور مناسب طریقے سے استعمال کرلیاجائے ، پروجیکٹوں کو کسی بھی تاخیر کے بغیر جلد از جلد نافذ کیاجائے اور انھیں شمال مشرقی خطے کی حقیقتوں  کے مطابق ڈھالاجائے ۔

وزیرموصوف نے کہاکہ نئی تشکیل شدہ ‘‘زرعی ٹاسک فورس ’’ کی بدولت ، فنڈس کو زیادہ سے زیادہ بہترطریقے سے استعمال کرنے اور خطے کے لوگوں کو زیادہ سے زیادہ فائدہ پہنچانے کو یقینی بنانے میں مدد ملے گی ۔ انھوں نے درخواست کی کہ اس کی کامیابی کی خاطر تمام ریاستی سرکاروں کے تال میل اور تعاون کی بہت اہمیت ہے ۔

وزیرموصوف نے اس بات پربھی زوردیاکہ خامیوں کے بارے میں ایک سائنسی تجزیہ کرنے کی ضرورت ہے ، جس کے تحت ایک طے شدہ ، اقدام  کے لئے مثبت پہلوؤں ،قوتوں اورکمزوریوں کی نشاندہی کئے جانے کی ضرورت ہے ۔

انھوں نے یہ بھی کہا کہ ریاستی اورمرکزی وزارتوں کو اتنی ہی توجہ سماجی ترقی اور روزگار کے مواقع  پیداکرنے پرمرکوز کرنا چاہیئے اور اس کے ساتھ ساتھ بنیادی ڈھانچہ کی ترقی پربھی مسلسل توجہ کرنی ہوگی ۔ انھوں نے کہا کہ معاشرے کے سبھی لوگوں تک ترقی کے ثمرات پہنچانے کو یقینی بنانے میں یہ اقدامات  اہم ثابت ہوں گے اور ان کے نتیجے میں لوگوں کے معیار زندگی اورسماجی بالیدگی کو بہتربنایاجاسکے گا۔

وزیرموصوف نے سبھی عہدیداروں پراس بات کے لئے زوردیاکہ خطے کی مجموعی ترقی اورفنڈس کو مکمل طورپر بروئے کارلانے کی خاطرایک منصوبہ ٔ عمل پرمشترکہ طورپرمل کر کام کریں ۔ عزّت مآب وزیرنے شمال مشرقی خطے کی ہنرمنداورباصلاحیت خواتین کی بھی ستائش کی اورکہا کہ ان کی پوشیدہ صلاحیتو کو خطے کی مجموعی ترقی کے لئے بروئے کا ر لایا جاناچاہیئے۔

وزیرموصوف نے مزید اطلاع دی کہ دہلی میں جلد ہی تمام مرکزی اورریاستی شراکت داروں اورمتعلقہ فریقوں کے ساتھ ایک دوروزہ ورکشاپ کا انعقاد کیاجائے گا تاکہ اس کانفرنس کے ذریعہ جو ہمت افزائی ہوئی ہے اسے آگے لے جایاجاسکے ۔

The Minister G.K.Reddy interacting with eminent Dignitaries, Panelists & State Representatives ahead of the session.

وزیرموصوف  جناب جی کشن ریڈی ، اجلاس سے قبل اہم شخصیات ، پینل میں شامل ارکان اور ریاستی نمائندوں سے گفتگوکرتے ہوئے :

*****

ش ح ۔ع م۔ ع آ

U-5003