অৱাং নোংপোক লমদমগী চাউখৎ-থৌরাং মন্ত্রালয়
চাওখৎ থৌরাংগী থবকশিং খোঙজেল য়াঙ্খৎহন্নবগীদমক দেভেলপমেন্ত ওফ নোর্থ ইস্ত রিজন মন্ত্রালয়না কোওর্দিনেতরগী থৌদাংদা মীৎয়েঙ চঙগনি
লমদম অসিদা হীরম খুদিংদা চাওখৎপা পুরক্নবা অমদি ফন্দ মপুং ফানা শীজিন্ননবগীদমক এক্সন প্লান অমদা ওফিসর খুদিংমক্না পুন্না থবক পায়খৎমিন্ননবা মন্ত্রীনা হায়খ্রে
ইনফ্রাস্ত্রকচর শেমগৎ শাগৎপগা মথক্তা অৱাং নোংপোক লমদমদা হকশেল, মহৈ মশিং অমসুং তুরিজম চাওখৎহনবা য়াওনা লৌউ-শিংউ, থবক পীবা, স্কিল হেনগৎহনবা, লম্বী থোং অমসুং মচাক মথুম্নচিংবা মরুওইবা লমশিংদা মীৎয়েঙ চঙবা মথৌ তাই
পান্দম তাল্লিবা খোঙথাঙ অমগী মপাঙ্গল অমসুং অশোনবা মফমশিং খঙদোকপা মথৌ তাবা মফমশিংদা সাইন্তিফিক গেপ এনালাইসিস অমা তৌবা মথৌ তাই হায়বা ৱাফমসু মন্ত্রীনা থমখি
মথংগী শেনবা চহিগী এজেন্দাদি ১০% জি.বি.এস.গী মখাদা লৈরিবা ফন্দ মপুং থানা শীজিন্নহনবা, প্রোজেক্তশিং খুৎলৈ থুনা পায়খৎপা অমসুং অৱাং নোংপোক লমদমগী লৈরিবা ফীভমগা চুশিন্নহনবনি
মন্ত্রীনা অৱাং নোংপোক লমদমগী নীংথিনা হৈ-শিংলবা অমদি মতিং লৈবা নুপীশিং থাগৎলদুনা মখোয়গী হৈ-শিংববু লমদমসিদা মায়কৈ থুংনা চাওখৎপা পুরকপদা শীজিন্নগদবনি হায়না ফোঙদোকখি
থাগৎখিবা:
04 MAY 2022 1:09PM by PIB Imphal
দেভেলপমেন্ত ওফ নোর্থ ইস্তর্ন রিজন, তুরিজম অমসুং কলচর মন্ত্রী শ্রী জি. কিসন রেদ্দীনা ঙসি ভারত লৈঙাক অমসুং অৱাং নোংপোক স্তেত ৮গী লৈঙাকশিংগী মকোক থোংবা ওফিসিএলশিংগী ওইবা ইন্তরেক্তিব মীফম অমা থৌরম মপু ওইনা পাঙথোকখ্রে।
মন্ত্রীনা মকোক থোংবা ওফিসিএলশিংদা ইন্তরেক্তিব মীফম অসিবু অৱাং নোংপোক লমদমদা চাওখৎপা পুরকপগা মরী লৈনবা মরুওইবা ৱাফমশিং পুন্না খন্ননবা অমদি চাওখৎ থৌরাংগী থবকশিং খোঙজেল য়াঙখৎহন্নবা তাঞ্জা অমা লৌহৌনবা ৱাফম থমখি।
থৌরমদুদা ৱা ঙাঙলদুনা মন্ত্রীনা কেন্দ্র লৈঙাক্কী মন্ত্রালয়শিং অমসুং স্তেত লৈঙাকশিংগ মরক্তা হেন্না ফবা মওংদা খুৎশম্ননা চৎমিন্ননবা ৱাফম থমখি। দেভেলপমেন্ত ওফ নোর্থ ইস্ত রিজন মন্ত্রালয়গা কোওর্দিনেতর অমা ওইবগী থৌদাংদা মীৎয়েঙ থমগনি অমদি মরা তাদুনা লৈখ্রবা ৱাফম কয়ানা মরম ওইরগা চাওখৎ থৌরাংগী থবকশিংদা অপনবা পীহল্লোই হায়না মহাক্না থাজবা পীখি। মহাক্না ভারত লৈঙাক্কী তোঙান তোঙানবা মন্ত্রালয়শিংগা অমদি অমসুং স্তেত লৈঙাকশিংগগী অপুনবা য়েংশিন মীফম কয়া পাঙথোকখ্রে অমদি লাক্কদৌরিবা নুমিৎশিংদা মখা তানা পাঙথোক্নবা থৌরাং তৌরি হায়না মহাক্না হায়খি।
ইনফ্রাস্ত্রকচর শেমগৎ শাগৎপগা মথক্তা অৱাং নোংপোক লমদমদা হকশেল, মহৈ মশিং অমসুং তুরিজম চাওখৎহনবা য়াওনা লৌউ-শিংউ, থবক পীবা, স্কিল হেনগৎহনবা, লম্বী থোং অমসুং মচাক মথুম্নচিংবা মরুওইবা লমশিংদা মীৎয়েঙ চঙবা মথৌ তাই হায়নসু মন্ত্রীনা হায়খি।
১০% জি.বি.এস.গী মখাদা লৈরিবা ফন্দ মপুং থানা শীজিন্নহনবা, প্রোজেক্তশিং খুৎলৈ থুনা পায়খৎপা অমসুং অৱাং নোংপোক লমদমগী লৈরিবা ফীভমগা চুশিন্নহনবচিংবা মহাক্কী মথংগী শেনবা চহিগী এজেন্দাগী মতাঙদা মন্ত্রীনা ৱাফম কয়াসু থমখি।
নৌনা শেমখিবা “এগ্রি-তাস্ক ফোর্স” অসিনা ফন্দ মপুং ফানা শীজিন্নবদা অমদি লমদমসিগী মীয়াম্না কান্নবা খ্বাইদগী য়াম্না ফংহনবদা মতেং ওইগনি হায়না মন্ত্রীনা হায়খি। মসি মায় পাকহনবদা স্তেত লৈঙাক পুম্নমক খুৎশম্ননা চৎমিন্নবা অমদি তেংবাংমিন্নবা য়াম্ন মরু ওই হায়বা ৱাফমসু মহাক্না থমখি।
পান্দম তাল্লিবা খোঙথাঙ অমগী মপাঙ্গল অমসুং অশোনবা মফমশিং খঙদোকপা মথৌ তাবা মফমশিংদা সাইন্তিফিক গেপ এনালাইসিস অমা তৌবা মথৌ তাই হায়বা ৱাফমসু মন্ত্রীনা থমখি।
মহাক্না মখা তারদুনা, ইনফ্রাস্ত্রকচর শেমগৎপদা মীৎয়েঙ মখা তানা চঙবগা লোয়ননা স্তেত অমসুং কেন্দ্রগী মন্ত্রালয়শিংনা খুন্নাই শেমগৎপদা অমদি থবক পীবদসু চাপ মান্ননা মীৎয়েঙ থমবা তাই হায়না হায়খি। চাওখৎ থৌরাংশিং কাচিন কোয়া শিং থুংনা য়ৌহন্দুনা পুন্সি মহিং ফগৎলকপা অমদি খুন্নাইগী ফীভম ফগৎলকপগী মশক ওইনা উরকহনবা য়াম্ন মরু ওই হায়না মহাক্না হায়খি।
মন্ত্রীনা ওফিসর পুম্নমক্তা লমদম অসিদা হীরম খুদিংদা চাওখৎপা পুরক্নবা অমদি ফন্দ মপুং ফানা শীজিন্ননবগীদমক এক্সন প্লান অমদা ওফিসর খুদিংমক্না পুন্না থবক পায়খৎমিন্ননবা ৱাফম থমখি। ইকায়খুম্নরবা মন্ত্রীনা অৱাং নোংপোক লমদমগী নীংথিনা হৈ-শিংলবা অমদি মতিং লৈবা নুপীশিং থাগৎলদুনা মখোয়গী হৈ-শিংববু লমদমসিদা মায়কৈ থুংনা চাওখৎপা পুরকপদা শীজিন্নগদবনি হায়না ফোঙদোকখি।
মীফম অসিনা শেমগৎলম্লিবা খোঙজেল অসিবু মাঙদা পুখৎনবগীদমক কেন্দ্রগী অমসুং স্তেতকী স্তেকহোল্দর পুম্নমক্কী নুমিৎ নিনিগী ওইবা ৱর্কসোপ অমা দিল্লীদা অথুবা মতমদা পাঙথোক্লগনি হায়না মন্ত্রীনা পাউদম্লমখি।
এম.দোনর লিঙ্কশিং
*********
(রিলিজ আই.দি.: 1822581)
ভিজিতর কাউন্তর : 133