খেলো ইন্দিয়া য়ুনিভর্সিতী গেম্স ২০২১দা, মিজোরাম য়ুনিভর্সিতীগী পেদলর জিহো হিমনাকুলপুইনগেতানা পতিয়লাগী পঞ্জাবি য়ুনিভর্সিতীগী অন্স সভরৱালগা মাইয়োক্নদুনা মহাকপু ফিভম শোক্না মাইথিবা পীখি৷ ২০২০ খেলো ইন্দিয়া য়ুথ গেম্স ব্রোঞ্জ-মেদল ৱিন্নর, জেহোনা অন্সকী মাইয়োক্তা লম্বা তৌনখিবদা ০-৬তা হায়থরকখি অমদি মতাং অদুদগী হৌনা মহাক্কী ওইনা অরুবা ফিভম ওইখি৷  অদুবু ক্রাফতী দিফেন্সিব তেকনিখশিং উৎতুনা, জেহোনা মহাক্কী মেন্তেল তেনেসিতী উৎথোক্নবা হোৎনখি অমদি স্ত্রেইত গেম্সতা মেতচ অদুবু মাই-পাক্নবা চংশিল্লকখি৷

"ঐ দিফেন্দর অমনি৷ দিফেন্দরশিংনা মখোয়গী শোতশিং অদু স্ত্রাতিজিকেল্লী প্লান তৌগদবনি৷ মখোয়গী থৌদাং অসি লোঙ্গ রেল্লীশিং তৌদুনা মখোয়গী লম্বাশিংবু ইন্থোক্নবা হোৎনবা হায়বসিনা মখোয়গী থৌদাং ওইবনা মখোয়না নিংহন্নবা তৌরোইদবনি অমদি লোইদ্রিবা ফাওবা হনবা লৈতনা লান্থেংনগদবনি৷

মহাক্না পঞ্জাবি য়ুনিভর্সিতী, পতিয়লাগী মাইয়োক্তা লান্থেংনখিবা পুল স্তেজকী রাউন্দ ২দা মহাক্কী মেতচশিং অদু স্ত্রেইত গেম্সতা মাই পাকপদগী মহাক্না থাংজ নুমিৎকী জেন স্পোর্তস স্কুলশিংদা পাংথোকখিবা মেন্স তীম তেবল তেন্নিস ইভেন্ততা মিজোরাম য়ুনিভর্সিতীগী স্তার প্লেয়র ওইখি৷ আলবর্তো রুৱতা অমদি জোন খৌলরিংনা মখোয় মশা মশাগী মেতচশিং অদু মাইথিদুনা মিজোরাম য়ুনিভর্সিতীনা মেতচ অদু ২-৩দা মাইথিবা নিংখিবা মতমদা, চহি ১৮ শুরবা জেহোনা মহাক্কী খোলৈ থুবা মুবমেন্তশিং উৎতুনা অমদি খোংলৈ থুবা দিফেন্সিব শোতশিং কাওদুনা মীয়ামগী পুক্নিং শুমহৎখি৷

"দিফেন্দর ওইনা, ঐনা ঐগী লম্বারোইশিং অদুবু পোত্থাহল্লোইদবনি অমদি মদু ঐনা শিজিন্নবা লাল্লোং ওইখি৷ ঐনা হনবা লৈতনা ঙাকথোকপা অসিনা মরম ওইদুনা, লম্বারোইশিং অদুনা অহেনবা এতেক্কিং মুবশিং লৌশিল্লি, অদু তৌবদা মখোয় চোকথগনি অমদি অশোইবশিং য়াওরক্কনি৷ মসি ঐগী মরু ওইবা লাল্লোং ওইখি," হায়না মহাক্না শন্দোক্না তাকখি৷

চহি ১৮ শুরবা জেহোনা নুমিদাংৱাইরম সবিত্রিবাই ফুলে পুনে য়ুনিভর্সিতীগী মাইয়োক্তা লম্বা তৌনখিবা অহুমশুবা গ্রুপ গেমদা মহাক্কী পু্ক্নিং শুমহৎনিংঙাই ওইরবা ফোর্ম অদু লেপ্প-লৈতনা মখা চৎথরক্তুনা, মহাক্না রাজৎকদম অমদি শৌনাক শিন্দে মাইথিবা পীদুনা মিজোরাম য়ুনিভর্সিতীনা ৩-২দা মাই-পাকপদা মতেং পাংখি অমদি মেন্স তীম তেবল তেন্নিস ক্বাতরফাইনেল্সতা য়ৌশিনখি৷ তেবল তেন্নিসতাতীম অসিনা মিজোরামগী ওইনা অমা খক্তা ওইবনা, নহা ওইরিবা পেদলরগী ওইনদি মসি অচৌবা এচিবমেন্ত অমা ওইখি৷

"ঐখোয়না পঞ্জাব য়ুনিভর্সিতীগী মাইয়োক্তা লম্বা তৌনখিবদা মাইথিখিবা অদুগী মতুংদা ঐখোয়না থাজবা মাংখিবা লৈতে অমদি মাই-পাকপা অমা পুরক্নবগীদমকঐখোয়না শাপু পীনবা কন্নবা হোৎনগদবনি হায়বসি খঙখি৷ সবিত্রিবাই ফুলে পুনে য়ুনিভর্সিতীগী মাইয়োক্তা লম্বা তৌনখিবদা ঐখোয়না নক্না লম্বা তৌনদুনা মাই-পাকপা ঙমখিবা অসিদা ঐখোয় ঙকপা ফাওই অমদি ঐগী পর্ফোমেন্স অমদি তীমগী পর্ফোমেন্সতা ঐহাক পেঞ্জবা ফাওজৈ," হায়না জেহোনা ফোংদোকখি৷

জেহো মিজোরামগী লুংলৈ জিলাদা লৈবা ইকাই খুম্ননিংঙাই ওইরবা ইমুং অমদগী চাওরকখিবনি অমদি মহাকপু মহাক্কী খুঙ্গং অদুদা লৈবা লমদম অদুগী কোচ অমনি তেবল তেন্নিসতা পুশিনবিরকখিবনি৷ হৌজিক হৌজিক প্রাইভেৎ হোস্পিতাল অমদা মেল নর্স অমা ওইনা থবক তৌরিবা মহাক্কী মপা অসি মহাক্কী মতমদা ফুতবোল শান্নরোই অমা ওইরমখি, অদুবু মতম অদুদা সপোর্ত ৱাৎপদগী, মহাক্না জেহোবু মহাক্কী রাজ্য অদুদা খ্বাইদগী মমিং লৈবা মশান্না অমা ওইরিবা ফুতবোল খলহন্দনা ইন্দিবিজ্যুল স্পোর্ত অমা খলহনখিবনি৷

"হৌজিক্কী মতমশিংদা শান্নরোইশিংনা ফংলিবা মীৎয়েং চংবিবগী থাক অসি উরুবদগী, ঐগী ইপানা ঐবু ইন্দিবিজ্যুল স্পোর্তশিং শান্ননবা ঐবু তকশিনখিব," হায়না জেহোনা নৌহৌননা নিংশিংখি৷

"ঐগী ইরমদম মনাক্তা লৈরিবা লমদম অদুগী কোচ অমনা ঐবু তি.তি. দা পুশিনবিরক্তুনা ঐনা চহি ৯ শুরকপা মতমদা ঐনা তি.তি.দা জোইন তৌখি৷ মশান্না অদুবু ঐঙোন্দা য়াম্না নুংঙাইজবা ওইখি অমদি ইকুই কুইদনা ঐবু একাদমীদা খনখি অমদি মতম অদুদগী হৌনা ঐনা শান্নদুনা লাকখি," মহাক্না মখাতাখি৷

মতাং অসিদা মশান্না অসি মহাক্কী রাজ্যদা খ্বাইদগী মমিং লৈবা মশান্না অমা ওইদে হায়বসি জেহোনা থাজৈ অদুবু খেলো ইন্দিয়া গেমশিংনা রাজ্য অদুদা তোঙান তোঙানবা দিসিপ্লিনশিংদগী অহেনবা শান্নরোইশিং চংলক্নবগী থোংশিং হাংবা ঙমগনি হায়বসি মহাক্কী থাজবনি৷

"মিজোরামদা তি.তি. অসি খ্বাইদগী মমিং লৈবা মশান্না অমা ওইদে – হৌজিক ফাওবগী ওইনদি ফুতবোল, বাস্কেৎবোল অমসুং বেদমিন্তননা হেন্না মমিং লৈরি৷ ফুতবোলদা রাজ্য অসিদা ঐখোয়না অচৌবা দিবেলপমেন্তশিং পুরক্লি," হায়না জেহোনা ফোংদোকখি৷

"অদুবু খেলো ইন্দিয়ানা মরম ওইদুনা, অতোপ্পা মশান্নশিংদসু অহোংবা লাকপা হেনগৎলক্লি৷ ২০২০গী য়ুথ গেমশিংদা, মিজোরামগী শান্নরোইশিংনা মেদল কয়া অমা লৌখি, মসিনা রাজ্য অদুদা লৈরিবা শান্নরোই কয়া অমবু পুক্নিং থৌগৎখি অমদি হৌজিক্তি চহি খুদিংগী অহেনবা শান্নরোইশিং থোক্লক্লগনি হায়না ঐনা থাজরি," হায়না কে.আই.ৱাই.জি. ২০২০দা আলবর্তো রুৱতাগা লোইননা মেন্স দবল্সতা মাই পাকপা ঙমখিবা জেহোনা মখাতাখি৷

অতোপ্পা শান্নরোইশিংগুম্না, জেহোসু মহাক্না হোৎনরিবা অদুদা মাংলান অমা লৈ৷"শান্নরোই খুদিংমক্না ওলেম্পিক্সতা শান্ননিংবগী মংলানশিং লৈরি৷মদুগীদমক ঐনা য়াম্না কন্না হেৎনরি অমদি মসিগী পান্দম অসি ফংনবা ঐনা লেপ্প-লৈনা চংশিল্লক্কনি," মহাক্না মহাক্না ফোংদোকখি৷

******

(Release ID: 1822190) Visitor Counter : 93