অৱাং-নোংপোক রাজ্যশিংগী হিরম খুদিংমক্তা চাউখৎনবা লেপ্পা লৈতনা হোৎন্নবগীদমক কেন্দ্র সরকারনা থমখিবা ৱাফমশিং অমুক হন্না নিংশিংলদুনা, হাউসিং অমসুং আর্বান এফিয়র্স অমসুং পেত্রোলিয়ম অমসুং নেচুরেল গ্যাসকী কেন্দ্রগী মন্ত্রী শ্রী হর্দীপ সিংহ পুরিনা ঙসি হায়খি মদুদি “সিক্কিম য়াওনা, অখন্নবা প্রোজেক্ত খরা লোইশিন্নবগীদমক্তা স্মার্ত সিতীদা অহেনবা মতেং পীবা মথৌ তাই হায়বা খঙলে। ঙসি ঐহাক্না মসি লাওথোকপদা হরাওজৈ মদুদি ঐখোয়না ফন্দগী মওংশিং অসি শেমদোকপা অমসুং ৯০:১০দা হেনগৎপা হায়বা অসিদা য়ানরে, হায়রিবা অসিনা মফম অসিদা প্রোজেক্ত কয়া অমা মপুং ফানা লোইশিল্লগনি”।

মহাক্না অজাদি কা অমৃত মহোৎসবকী মখাদা সিক্কিমগী কোনুংদা পাংথোকপা নোর্থ ইস্ত ফেস্তিবেলদা শিনবা ‘আর্বান দিবলপমেন্ত ইন এন.ই. স্তেতস: স্মার্ত সিতী রিবোলুসন’ হায়বা সিম্পোজিয়মদা ৱা ঙাংখি। এন.ই.গী রাজ্য নিপালদা চয়োল চুপ্না পাংথোক্লিবা ফেস্তিবেল অসি দোনর মন্ত্রালয়গী মখাদা শিল্লি। শ্রী পুরিনা থৌরম অসিদা সিক্কিম সরকারগী ওনলাইন বিল্দিং পর্মিসন সিস্তেম (ও.বি.পি.এস.) হৌদোকখি অমসুং রাজ্য সরকার অমসুং গাংতোক ম্যুনিসিপাল কোর্পোরেসনবু মফম অসিদা ও.বি.পি.এস. শিজিন্নবা অহানবা রাজ্য ওইবগীদমক্তা থাগৎপা ফোংদোকখি। অথোইবা মীথুংলেন অমা ওইনা থৌরম অসি শরুক য়াদুনা, শ্রী পুরিনা অপেনবা ফোংদোকখি মদুদি সিক্কিমদা লৈরিবা আর্বান লোকেল বোদী তরেৎমক স্বাচ্ছ ভারত মিসন-আর্বানগী মখাদা ও.দি.এফ.কী থাক য়ৌনা ফংলে।

প্রধান মন্ত্রী মশামক্না অৱাং নোংপোক লমদমদা ৩০ লক হেন্না লাকখ্রে হায়না পল্লদুনা, শ্রী পুরিনা হায়খি মদুদি পাৱর, ঈশিং, হকশেল, লম্বী-থোং অমসুং মহৈ তম্বগী মরী লৈনবা মরুওইবা সেক্তরগী চাউখৎ থৌরাংগী প্রোজেক্তশিংগী ওইনা, হৌখিবা চহি নিপাল অসিগী মনুংদা মফম অসিগী চাউখৎ থৌরাংগী থাদখিবা বজেৎ লুপা করোর ১৮৮৪৯গী মনুংদা ৯৫% অমদি মপুং ফানা শিজিন্নখ্রে। হৌখিবা চহি মঙা অখন্ননা, ‘লুক এন্দ এক্ত ইস্ত পোলিসী’না মতেং ওইদুনা, অৱাং-নোংপোক্কী মফমদা অওনবা কয়া অমা লাক্লি, হায়না মহাক্না হায়খি।

গাংতোক অমসুং নামচিদা লুপা করোর ২৪৭৪গী শেনফম ওইবা স্মার্ত সিতী প্রোজেক্ত মায় পাক্না শিজিন্নবা অসিদা থাগৎপা ফোংদোক্লদুনা শ্রী পুরিনা সিক্কিম সরকারনা হায়জখিবা অতৈ প্রোজেক্তশিং মহাক্কী মন্ত্রালয়না শোইদনা মতেং পাংগনি হায়না থাজবা পীখি। মহাক্না মখা তাখি মদুদি অনৌব স্কীম অমা –প্রধান মন্ত্রী দিবলপমেন্ত ইনিসিএতিবস ফোর নোর্থ ইস্ত (পি.এম.-দিবাইন) – অসি অৱাং নোংপোক্কী অৱাৎ-অপা য়েংলগা পায়খৎপা সোসিএল দিবলপমেন্ত প্রোজক্তশিং অমসুং পি.এম.গতি শক্তি মিসনন্না লমজিং লমতাকপা, অহানবা ওইনা লুপা করোর ১৫০০গী ইনফ্রাস্ত্রকচর ফন্দ পীবগা লোয়ননা ফাইনান্স মন্ত্রীনা কেন্দ্রগী শেনবাদা লাওথোকখিবনি

শ্রী পুরিনা পাউদমখি, স্মার্ত সিতীজ মিসন্দা লুপা করোর ১৩৫৬৩গী শেনফম ওইবা প্রোজেক্ত ৫২৩ অৱাং নোংপোক লমদমগী সহর তরাদা শিজিন্ননবগী থাক কয়াদা লৈরে। লুপা করোর ৮৫০৭গী শেনফম ওইবা অতোপ্পা প্রোজেক্ত ২৬৮গা লোয়ননা পুন্না লুপা করোর ১৫৫৩গী শেনফম ওইবা প্রোজেক্ত ১২১ লোইশিনখ্রে।

চহি নিপাল অসিদা মসিগী লিংলবা ইনফ্রাস্ত্রকচর অমসুং থবকশিং অসি চাউখৎ-থৌরাং লৌখৎপগা লোয়ননা অরোইবদা মফম অসিগী ওইথোকপা য়াবশিং ফোংদোরক্লি। ফুদ পার্কশিং, তেক্সতাইল ইন্দস্ত্রী অমসুং ইনফোর্মেসন তেক্নোলোজীগী মশিং হেনগৎলকপগা লোয়ননা অৱাং নোংপোক্না ভারত অমসুং খা-নোংপোক এসিয়াগী মরক্তা ললোন-ইতিক্কী ওইবা ওইথোকপা য়াবশিং হেনগৎলক্লি, হায়না শ্রী পুরিনা হায়খি।

আর্বান দিবলপমেন্ত অমসুং ফুদ অমসুং সিবিল সপ্লাইজকী সিক্কিমগী মন্ত্রী শ্রী অরুন উপ্রেতি; ইনফ্রাস্ত্রকচর দিবলপমেন্তগী এম.এল.এ. অমসুং এদভাইজর, শ্রী জি. তি. ধুঙেল; গেংতোক ম্যুনিসিপাল কাউন্সিলগী ময়ুর, শ্রী নেল বহাদুর ছেত্রি অমসুং রাজ্যগী মকোক থোংবা ওফিসিএলশিংনা শ্রী পুরিবু তরাম্না ওকখি। মসিগী সিম্পোজিয়ম অসিদা খরাকপুর আই.আই.তি.গী মকোক থোংবা প্রোফেসরশিংনা হিরম অসিগা মরী লৈননা তেক্নিকেল সেসন অহুম শিনখি। (পি.আই.বি.)

*******

(Release ID: 1821828) Visitor Counter : 109