আয়ুশ মন্ত্রালয়না ত্রেদিস্নেল মেদিসিনগী লমদা স্তারতঅপ কলচর থৌগৎনবা আনৌবা খোংথাং কয়া অমা পাইখৎখ্রে। নুমিৎ হুম্নিগী গওবল আয়ুশ ইনভেস্তমেন্ত এন্দ ইন্নোভেশন সম্মিত (জি.এ.আই.এস. ২০২২)দাস্তার্তঅপশিং অমসুং মহৈরোইশিংদগী থয়াই য়াওনা মসিদা শরুক য়াবশু থেংনখি, মসিদা মখোয়না মখোয়গী প্রোদক্তশিং অমসুং মখোয়গীঅনৌবা খোংথাংশিং কয়া অমা উৎখি। জি.এ.আই.এস. ২০২২দা পাংথোকখিবা এক্জিবিশনদা, এস্তাব্লিশ তৌরবা কমপনীশিংনা স্তার্ত অপশিংগা লোইননা মখোয়গী স্তোলশিং হাংখি। অসিগুম্বা মহৈরোইগী আয়ুরবেদিক স্তার্তঅপ, নীকন্থ মার্দ্যানা লিংখৎপা গ্রীন ফোরেস্ত ৱেলনেসনা লনাইগী কমপনী অমদগী লুপা করোর ২.৫০গী ফন্দিংগী ওফর অমা ফংখি।

গুজরাতকী জাম্নাগরদগী নীলকন্থ মার্দ্যা অসি গুজরাতকী ইন্সতিত্যুত ওফ তীচিং  এন্দ রিসর্চ ইন আয়ুরবেদ (আই.তি.আর.এ.)গী ফাইনেল য়িয়র মহৈরোইনি। স্তার্তঅপ লিংখৎনবগী মহাক্কী মঙলান অদু পি.এম. নরেন্দ্র মোদীগী স্তার্ত ইন্দিয়া প্রোগ্রামগী খুত্থাংদা পাংথোকপা ঙমখি। ওক্তোবর ২০২১দা লুপা লাখ ৫ খক্তনা, মহাক্না গ্রীন ফোরেস্ত ৱেলনেস কৌবা  অয়ুর্বেদতা য়ুমফম ওইবা কোস্মেতিক কমপনী অমা হৌদোকখি। অদুবু ফন্দশিং ৱাৎপনা মরম ওইরগা মহাক্না মসিবু পাক শন্না শন্দোকপা অমসুং মসিগী সেলস হেনগৎহনবা ঙমখিদে। মহাক্না মসিগী ফন্দিং অসি প্রোদক্তশিং অসি হেনগৎহনবদা অমসুং মার্কেতিং ফগৎহনবদা শিজিন্নগনি।

প্রধান মন্ত্রী, শ্রী নরেন্দ্র মোদীনা গুজরাতকী গান্ধিনাগরদা গ্লোবল আয়ুশ ইনভেস্তমেন্ত এন্দ ইন্নোভেশন সম্মিত ২০২২ হৌদোকপা মতমদা মহাক্না পনখি মদুদি অতোপ্পা সেক্তরগুম্না, লাক্কদবা চহিশিংদা আয়ুশ সেক্তরদগীসু মহাক্না য়ুনিকোর্ন থোরকপা উগনি হায়না মহাক্না আশা তৌখি। নীলকন্থ মারদ্যাগী মাইপাকপা অসিনাআয়ুশ সেক্তরদগি স্তার্তঅপশিং খরা হেন্না থোরক্নবা পুক্নিং থৌগৎলগনি।

আই.তি.আর.এ.গী দাইরেক্তর, দা. অনুপ থাকুরনা, “নীলকন্থ মারদ্যা অসি হৌরকপদগী হৌনা য়াম্না য়াংনা খঙগনবা অমসুং হোৎনবা য়াম্না কনবা মহৈরোইনি” হায়না হায়খি। মহাক অসি আয়ুরবেদকী ৱাখল্লোনদা য়ুমফম ওইরগা অনৌবা ফোর্মুলেশনশিং পুথোকপদা য়াম্না থৱাই য়াওখি। মহাক অসি মহাক্কী এন্তরপ্রেনর মঙলান অদুগী মতাংদা য়াম্না থৱাই য়াওখি। লনাইগী কমপনী অমনা মহাক্কী স্তার্তঅপতা লুপা করোর ২.৫০ ইনভেস্ত তৌনবা ওফর তৌখিবসি ঐহাক্না য়াম্না চাউথোকচৈ। ঐহাক্না মহাক্কী অফবা তুংগীদমক্তা য়াইফ-পাউজেল পীরি।”

গ্রী ফোরেস্ত ৱেলনেস কমপনী অসিনা এন্তি এজিং ক্রীম, হাইদ্রেতিং মাইসচরাইজর, ফেসিয়েল ক্লীঞ্জর, নোরিশিং ফেসিয়েল ক্লীঞ্জর, ইন্তেন্স রিপেয়র ফেসিয়েল ক্লীঞ্জর, হেয়র ক্লীঞ্জর, হেয়র কন্দিশ্নর অমসুং ফেসিয়েল সেরমগুম্বা আয়ুর্বেদিক্তা য়ুম্ফম ওইবা প্রোদক্তশিং মেন্যুফেকচর তৌই।

গ্রীন ফোরেস্ত ৱেলনেস কমপনী অসিনা তুংদা মরু ওইবা এক্সপান্সন প্লান খরা লৈ। স্তার্তঅপনা গ্রীন ফোরেস্ত ৱেলনেস ক্লিনিক হাংদোকপা পাম্লি, মসিদা পেসেন্তশিংদা মখোয়গী প্রোব্লেমগী মতুং ইন্না মহৌশাগী ওইবা মওংদা আয়ুরবেদিক্কী হিদাক-লাংথকশিং পীরগনি। অতোপ্পা প্লানশিংগী মনুংদা দ্রগ এদিক্তশিংগী এদিক্সন ফহন্নবগী মতাংদা থবক তৌগদবা, গ্রীন  ফোরেস্ত ৱেলনেস পার্ক য়াওরি। মহাক্না আয়ুরবেদিক মেথদশিং অমসুং রেমেদিশিংগী সেক্তরগী খুত্থাংদা শা-শনশিংবু মশা ফনা থম্নবা  গ্রীন ফোরেস্ত ভেতরিনরী সোল্যুশন থম্নবগী থৌরাংসু লৈ।

********

(Release ID: 1821824) Visitor Counter : 127