দিবলপমেন্ত ওফ নোর্থ ইস্তর্ন রিজনগী মন্ত্রালয় অমসুং নোর্থ ইস্তর্ন কাউন্সিল, অরুনাচল প্রদেশকী সরকারগী প্লানিং দিপার্তমেন্তগা লোয়ননা ভারত সরকারগা খুৎশ্নদুনা ২০২২গী এপ্রিল ৩০দা অরুনাচল প্রদেশ লেজিসলেতিব এসেমব্লীগী দোর্জী খান্দু হোলদা অজাদি কা অমৃত মহোৎসব (এ.কে.এ.এম.)গী মখাদা নোর্থ ইস্ত ফেস্তিবেলগী শরুক অমা ওইনা ‘ৱেলফিয়র ওফ ত্রাইবেলস এন্দ দিবলপমেন্ত ওফ বোর্দর এরিয়াজ’হায়বা অসিদা পেনেল দিস্কসন অমা শিনখ্রে।  

থৌরম অসিদা ভারত সরকারগা এম.ও.এস. হোম, শ্রী নিসিথ প্রমানিক্না অথোইবা মীথুংলেন ওইনা অমসুং দিপুতী সি.এম. শ্রী চৌনা মেন্না গেস্ত ওফ ওনর লোয়ননা মিনিস্তর হোম শ্রী বমাং ফেলিক্স, সোসিএল জস্তিস এমপাৱরমেন্ত অমসুং ত্রাইবেল এফিয়র্স (এস.জে.ই.তি.এ.)গী মন্ত্রী শ্রী অলো লিবাং, অরুনাচল প্রদেশ সরকারগী স্পিকর শ্রী পি.দি. সোনানা শরুক য়াখি। কেন্দ্রগী মন্ত্রালয় দিগ্নতরীশিং অমসুং অৱাং নোংপোক রাজ্যশিংদগী রাজ্য সরকারগী দিলিগেৎশিং, কোলেজ অমসুং য়ুনিভর্সিতীগী মহৈরোইশিংসু থৌরম অসিদা শরুক য়াখি।

থৌরম অসি অথোইবা মীথুংলেন্না মৈ চুখৎতুনা হৌদোকখি অমদি অরুনাচল প্রদেশ সরকারগী এস.জে.ই.তি.এ./এজুকেসনগী কম্মিসনর, আই.এ.এস. শ্রীমতি পদমিনি সিংলানা ৱেলকম এদ্রেস পীখি অমসুং মীথুংলেনশিংনা থাগৎ ৱাহৈশিং পীদুনা মখা চৎথখি।

হোমগী রাজ্যগী কেন্দ্রগী মন্ত্রী শ্রী নিসিথ প্রমানিক্না মহাক্কী ৱা ঙাংবদা অরুনাচল প্রদেশকী অমত্তা ঙাইরবা ‘সাইনর্জী ইন দাইবর্সিতী’ উবদা নুংঙাইবা ফোংদোকখি। মহাক্না অরুনাচল প্রদেশকী চাউখৎ থৌরাংদা কেন্দ্র সরকারনা লৌরিবা ৱারেপ অসিদা মরুওইবা পীখি। মহাক্না রাজ্য অসিগী ঙমখৈদা তাম্না লৈরিবা মফমশিংদা সোসিও ইকোনোমিক্কী ওইবা চাউখৎ থৌরাং পায়খৎনবা অমসুং মফম অসিদা লৈরিবা মীয়ামগী নুংঙাই য়াইফবদা মরুওইবা পীগনি হায়না থাজবা পীখি। মহাক্না রাজ্য অসিদা থেংনরিবা অৱা-অনা অমসুং রাজ্য অসিগীদমক কেন্দ্রগী থাক্তা লৌখৎকনি হায়না থাজবা পীখি অমসুং রাজ্য অসিদা প্রোজেক্তশিংগী থম্লিবা মিৎয়েংশিং য়ামনা চেকশিন্না পায়খৎকনি।    

দিপুতী সি.এম. শ্রী চৌনা মেন্না পনখি মদুদি অরুনাচল প্রদেশকী ঙমখৈদা ত্রাইবেলশিংগী য়াইফনবা অমসুং চাউখৎ থৌরাংগী য়াইফনবা অমসুং চাউখৎ রাইবেলগংশিং খুৎশম্ননবা চৎকনি। ‘ঐখোয়গী কলচর, ঐখোয়গী চাউথোকচবা’ মরুওইবা পীদুনা রাজ্যগী মরাং কাইনা লৈরিবা কলচরদা রিসর্স অমসুং চে-চাংদা থৌদাং লৌনবা মরুওইবা পীখি। মহাক্না ইরমদমগী কলচর য়োকখৎপদা রাজ্য অসিনা মায় পাকপশিং উৎতুনা পুক্নিংসু চিংশিনখি।

অরুনাচল প্রদেশ লেজিসলেতিব এসেমব্লীগী স্পীকর শ্রী পি. দি. সোনানা মহাক্না ৱা ঙাংবদা, ঙমখৈগী মফমশিংদা লম্বী ফাওনবা, ফোর্সেস অমসুং লোকেলগী মীওইশিংগী মরক্তা মরী ফগৎলকপগী মতাংদা উৎখি অমসুং কেন্দ্র সরকারদা ঙমখৈগী মফমশিং লৈবাক্কী থাক্তা পোলিসী শেম্নবা হায়জখি।

মিনিস্তর হোম শ্রী বমাং ফেলিক্স অমসুং বোর্দর মেনেজমেন্ত অসিনচিংবনা ঙমখৈগী মফমশিংদা চাউখৎ থৌরাংগীদমক্তা রাজ্যনা হোৎনরিবশিং অমসুং বোর্দর পর্সোন্নেলগী মপাঙ্গল কনখৎহনবা অসিদা ৱা ঙাংখি। মহাক্না পোলিসী শেম্লিবা সিস্তেম ফগৎহনবদা মায় পাকপগী মরমদসু ৱা ঙাংখি। মহাক্না মরুওঅইবা পীখি মদুদি কেন্দ্র সরকারগী মতেংগা লোয়ননা রাজ্য অসিগী শেল-থুমগী রিসোর্স হেনগৎহন্নবা মথৌ তাবা থবকশিং লৌখৎকনি।

এস.জে.ই.তি.এ. অমসুং হেলথকী মন্ত্রী শ্রী এলো লিবাংনা ত্রাইবেলগী য়াইফ-থৌরাংদা রাজ্য অসিনা মায় পাকখিবা উৎতুনা পুক্নিং চিংশিনখি। মহাক্না পনখি মদুদি রাজ্য অসিগী শেল-থুমদা অকক্নবা লৈরিবা অমসুং রাজ্য অসিবু অপুনবা ওইনা চাউখৎনবা অহেনবা মতেং পীনবা কেন্দ্র সরকারগী পুক্নিং চংনবগী মথৌ তাই।

তেক্ননিকেল সেসন অসিদা পেনেল দিস্কসন অনি থোক্না লৈরি – ‘ঙমখৈগী মফমশিংগী চাউখৎ থৌরাং’ অমসুং ‘ত্রাইবেলশিংগী নুংঙাই য়াইফবা’। লম অসিগী মরী লৈনবা এক্সপার্তশিং থৌরম অসিগী পেনেলিস্ত ওইা কৌখি।

ঙমখৈগী মফমশিংগী চাউখৎ থৌরাং হায়রিবা অসিদা তেক্ননিকেল সেসন – I অসি রাজিব গান্ধী য়ুনিভর্সিতীগী এ.আই.তি.এস. প্রোফেসর সিমন জোন্না য়েংশিনগনি অমসুং মখাদা পীরিবা মীওইশিং অসিনা পেনেলিস্ত ওইনা লৈগনি

১.   অরুনাচল প্রদেশকী ইন্দো-চাইনা বোর্দর দিবলপমেন্ত লেজিসলেতর ফোরুম, এ.পি.এল.এ.-কম-চেয়রমেন, ইকাই খুম্নজরিবা শ্রী পি.দি.সোনা

২.   আই.তি.বি.পি. এন.ই. ফ্রন্তিয়রগী ইন্সপেক্তর জেনেরেল, শ্রী শ্যাম মেহ্রোত্রা

৩.   পপুম পারে দিস্ত্রীক্কী দিপুতী কম্মিসনর, শ্রী মিঙ্গা শের্পা

৪.   প্রোজেক্ত অরুনাঙ্ককী চীফ ইঞ্জিনিয়র, ব্রিগাদর এ.এস. কোনৱার

৫.   নোর্থ ইস্ত ফ্রন্তিয়র তেক্নিকেল য়ুনিভর্সিতীগী ভাইস-চান্সচেল্লর, দাঃ তেজুম পাদু

৬.   দিপার্তমেন্ত ওফ হেলথকী স্তেত সর্বিলেন্স ওফিসর, দাঃ লোবসঙ জম্পা

৭.   রজিব গান্ধী য়ুনিভর্সিতীগী, হিস্তরী দিপার্তমেন্তগী মকোক, প্রোফেসর অশান রিদ্দি         

 “ত্রাইবেলশিংগী নুংঙাই য়াইফবা” হায়রিবা অসিদা তেক্ননিকেল সেসন – II অসিদা রজিবা গান্ধী য়ুনিভর্সিতীগী, এ.আই.তি.এস., এসিস্তেন্ত প্রোফেসর, মিস লিজা লোমদাক্না য়েংশিনগনি অমসুং মখাদা পীরিবা মীওইশিং অসিনা পেনেলিস্ত ওইনা লৈগনি

১.   অরুনাচল প্রদেশ সরকারগী এস.জে.ই.তি.এ./এজুকেসন/দবল্যু.সি.দি.গী কম্মিসনর, আই.এ.এস. শ্রীমতি পদ্মিনি সিংলা

২.   অরুনাচল প্রদেশ লিতরেসী সোসাইতীগী পদ্মাশ্রী অমসুং প্রসিদেন্ত আই.এ.এস. (রিতদ.) শ্রী ৱাই.দি. থোঙচি

৩.   রজিব গান্ধী য়ুনিভর্সিতীগী, এ.আই.তি.এস. দাইরেক্তর, প্রোফেসর জুময়ির বসার

৪.   রজিব গান্ধী য়ুনিভর্সিতীগী, ইকোনোমিক্স দিপার্তমেন্তগী প্রোফেসর এস.কে. নয়াক

৫.   অরুনাচল প্রদেশকী ইন্দিজিনস ফেথ অমসুং কলচরেল সোসাইতীগী ভাইস-প্রসিদেন্ত শ্রী বাই তাবা

৬.   আর.আই.দবল্যু.এ.তি.সি.ঐচ.কী একজিক্যুতিব দাইরেক্তর দাঃ বিজয় স্বামী

৭.   ওজু ৱেলফিয়র এসোসিএসনগী চেয়রপর্সন শ্রীমতি রতন অন্য

থৌরম অসি অরুনাচল প্রদেশ সরকারগী স্পেসিএল সেক্রেতরী (প্লানিং) শ্রীমতি আয়ুশি সুদান্না অরোইবা ৱা ঙাংদুনা লোইশিনখি।

****

(Release ID: 1821816) Visitor Counter : 115