দিবলপমেন্ত ওফ নোর্থ ইস্তর্ন রিজন (দোনর)গী মন্ত্রালয়গী রাজ্যগী মন্ত্রী শ্রী বি.এল. বর্মা ঙসি, মেঘালয়গী, শিলংদা ‘কনক্লেব ওন ইনভেস্তমেন্ত পোতেন্সিএল এন্দ ফুচর ইনর্জী নীদস ওফ নোর্থ ইস্ত’কী ৱা ঙাংলিঙৈদা অৱাং-নোংপোক লমদম (এন.ই.আর.)দা লৈরিবা তৌবা ঙম্বশিং ফংনবা কেন্দ্রগী সরকারনা হোৎনরিবশিং উৎতুনা পুক্নিং চিংশিনখি। 

মন্ত্রী অসিনা শিলংগী নোর্থ ইস্তর্ন কাউন্সিল (এন.ই.সি.)দা অজাদি কা অমৃত মহোৎসবকী বেন্নর মখাদা চয়োল চুপ্না পাংথোকপা নোর্থ ইস্ত ফেস্তিবেলগী শরুক ওইনা পাংথোকপা কনক্লেবতা শরুক য়াখ্রে। প্রধান মন্ত্রী নরেন্দ্র মোদীনা এন.ই.আর.বু চাউখৎনবগীদমক থমখিবা ৱাফমশিং হন্না নিংশিংলদুনা মহাক্না হায়খি, “নেতাজীনা ভারতকী ভারতকী গেতৱে হায়না থম্বিরম্বা, অৱাং-নোংপোক, অসি হৌজিক্তি অনৌবা ভারত অমগী মংলান থুংহন্নবা গেতৱে ওইরে। ঐখোয়না মফম অসিগী তৌবা ঙম্ব ফংনবা লোমদা থবক তৌরি”।

মন্ত্রীনা এন.ই.আর.দা সোসিও-ইকোনোমিক হেন্না ফগৎহন্নবা কেন্দ্র সরকারনা থমখিবা ৱাফমদা মরুওইবা পীখি অমসুং মফম অসিদা পীখিবা গ্রোস বজেত সপ্পোর্ত (জি.বি.এস.)কী মরমদা খঙহনখ্রে। “মন্ত্রালয়শিং/দিপার্তমেন্তশিং পুম্বা অৱাং-নোংপোক্কী মফমশিং কান্ননবা মখোয়দী এলোকেসন্দগী গ্রোস বজেত সপ্পোর্ত চাদা ১০ চাদিং তৌবা মথৌ তাই। মসিগী হোৎনরিবা অসিনা এন.ই.আর.দা সরকারনা অখন্নবা মিৎয়েং থম্লি হায়বা অসিগী মমি তাহল্লি,” হায়না মহাক্না হায়খি। মহাক্না মখা তাখি মদুদি জি.বি.এস. এলোকেসন্দ চাদা ১০ অসিনা, এন.ই. রাজ্যশিংগী এনুএল বজেত (রিভাইস এস্তিমেৎ)তা ২০১৪-১৫দগী হৌদুনা শরুক কয়া অমা হেনগৎলক্লি।

শ্রী বি.এল, বর্মানা ২০১৪দগী হৌদুনা এন.ই.দা খুমাং চাউশিন্নবা ইনফ্রাস্ত্রকচরগী খোঙথাং কয়া অমা পায়খৎলকপা অসিদা নুঙাইবা ফাওখি অমসুং হায়খি, “মফম অসিদা লম্বী-থোং ফাওনবগী অৱাবা অসি কোক্ননবা, সরকারনা এয়র, রেলৱেজ, লম্বী, ঈশিংলম্বীশিং, ইনর্জী, তেলোকম্ম্যুনিকেসন অসিনচিংবা অসিগা মরী লৈনবা ইনফ্রাস্ত্রকচরগী ওইবা প্রোজেক্তশিংগী খোঙথাং পায়খৎলি। ঙসিদি, রেল ফাওনবা অসি মমাংদা গুৱাহাতী ফাওবা খক্তা ওইরম্বা অদু অরুনাচল প্রদেশ অমসুং ত্রিপুরা য়ৌখ্রে, প্রোজেক্ত মঙা অমা লাইন্দা লৈরি”। মন্ত্রী অমুসু পাউদমখি মদুদি নেস্নেল হায়ৱেজকী অশাংবা অসি ২০১৪-১৫দা কি.মি. ১০,৯০৫ তগী হৌজিক কি.মি. ১৩,৭১০দা হেনগৎলে।

হৌজিক ওইরিবা এয়র কন্নেক্তিবিতীগী চাউখৎলকপা অসিদা ৱা ঙাংলদুনা মন্ত্রীনা মখা তাখি মদুদি হন্দক্তা অরুনাচল প্রদেশকী হোলোঙীদা শঙ্গাখিবা এয়রপোর্ত ২০২২গী ওগস্ততা মপুং ফানা লোইশিল্লগনি। হায়রিবা অসিনা অৱাং-নোংপোক্তা লৈরিবা অপিকপা অমসুং অচৌবা হান্নগী এয়রপোর্ত তরামঙাদা অমা হাপচিনগদৌরিবনি।

মন্ত্রীনা মখা তাখি মদুদি তেলেকম্ম্যুনিকেসন দিপার্তমেন্তকী মখাদা য়ুনিভর্সেল সর্বিস ওব্লিগেসন ফন্দগী এইদকা লোয়ননা খুঞ্জা ৫৬০০ লুপা করোর ৩৭১৫ চংবগা লোয়ননা তাৱরশিং ৪৪০৪গী নেতৱার্ক্কী খুৎথাংদা ই-পাউ ফাওনরি। মসিগী মথক্তা রাজ্য অসিগী পাৱর সেক্তরদা হেন্না ফগৎহন্নবগী পান্দমদা সরকার অসিনা ২০১৪-১৫দগী হৌদুনা লুপা করোর ১০,০০৩গী শেনফম চাদিং তৌখ্রে, হায়না মহাক্না হায়খি। মন্ত্রী অসিনা হৌজিক চৎথরিবা মরুওইবা প্রোজেক্ত অনিগী মতাংদা পনখি মদুদি, লুপা করোর ১৯,৯৯২ চংনা পাবগা লোইননা অরুনাচল প্রদেশ – অসামদা মেগাৱাত ২০০০গী সুবনসিরি লাৱর হায়দ্রোইলেক্ত্রিক প্রোজেক্ত অমসুং বেনিফিসরী রাজ্যশিং তরুক মিং ওইনা পল্লবদা অসাম, মনিপুর, মঘালয়, মিজোরম, নাগালেন্দ অমসুং ত্রিপুরাদা লুপা করোর ৬,৭০০গী এস্তিমেৎ কোস্ত অমদা নোর্থ ইস্তর্ন রিজন পাৱর সিস্তেম ইমপ্রুবমেন্ত প্রোজেক্ত (এন.ই.আর.পি.এস.আই.পি.) অসিনি।

মন্ত্রীনা অনৌবা স্কীম ওইরিবা, ২০২২-২৩গী কেন্দ্রগী বজেৎ পুথোকপদা ফাইনান্স অমসুং কোর্পোরেত এফিয়র্সকী কেন্দ্রগী মন্ত্রীনা লাওথোকখিবা অৱাং নোংপোক্কীদমক প্রধান মন্ত্রীগী চাউখৎ থৌরাংগী খোঙথাং, পি.এম.-দিবাইন মরমদা ৱা ঙাংখি। অনৌবা স্কীম অসিগীদমক্তা লুপা করোর ১,৫০০গী অহানবা এলোকেসন অমা শেম্লগনি। মসিদা অৱাং নোংপোক্কী তঙাইফদবা য়েংবদা য়ুম্ফম ওইদুান পি.এম. গতিশক্তি, অমসুং সোসিএল দিবলপমেন্ত প্রোজেক্তশিংগী ইথিলদা ইনফ্রাস্ত্রকচরদা ফন্দ তৌগনি। হায়রিবা অসিনা নুপী অমসুং নহাশিংগী পুন্সি মহিংদা থবক থৌরম কয়া অমা পায়খৎপা ঙম্লগনি, সেক্তরশিং কয়া লৈরিবা অৱাৎপশিং মেনখৎপা ঙম্লগনি হায়না মহাক্না হায়খি। 

‘কনক্লেব ওন ইনভেস্তমেন্ত পোতেন্সিএল এন্দ ফুচর ইনর্জী নীদস ওফ নোর্থ ইস্ত’তা মহাক্কা ৱা ঙাংবা মনুংদা শ্রী বর্মানা মসিমসু হায়খি মদুদি এন.ই.আর.দা রিনেৱেবল ইনর্জী মেগাৱাত ১২৮,০০০ হেন্না পুথোকপা ঙম্বা লৈ।

শ্রী বি.এল. বর্মানা মহাক্কী আসা ফোংদোকখি মদুদি মফম অসিদা হৌজিক পায়খৎলিবা ইনফ্রাস্ত্রকচর প্রোজেক্তশিং অসিনা পব্লিক-প্রাইবেৎ পার্তনরশিপ (পি.পি.পি.) হেন্না ফগৎনবা লনাইগী ইনভেস্তরশিংগী পুক্নিং চিংশিল্লগনি।

‘কনক্লেব ওন ইনভেস্তমেন্ত পোতেন্সিএল এন্দ ফুচর ইনর্জী নীদস ওফ নোর্থ ইস্ত’ অসি অজাদি কা অমৃত মহোৎসবকী নিংশিং থৌরম পাংথোক্নবা এম.দোনরগী চয়োল চুপ্না পাংথোকপা নোর্থ ইস্ত ফেস্তিবেলগী শরুক্নি। থম্লিবা পান্দম অসি অৱাং নোংপোক মফমশিংদা চাউখৎ থৌরাংগী লৈরিবা মখল কয়াদা খন্ন-নৈনবা হেনগৎনবনি।

কনক্লেব অসিদা মেঘালয়গী চীফ সেক্রেতরী আর. ভি. সুচিয়াং, এন.ই.সি.গী সেক্রেতরী শ্রী কে. এম. চালাই, দোনর মন্ত্রালয়গী মকোক থোংবা এদভাইজর, শ্রী কে.ভি. প্রতাপ অমদি অতৈ অতোপ্পশিংগা লোয়ননা শরুক য়াখি।

কনক্লেব অসিগী হায়তাইত্তা মন্ত্রালয়গী মীওইশিংনা মখোয়গী প্রোজেক্তশিং অমসুং তুংগী ওইনা খল্লিবা ৱাখলশিংগী প্রজেন্তেসনশিং য়াওরি। মন্ত্রালয়গী মীওইশিং অসি রোদ ত্রান্সপোর্ত অমসুং হায়ৱেজকী মন্ত্রালয় (এম.ও.আর.তি.ঐচ.), পাৱর, সিবিল এবিএসন, তেলেকোম, ন্যু অমসুং রিনেৱেবল ইনর্জীগী মন্ত্রালয় অমসুং রেলৱেজনি।

অজাদি কা অমৃত মহোৎসব - নোর্থ-ইস্ত ফেস্তিবেল অসি ২০২২গী এপ্রিল ২৮দগী ২০২২গী মেগী ৪ ফাওবা পাংথোক্কনি। নুমিৎ তরেৎনি খুদিংমক তোঙান-তোঙানবা থীমশিং লৈগনি। চয়োল অসিগী খ্বায়দগী ৱাংবা থৌরম মেগী ৪দা গুৱাহাতীদা পাংথোক্কদৌরিবা অরোইবগী থৌরমদা ওইগনি। থৌরম অসিদা ভারতকী রাস্ত্রপতি শ্রী রাম নাথ কোবিন্দনা শরুক য়াদুনা ইকাই খুম্নগনি।

***

(Release ID: 1821547) Visitor Counter : 117